မြင့်မောင်
ကြာသပတေးနေ့၊ ဂျူလိုင်လ 31 2008
နယူးဒေလီ။ ။ စစ်ကိုင်းတိုင်း မုံရွာမြို့တွင် ကလေးသူငယ်များ သွေးလွန်တုပ်ကွေးရောဂါ အဖြစ်များနေသည်။
ကလေးသူငယ်များ သွေးလွန်တုပ်ကွေး ရောဂါ ဖြစ်ပွားနေသည့်အတွက် မြို့နယ် ပြည်သူ့ဆေးရုံကြီးနှင့် ပြင်ပ ဆေးခန်းများတွင် ကလေးငယ် အများအပြား ဆေးကုသ ခံယူနေရခြင်း ဖြစ်သည်။
“ကလေးတွေကတော့ တော်တော်များများ ဖြစ်နေတယ်။ ဆေးရုံမှာဆို လူတွေတောင် မဆန့်ဘူး။ ကလေးတွေ ကုတင်တောင် မဆန့်ဘူး။ တကုတင်ကို ကလေးနှစ်ယောက်လောက် ထားနေရတယ်။ ကုတင် မဆန့်တော့တဲ့အတွက် လူကြီးအဆောင်တွေမှာ ထားရတယ်။ ကျမ ကလေးတောင် ၃ ရက်လောက် ကုခဲ့ရသေးတယ်” ဟု အုန်းခြံရပ်ကွက်မှာ မိခင်တဦးက ပြောသည်။
သူက ဆက်ပြီး “ကျမ ကလေးက သိပ်မပြင်းဘူး။ အသင့်အတင့်ဖြစ်တာ။ လက်မောင်းမှာ အနီပျောက်လေးတွေ ပေါ်လာတယ်။ ဆေးတိုက်လိုက်တော့ သက်သာသွားတာပေါ့။ ဓာတ်ဆားကတော့ အဓိက တိုက်ရတာပေါ့။ သွေးလွန်တုပ်ကွေး ရောဂါဆိုးတဲ့ ကလေးတွေက နှာခေါင်းထဲမှာ သွေးရှန်တာတွေ ဖြစ်တယ်။ ကျမ အသိထဲမှာ ကလေးငယ် ၁ဝ ယောက်လောက်ရှိတယ်။ လောလောဆယ် ဒီနားမှာတော့ အသားဝါနဲ့ သွေးလွန် တုပ်ကွေး ပေါင်းပြီးတော့ ဖြစ်တယ်။ စလိုင်းတွေကို တပတ်လောက် ချိတ်ရတယ်” ဟု ပြောသည်။
ပြင်ပဆေးခန်းတခုတွင် ရောဂါဖြစ်ပွားသူ သားငယ်ကို သွားရောက်ကုသနေရသူ ဘုရားကြီးရပ်ကွက်မှ ဒေသခံ တဦးကလည်း “ဒေါက်တာ ဒေါ်မြင့်မြင့်သိန်းရဲ့ ကလေးအထူးကု ဆေးခန်းမှာ လာကုတဲ့ ကလေးတွေက တနေ့ကို ၁၅ဝ နီးပါး ရှိတယ်” ဟု ပြောသည်။
အဆိုပါ ဆေးခန်းသည် နံနက် ၇ နာရီမှာ ၉ နာရီအထိ တကြိမ်၊ နေ့လယ် ၁၂ နာရီမှ ၂ နာရီအထိ တကြိမ်၊ ညနေ ၄ နာရီမှ ၈ နာရီအထိ တကြိမ်၊ တနေ့လျှင် စုစုပေါင်း ၃ ကြိမ်ဖွင့်ပြီး တကြိမ်တွင် ၅ဝ ခန့် ကုသနေရသည်ဟု မေးမြန်းသိရှိခဲ့ရကြောင်း သူက ဆက်ပြောသည်။
မုံရွာမြို့ ပြည်သူဆေးရုံကြီးမှ ကလေးဆောင်တွင် တာဝန်ကျသူ ဝန်ထမ်းတဦးကလည်း ကလေးငယ်များ သွေးလွန်တုပ်ကွေးကြောင့် လာရောက် ဆေးကုသ ခံယူနေရကြောင်း အတည်ပြု ပြောဆိုသော်လည်း အသေးစိတ်ကိုမူ ထုတ်ဖော်ပြောဆိုရန် ငြင်းဆိုသည်။
သွေးလွန်တုပ်ကွေး ဖြစ်ပွားမှုသည် ပြီးခဲ့သည့် နှစ်ကထက် ယခုနှစ်တွင် ပိုမိုဆိုးရွားကြောင်း ပုဂ္ဂလိက ဆေးခန်းတခုမှ အမည်မဖော်လိုသူ ဆရာဝန်တဦးကလည်း ထုတ်ဖော်ပြောဆိုသည်။
သူက ဆက်ပြီး “လွန်ခဲ့တဲ့ ၂ လလောက်က စဖြစ်တာပါ။ ဆေးရုံနဲ့ ဆေးခန်းတွေမှာ ကလေးတွေ ဆေးကုတာရှိတယ်။ သေဆုံးတာတွေ ရှိတယ်လို့လည်း ကြားရပေမယ့် ဘယ်နှစ်ဦး သေဆုံးတယ်တော့ အတိအကျ မသိဘူးလေ။ လိုအပ်ရင် ဆေးသွင်း၊ သွေးသွင်း လုပ်ပေးရတယ်။ ပြင်ပဆေးခန်းမှာတော့ စိုးရိမ်စရာရှိတဲ့ ကလေးတွေကို ပြည်သူ့ဆေးရုံကြီးကို လွှဲပြောင်းပေးရတယ်လေ” ဟု ပြောသည်။
Subscribe to:
Post Comments (Atom)
No comments:
Post a Comment