“ကျင့်တဲ့တရားပဲ အရေးကြီးတယ်” ဟု မင်းကိုနိုင် မွေးနေ့ အမှာစကားပြော

ဇွဲခန့် |
အင်္ဂါနေ့၊ အောက်တိုဘာလ ၁၈ ရက် ၂၀၁၁ ခုနှစ်


နယူးဒေလီ (မဇ္စျိမ) ။ ။ “လူဆိုတာ ရောက်တဲ့နေရာ အရေးမကြီးဘူး၊ ကျင့်တဲ့ တရားပဲ အရေးကြီးတယ်” ဟူ၍ ကျိုင်းတုံထောင်တွင်း ထောင်ဒဏ် ၆၅ နှစ်ကျခံနေရသည့် ၈၈ ကျောင်းသားခေါင်းဆောင် မင်းကိုနိုင်က မွေးနေ့ အမှာစကား အဖြစ် ပြောဆိုလိုက်သည်။

အင်္ဂါနေ့တွင် ကျရောက်သည့် အသက် ၄၉ နှစ်ပြည့် မွေးနေ့ အထိမ်းအမှတ်အဖြစ် အင်းစိန်မြို့နယ် သမိုင်း မြို့မ ပရိယတ္တိ စာသင်တိုက်တွင် ကျင်းပခဲ့ရာ ယင်းကဲ့သို့ ထောင်တွင်းမှ အမှာစကားပေးပို့ ပြောဆိုခဲ့ခြင်း ဖြစ်သည်။

“သူက အမှတ်တရနေနဲ့ ရေးပေးလိုက်တာပေါ့နော်။ ဘယ်နေရာရောက်ရောက် ရောက်တဲ့နေရာက အရေးမကြီးဘူး
ပေါ့နော်။ ကိုယ့်ရဲ့ကျင့်ကြံမှု၊ ကိုယ့်ရဲ့ နေထိုင်မှု ဒါကို ရည်ညွန်းချင်တယ်လို့ ကျမ ထင်တာပေါ့နော်” ဟု ညီမဖြစ်သူ မမီမီလွင်က မဇ္ဈိမကို ပြောသည်။

အကျဉ်းကျနေသည့် မွေးနေ့ရှင် ကိုယ်စား ကိုမင်းကိုနိုင်၏ မိသားစုဝင်များက မွေးနေ့ ဆုတောင်း ရွတ်ဆိုနေသည်ကို သမိုင်းမြို့မကျောင်းတွင် တွေ့ရစဉ် (ဓါတ်ပုံ မဇ္ဈိမ)

ကိုမင်းကိုနိုင်မှာ ၂ဝဝ၇ ခုနှစ် လောင်စာဆီဈေးနှုန်း ကျဆင်းရေး လှုပ်ရှားမှုတွင် ပါဝင်ခဲ့မှုဖြင့် ယင်းနှစ် သြဂုတ်လ
၂၁ ရက်နေ့က ဖမ်းဆီးခံရကာ ထောင်ကျခံနေရခြင်း ဖြစ်ပြီး မကြာသေးခင်က သမ္မတဦးသိန်းစိန်၏ လွတ်ငြိမ်း ချမ်းသာခွင့်တွင်လည်း လစ်လျူရှု ခံထားရသူတဦး ဖြစ်သည်။

နံနက် ၈ နာရီမှစတင်ခဲ့သည့် မွေးနေ့ပွဲသို့ လူထုခေါင်းဆောင် ဒေါ်အောင်ဆန်းစုကြည် အပါအဝင် အမျိုးသား ဒီမိုကရေစီ အဖွဲ့ချုပ် NLD မှ ဒုဥက္ကဋ္ဌ ဦးတင်ဦး၊ ဦးဝင်းတင် အပါအဝင် မကြာမီက ပြန်လည် လွတ်မြောက်လာသည့် လူရွှင်တော် ဇာဂနာနှင့် အလုပ်သမား အခွင့်အရေး လှုပ်ရှားသူ မစုစုနွေးတို့လည်း တက်ရောက်ခဲ့သည်။ ပြင်သစ်၊ ဗြိတိန်၊ အမေရိကန် သံရုံးမှ သံအမတ်များလည်း တက်ရောက်ခဲ့ပြီး တိုင်းရင်းသား ခေါင်းဆောင်များ၊ ရွေးကောက်ပွဲ
ဝင် ပါတီများ၊ မျိုးဆက်သစ်လူငယ်များ စုစုပေါင်း လူဦးရေ ၂၀၀၀ ခန့် တက်ရောက်ခဲ့သည်။

“အမြဲတမ်း ဒီလိုမျိုး မွေးနေ့ရှင် မပါဘဲနဲ့ ကျင်းပနေရတဲ့ မွေးနေ့ပေါင်းများစွာ အတွက်တော့ ကျမတို့စိတ်ထဲမှာ ခံစားမှု ကတော့ ပြောမပြတတ်အောင် ဖြစ်နေရတာပေါ့ရှင်။ လာမယ့်နှစ်မှာတော့ သူနဲ့အတူတူ ကျင်းပချင်တာပေါ့နော်။ ဒါပေမဲ့ နှစ်တိုင်း နှစ်တိုင်းတော့ မျှော်ကြတာပေါ့။ မရှိတော့လဲ မရှိသလို ကျင်းပနေရတာပါပဲရှင်” ဟု မမီမီလွင်က ဆိုသည်။

“ကိုယ်တကိုယ်တည်း အတွက် လုပ်တဲ့ပွဲ မဖြစ်စေချင်ဘူး၊ အားလုံးအတွက် အမှတ်တရ ဖြစ်စေချင်တယ်” ဟုလည်း ကိုမင်းကိုနိုင်က မွေးနေ့စကားလက်ဆောင် ပါးလိုက်သေးကြောင်း သိရသည်။

ကိုမင်းကိုနိုင်မှာ ၁၉၈၈ လူထု အရေးတော်ပုံတွင် ဗမာနိုင်ငံလုံးဆိုင်ရာ ကျောင်းသားသမဂ္ဂ - ဗကသ ဥက္ကဋ္ဌ အဖြစ်
ရွေးချယ်ခံရကာ ဒီမိုကရေစီ လှုပ်ရှားမှုကြောင့် ၁၉၈၉ ခုနှစ် မတ်လအတွင်း ဖမ်းဆီးခံရကာ ၂၀၀၄ ခုနှစ်တွင်ပြန် လည် လွတ်မြောက် လာခဲ့သည်။

ယင်းနောက် ၂၀၀၆ ခုနှစ် စက်တင်ဘာလတွင် ထပ်မံ ထိန်းသိမ်းခံရကာ ၂ဝဝ၇ ခုနှစ် ဇန်နဝါရီတွင် ပြန်လည် လွတ်မြောက်လာခဲ့ပြီး လောင်စာဆီဈေးနှုန်း ကျဆင်းရေးလှုပ်ရှားမှုကြောင့် ထပ်မံ အဖမ်းခံခဲ့ရခြင်း ဖြစ်သည်။

အကျဉ်းကျခံ ကျောင်းသားခေါင်းဆောင်၏ မွေးနေ့ အထိမ်းအမှတ်အဖြစ် မိုးပျံပူပေါင်းနှင့် ချိုးငှက်များလွှတ်ကာ အကျဉ်းသားအားလုံး လွတ်မြောက်လာရေးအတွက် ဆုတောင်းခဲ့ပြီး လူထုခေါင်းဆောင် ဒေါ်အောင်ဆန်းစုကြည်၊ စွယ်စုံအနုပညာရှင် ကိုဇာဂနာနှင့် ၈၈ မျိုးဆက်ကျောင်းသူ မဖြိုးဖြိုးအောင်တို့က အမှတ်တရ စကားများ ပြောကြား ခဲ့သည်။

ဒေါ်အောင်ဆန်းစုကြည်က နိုင်ငံရေး အကျဉ်းသား အားလုံး လွတ်မြောက်ရေးအတွက် ဆန္ဒပြုကြောင်းနှင့် “အဂတိ
လေးပါးကနေ ကင်းလွတ်ပြီးတော့မှ လုပ်ဆောင်ကြမယ်ဆိုရင် အကောင်းဆုံးဖြစ်မယ်”ဟု ပြောဆိုခဲ့ကြောင်း မွေးနေ့ပွဲ
ဖြစ်မြောက်ရေး တာဝန်ခံ ၈၈ မျိုးဆက်ကျောင်းသား ကိုမြတ်သူက ပြောသည်။

ယင်းအပြင် ယုံကြည်ချက်ကြောင့် အကျဉ်းကျခံနေရသူများ၏ မိသားစုများက မကြာခင်က လွတ်မြောက်လာပြီး
မွေးနေ့ပွဲ တက်ရောက်လာသူ နိုင်ငံရေးအကျဉ်းသား ၁ဝဝ ကျော်ကိုလည်း တယောက်လျှင် ၅,ဝဝဝ နှုန်း ဖြင့် ကူညီ
ပေးခဲ့သည်။ ပွဲတွင် မွေးနေ့ဂုဏ်ပြု တေးသီချင်းသီဆိုခြင်းနှင့် ကဗျာရွတ်ပြိုင်ပွဲများလည်း ထည့်သွင်း ကျင်းပခဲ့သည်။

“အကျဉ်းထောင်တွေကို စာကြည့်တိုက် သဘောမျိုး လုပ်ဖို့ အတွက်ပေါ့နော်။ စာအုပ်တိုက် ၄၂ တိုက်ကနေပြီးတော့မှ လှူဒါန်းထားတဲ့ စာအုပ်တွေကို ထောင် ၄၂ ထောင်ကို ခွဲပြီးတော့မှ လှူဒါန်းပေးတဲ့ အစီအစဉ်လဲ ပါတယ်” ဟု ကိုမြတ်သူက ပြောသည်။ ယင်းစာအုပ်များမှာ တန်ဖိုးအားဖြင့် ၂၇ သိန်းကျော်ဖိုး ရှိသည်။

မွေးနေ့ပွဲတွင် ကိုမင်းကိုနိုင် ပုံတူ ပန်းချီကား ၂၀ ကျော်ကိုလည်း ပြသခဲ့ပြီး ပွဲပြီးချိန်တွင် ပွဲတက်ရောက်သူများ ယူဆောင်သွားမှုကြောင့် သုံးချပ်သာ ပြန်ရလိုက်သည်ဟု သိရသည်။

“အပြန်မှာ အဲဒီပန်ချီကား သုံးချပ်ပဲ ပြန်ရတော့တယ်။ ယူသွားကြတဲ့သူတွေက ကိုမင်းကိုနိုင်ကို ချစ်လို့ပါ ဆိုပြီးတော့
တောင်းယူသွားကြတာ။ ကျနော့်ကိုတော့ မဟုတ်ဘူး။ နီးစပ်ရာ တောင်းယူသွားကြတာပေါ့။ ကျနော် အတော်နှမြော တယ်ဗျာ” ဟု ပန်းချီဆွဲထားသူ ကိုမျိုးရန်နောင်သိန်းက ပြန်ပြောပြသည်။

၂ဝဝ၇ ခုနှစ်တွင် ပြန်လည် ဖွဲ့စည်းခဲ့သည့် ဗကသများ အဖွဲ့ချုပ်မှလည်း မွေးနေ့ပွဲသို့ မွေးနေ့သဝဏ်လွှာ ပေးပို့ခဲ့ကာ “ယနေ့အချိန်ထိ ရှင်သန်လှုပ်ရှားနေသော ဗကသများ အဖွဲ့ချုပ်၏ သမိုင်းတခေတ်ကို ပြန်လည် ဖွင့်လှစ်ပေးခဲ့သည့် ကိုမင်းကိုနိုင်အား မိမိတို့ ကျောင်းသူ၊ ကျောင်းသားများက လေးလေးနက်နက် ဂုဏ်ပြု ဦးညွတ်ပါသည်” ဟု သဝဏ်လွှာတွင် ပါရှိသည်။

အလားတူ မွေးနေ့ အထိမ်းအမှတ်ပွဲများကို ရန်ကုန်တွင် သာမက ကချင်နှင့် ကရင်ပြည်နယ်၊ စစ်ကိုင်း၊ မန္တလေးနှင့် မကွေးတိုင်း ချောက်နှင့် ရေနံချောင်းမြို့နယ် တို့တွင်လည်း NLD ကွန်ယက် အဖွဲ့ဝင်များက ပြုလုပ်ခဲ့ကြသည်ဟု သိရသည်။

“ကျနော်တို့ ကြားတဲ့ သတင်းအရ အကျဉ်းကျခံနေရတဲ့ နိုင်ငံရေး အကျဉ်းသား လွတ်မြောက်မှုက သုံးကြိမ် ရှိမယ်ပေါ့။ ပထမဦးဆုံး အကြိမ် လွတ်မြောက်မှုမှာ ကိုမင်းကိုနိုင် ပါမလာဘူး၊ ကိုဇာဂနာတို့ ပါလာတယ်။ ကိုမင်းကိုနိုင် တို့ကို
တော့ နောက်ဆုံးအကြိမ်မှာ ပါလာမယ်လို့ ကျနော်ကြားထားတာ ရှိတယ်။ ဆိုတော့ လွတ်စေချင်တာပေါ့ဗျာ” ဟု ၈၈ မျိုးဆက် ကျောင်းသားတဦး ဖြစ်သူ ကိုမျိုးရန်နောင်သိန်းက ဆိုသည်။

အိန္ဒိယနိုင်ငံ နယူးဒေလီရောက် ဒီမိုကရေစီ အင်အားစုများ ကလည်း ကိုမင်းကိုနိုင် မွေးနေ့ အထိမ်းအမှတ် အဖြစ်
အောက်တိုဘာလ ၁၈ ရက်နေ့က ပြုလုပ်ခဲ့ကြသည်။ မြန်မာနိုင်ငံ အမျိုးသမီးရေးရာနှင့် အခွင့်အရေးများ ဆိုင်ရာ
အဖွဲ့ (WRWAB) ရုံး၌ ပြုလုပ်ရာတွင် သံဃာတော်များအား ဆွမ်းကပ်ခြင်းနှင့် နိုင်ငံရေး အကျဉ်းသား အားလုံး လွတ်မြောက်ရေး အတွက် ဘာသာစုံ ဝတ်ပြု ဆုတောင်းပွဲ ပြုလုပ်ခဲ့ကြသည်။

ဦးသိန်းစိန်လာတုန်း အရောင်းရဆုံး စာအုပ်

ကိုပေါက် |
အင်္ဂါနေ့၊ အောက်တိုဘာလ ၁၈ ရက် ၂၀၁၁ ခုနှစ်

နယူးဒေလီ (မဇ္ဈိမ) ။ ။ မြန်မာသမ္မတ ဦးသိန်းစိန် အိန္ဒိယသို့ လေးရက်ကြာ လာရောက်ခဲ့သည့် ရက်သတ္တပါတ် အတွင်း အိန္ဒိယ စာအုပ်လောက၌ အရောင်းရဆုံး စာအုပ်များ စာရင်းတွင် နံပါတ်တစ် အဖြစ် ဦးသန့်မြင့်ဦး ရေးသား သည့် Where China Meets India စာအုပ်အား The Asian Age သတင်းစာတွင် ဖော်ပြပါရှိသည်။

“အိန္ဒိယ-တရုတ် ပြိုင်ဆိုင်မှုဟာ ကမ္ဘာ့နိုင်ငံရေး၊ အထူးသဖြင့် အာရှနိုင်ငံရေးကို ဘယ်လောက် ပုံဖော်နိုင်စွမ်းမလဲ ဆိုတာရယ်၊ နောက်ပြီး ဗမာပြည်ဟာ ဘယ်လောက် ထူးခြားတဲ့အခန်းကဏ္ဍကနေ ပါဝင်လာနိုင်မလဲဆိုတာကို စိတ်ဝင်စားဖွယ်ဖြစ်စဉ်နဲ့” ရေးသားထားကြောင်း Raghu Dayal က The Statesman သတင်းစာတွင် မှတ်ချက်ပေးသည်။

တရုတ်၏ ‘အနောက်ချီ’ နှင့် အိန္ဒိယ၏ ‘အရှေ့မျှော်’ မူဝါဒတို့ မြန်မာပြည်တွင် ဆုံမိကြပြီး အနောက်အုပ်စု၏ ဒဏ်ခတ် ပိတ်ဆို့မှုများသည် မြန်မာအား တရုတ်ရင်ခွင်ထဲ ဇွတ်တွန်းပို့သကဲ့သို့ဖြစ်နေကာ တရုတ်စီးပွားရေးသမားတွေ အတွက် အရေးသာမှုတွေ ဖန်တီးပေးနေသလိုဖြစ်နေကြောင်း ဤစာအုပ်တွင် ရေးသားထားသည်။

မြန်မာပြည်အား ကုန်ကြမ်းပစ္စည်း ရရှိရာ၊ ဘင်္ဂလား ပင်လယ်အော်သို့ ဝင်လမ်း ရနိုင်ဖွယ်နှင့် နှစ်နိုင်ငံပေါင်း လူဦးရေ သန်း ၂၅၀၀ အား ဆက်စပ်ပေးနိုင်သည့် နှောင်ကြိုးအဖြစ် အိန္ဒိယနှင့် တရုတ် နှစ်နိုင်ငံလုံးက အသိအမှတ်ပြုထားကြသည်။

ဦးသန့်မြင့်ဦးက ၎င်းသွားရောက်ခဲ့ဖူးသည့် နယ်စပ်ကုန်သွယ်ရေး ဖွံ့ဖြိုး ရာမန်မာလားရှိုးနှင့် တရုတ်နယ်စပ် အခြေအနေများ ကိုလည်း တခါက ရွှံ့ညွန်ထူသည့် တောတောင်ဒေသများမှာ ယခု ရန်ကုန်ထက် ခေတ်မီနေကြောင်း ရေးသားထားသည်။

သို့သော် တရုတ်ပြည်၏ ဖွံ့ဖြိုးတိုးတက်မှုများအား အံ့ချီးမဆုံးဖြစ်နေသည့် စာရေးသူမှာ တရုတ်သြဇာအတွက်လည်း စိုးတထိတ်ထိတ်ဖြစ်နေပြီး “တိုင်းပြည် ပြန်လည် ထူထောင်ရေးဟာ ရင်းနှီးမြှုပ်နှံမှု အသစ်တွေကို စေ့ဆော်ပေးနိုင်
မယ်ဆိုရင် ဗမာပြည်ဟာ အာရှကုန်သွယ်ရေးရဲ့ နေရာမှန်ကို ပြန်လည် ရယူနိုင်မှာဖြစ်လို့ အနောက်အပေါ် များစွာ မှီတည်နေတယ်” ဟု ဘန်ကောက်ပို့စ် သတင်းထောက် Tim Johnston က Financial Time တွင် ရေးသားထား သည်။

စာရေးသူ ဦးသန့်မြင့်ဦးမှာ ကုလသမဂ္ဂ အတွင်းရေးမှူးချုပ်ဟောင်း ဦးသန့်၏ မြေးဖြစ်ပြီး Havard နှင့် Cambridge တက္ကသိုလ်ကျောင်းဆင်းတဦးလည်း ဖြစ်သည်။

“အခုချိန် မြန်မာပြည်ဟာ ၁၉၆၂ စစ်အုပ်ချုပ်ရေးမှ စတင်ကာ အရေးအကြီးဆုံး နိုင်ငံရေး အပြောင်းအလဲ ကာလ ကို ရောက်နေပြီ” ဟု အစချီထားသည့် ဆောင်းပါးတပုဒ်ကိုလည်း The Indian Express သတင်းစာကြီးတွင် ဦးသိန်းစိန် မလာရောက်မီ ရေးသားခဲ့ပြီး ဦးသိန်းစိန်အား ‘အားလုံးကို အံ့သြသွားစေခဲ့သူ’ အဖြစ် ခြယ်မှုန်းထားသည်။

အဆိုပါ ‘Open up to Burma’ ဆောင်းပါးတွင် စာရေးသူ ကိုယ်တိုင် စက်တင်္ဘာလ အတွင်းက ဒေါ်အောင်ဆန်းစုကြည်နှင့် ရန်ကုန်မြို့တွင် တွေ့ဆုံခဲ့စဉ် ဒေါ်အောင်ဆန်းစုကြည်က “သမ္မတဟာ အပြောင်းအလဲ လိုချင်တာ တကယ်ဖြစ်ကြောင်း သူမ ယုံကြည်ပြီး မြန်မာ့နိုင်ငံရေး ခေတ်သစ်ရဲ့ အစကို ရောက်ရှိနေပြီလို့ သူမမျှော်လင့်ကြောင်း” ၎င်းအား ပြောဆိုခဲ့သည် ဟု ရေးသားထားသည်။

ဆောင်းပါးတွင် “အထီးကျန် တိုင်းပြည်ရဲ့ ဒီမိုကရေစီ အသွင်ကူးပြောင်းရေးဟာ အတိမ်းအစောင်း မခံတဲ့ အဆင့်ကို
ရောက်ရှိနေပြီ။ ကူညီနိုင်ရန် နည်းလမ်းများမှာ” ဟု ခေါင်းစဉ်ငယ်တပ်ထားပြီး နည်းလမ်း သုံးခု တင်ပြထားသည်။

ပထမဦးစွာ များများနှင့် မြန်မြန် တောင်းဆိုမှုတွေကို အောင့်အီး ရှောင်ကြဉ်ကြပြီး ပြုပြင်ပြောင်းလဲမှုအား ပြတ်ပြတ်
သားသား ထောက်ခံကြရန် တိုက်တွန်းထားပြီး သို့မဟုတ်ပါက ဒုံရင်းသို့ ပြန်ရောက်သွားမည်ဟု ဆိုသည်။

ထို့ပြင် အာဏာပိုင်များအနေဖြင့် လိုအပ်သည့် နည်းပညာအကြံဉာဏ်များ လိုအပ်ကြောင်းထောက်ပြကာ အမေရိကန် ပိတ်ဆို့မှုများ ရုတ်သိမ်းပေးရန်လည်း တောင်းဆိုသည်။

တတိယအားဖြင့် ကုန်သွယ်ရေးပိတ်ဆို့မှုအားလုံး အဆုံးသတ်ရေးအထိ ဆောင်ရွက်သွားရန် တင်ပြထားသည်။

ဦးသန့်မြင့်ဦးမှာ River of the lost footsteps စာအုပ်လည်း ရေးသားခဲ့ဖူးပြီး မြန်မာနိုင်ငံကို အထီးကျန်ထားခြင်း မဟုတ်ဘဲ ကုန်သွယ်မှုတိုးပြီး စီးပွားရေး ဖွံ့ဖြိုးတိုးတက်အောင် လုပ်ခြင်းအားဖြင့် နိုင်ငံယန္တရားကို စနစ်တကျတည်
ဆောက်ကာ၊ အရပ်ဘက်လူမှုအဖွဲ့အစည်းများ ဖွံ့ဖြိုးအောင်လုပ်ကိုင်ရန် ဆိုထားခြင်းကြောင့် ဝေဖန်မှုများလည်း ကြုံရသည့် စာအုပ်ဖြစ်သည်။

သြဂုတ်လအတွင်းက ထုတ်ဝေလိုက်သည့် Where China Meets India စာအုပ်မှာလည်း အဆိုပါစာအုပ်အား ထပ်မံ အားဖြည့်လိုက်ခြင်းဖြစ်သည်ဟု စာအုပ်ဝေဖန်သူတဦးက ဆိုသည်။

မြစ်ဆုံစီမံကိန်းကို ရပ်နားထားမည်ဟု ဦးသိန်းစိန်ပြောကြား

ညီသစ်
သောကြာနေ့၊ စက်တင်ဘာလ ၃၀ ရက် ၂၀၁၁ ခုနှစ်


ရန်ကုန် (မဇ္ဈိမ) ။ ။ အများပြည်သူ၏ စိုးရိမ်ပူပန်မှုများကြောင့် ဧရာဝတီမြစ်ဆုံတွင် တရုတ်နိုင်ငံနှင့် ပူးပေါင်း တည်ဆောက်မည့် မြစ်ဆုံစီမံကိန်းကို သူ၏ အစိုးရလက်ထက်တွင် ရပ်နားထားမည်ဖြစ်ကြောင်း မြန်မာသမ္မတ ဦးသိန်းစိန်က သောကြာနေ့တွင် လွှတ်တော်နှစ်ရပ်သို့ ပေးပို့သည့် သဝဏ်လွှာတွင် ပါရှိသည်။

သမ္မတကြီး၏ သဝဏ်လွှာတွင် အချက် ၁ဝချက်ပါရှိပြီး မြစ်ဆုံစီမံကိန်းမှာ အရေးပါသည့် အချက်တစ်ချက် ဖြစ်သည်။

ယခုအချိန်တွင် မြန်မာနိုင်ငံတွင် လျှပ်စစ်ဓာတ်အား လုံလောက်မှုရှိစေရန် အထောက်အကူ ပြုနိုင်သည့် ရေအား
လျှပ်စစ် စီမံကိန်း ၆၄ခုနှင့် ကျောက်မီးသွေး လျှပ်စစ် ဓာတ်အားစက်ရုံ ၃ရုံအနက် မြစ်ဆုံစီမံကိန်း ၈ခုသည် ကြီးမားသည့် စီမံကိန်းတစ်ခု အဖြစ် ပါဝင်ကြောင်းဆိုသည်။

မြန်မာသမ္မတ ဦးသိန်းစိန်က တရုတ်နိုင်ငံနှင့် ပူးပေါင်း တည်ဆောက်မည့် မြစ်ဆုံစီမံကိန်းကို သူ၏ အစိုးရလက်ထက်တွင် ရပ်နားထားမည်ဖြစ်ကြောင်း လွှတ်တော်နှစ်ရပ်သို့ ပေးပို့သည့် သဝဏ်လွှာတွင် ပါရှိ (ဓါတ်ပုံ မဇ္ဈိမ)

ထိုလျှပ်စစ်ဓာတ်အား ထုတ်လုပ်နိုင်သည့် စက်ရုံများမှ လျှပ်စစ်ဓာတ်အားထုတ်လုပ်နိုင်ရန် စက်တပ်ဆင်အင်အား မီဂါဝပ် လေးသောင်းကျော်ရှိကြောင်းလည်း ပါဝင်သည်။

တရုတ်ပြည်သူ့ သမ္မတ နိုင်ငံ၏ အရင်းအနှီးဖြင့် တည်ဆောက်နေသည့် ဧရာဝတီမြစ်ဆုံ ရေအားလျှပ်စစ်
စီမံကိန်း ပထမအဆင့်ကို လက်ရှိ လုပ်ဆောင်နေရာတွင် အများပြည်သူ အတွင်းတွင် စိုးရိမ်ပူပန်မှုများ ရှိနေ
ကြောင်း ဆိုပြီး မည်သည့် အချက်များကြောင့် စိုးရိမ်ပူပန် နေရသည်ကို အချက် ငါးချက်ထုတ်ကာ ပြောကြား
သွားသည်။

ကချင်ပြည်နယ်၊ မြစ်ဆုံပိုင်းအတွက် သဘာဝက ပေးထားသည့် အထိမ်းအမှတ် မြစ်ဆုံသဘာဝ အလှများ
ပျောက်ကွယ်နိုင်ခြင်း၊ မြစ်ညာပိုင်းတွင် ရှိသည့် တိုင်းရင်းသား ကျေးရွာများသည် အဆိုပါ စီမံကိန်းကြောင့်
ရေမြှပ်ကာ ယင်းတို့၏ အသက်မွေးဝမ်းကျောင်းများ ဆုံးရှုံး ပျက်စီးသွားနိုင်ခြင်း၊ ပုဂ္ဂလိက အရင်းအနှီးဖြင့်
စီးပွားဖြစ် စိုက်ပျိူးထားသည့် ကျွန်းခင်းနှင့် ရာဘာခင်းများ ဆုံးရှုံးပျက်စီးနိုင်ခြင်း၊ ရာသီဥတု ဖောက်ပြန်မှု
ကြောင့် မြောက်ဖျားပိုင်းရှိ ရေခဲတောင်များ ပြိုခြင်း၊ မိုးသည်းထန်စွာ ရွာသွန်းနိုင်ခြင်း၊ အင်အား ပြင်းသည့် ငလျင်များ ဖြစ်ပေါ်လာပါက မြစ်ဆုံအောက်ပိုင်းရှိ မြို့ရွာများ သေကြေပျက်စီး ဆုံးရှုံးနိုင်ခြင်း တို့ဖြစ်ကြောင်း
သမ္မတ၏ သဝဏ်လွှာတွင် ပါရှိသည်။

ထို့အချက်များကြောင့် ပြည်သူက တင်မြှောက်ထားသည့် အစိုးရ ဖြစ်နေသဖြင့် ပြည်သူတို့၏ လိုလားချက်ကို
ဖြေရှင်းပေးရန် တာဝန်ရှိသဖြင့်၊ ယင်းတို့ အစိုးရ သက်တမ်းတစ်လျှောက် အထက်ပါ စီမံကိန်းကို ရပ်ဆိုင်းထား မည် ဖြစ်ကြောင်း သမ္မတကြီး ဦးသိန်းစိန်က ပြောကြားလိုက်သည်။

ယင်း၏ သဝဏ်လွှာအတွင်းတွင် စစ်အစိုးရ လက်ထက်က လျှပ်စစ်ဓာတ်အားနှင့် ပတ်သတ်ပြီး စက်တပ်ဆင်
အင်အား ၅၂၉ မီဂါဝပ်သာ ရှိခဲ့ရာမှ ထပ်မံ ဆောင်ရွက်ခဲ့ရာတွင် တိုးချဲ့ စက်တပ်ဆင်အင်အား ၁၈၆၈ မီဂါဝပ် အထိ ရောက်ရှိခဲ့ကြောင်း ပြောကြားခဲ့သည်။

သဝဏ်လွှာတွင် မြစ်ဆုံစီမံကိန်းအပြင် သန့်ရှင်းသော အစိုးရ၊ နိုင်ငံတော် တည်ငြိမ်ရေး အတွက် တိုင်းရင်းသား လက်နက်ကိုင်များနှင့် ညှိနှိုင်းဆောင်ရွက်နေခြင်း၊ အမျိူးသား စီးပွားရေး မြှင့်တင်ရေး၊ ပြည်ပရောက် မြန်မာများ ဖိတ်ခေါ်ခြင်း၊ စိုက်ပျိူးရေးနှင့် စက်မှု ကဏ္ဍ မြှင့်တင်ရေး၊စသည့် အချက်များကိုလည်း ထည့်သွင်း ပြောဆိုသွား
ခဲ့သည်။

ဒေါ်စုတို့ ဆွေးနွေးပွဲတွင် လွတ်ငြိမ်းချမ်းသာခွင့်နှင့် ငြိမ်းချမ်းရေးပါရှိ

မဇ္ဈိမသတင်းဌာန |
သောကြာနေ့၊ စက်တင်ဘာလ ၃၀ ရက် ၂၀၁၁ ခုနှစ်


ရန်ကုန် (မဇ္ဈိမ) ။ ။ လွတ်ငြိမ်းချမ်းသာခွင့်ပေးရေးနှင့် အစိုးရမှ လက်နက်ကိုင် အဖွဲ့များနှင့် ငြိမ်းချမ်းရေး
ဆောင်ရွက်နေသည့် ကိစ္စများကို အတိုက်အခံ ခေါင်းဆောင် ဒေါ်အောင်ဆန်းစုကြည်နှင့် အစိုးရ ကိုယ်စားလှယ် အလုပ်သမားဝန်ကြီး ဦးအောင်ကြည်တို့ သောကြာနေ့က ဆွေးနွေးခဲ့ကြသည်။

ဦးသိန်းစိန်အစိုးရ တက်လာပြီးသည့်နောက်ပိုင်း တတိယအကြိမ်မြောက် ဆွေးနွေးမှုဖြစ်သော ရန်ကုန်မြို့ စိမ်းလဲ့ကန် သာ အစိုးရဧည့်ရိပ်သာတွင် ၇၇ မိနစ်ကြာ တွေ့ဆုံဆွေးနွေးအပြီး နှစ်ဦးအတူတကွ သတင်းစာရှင်းလင်းပွဲလုပ်ရာတွင် ထည့်သွင်းပြောကြားသွားခြင်း ဖြစ်သည်။

ထို့အပြင် ဧရာဝတီမြစ်ကြောင်းထိန်းသိမ်းရေးကို နှစ်ဘက်ပူးပေါင်း ဆောင်ရွက်နိုင်ရေးနှင့် ပြည်တွင်း တည်ငြိမ်
အေးချမ်းရေးနှင့် တရားဥပဒေ စိုးမိုးရေးတို့ အတွက်လည်း ဆွေးနွေးခဲ့သည်ဟု ပါရှိသည်။ နှစ်ဘက် ဆက်လက်၍ လည်း ဆွေးနွေးမှုပြုလုပ်သွားမည်ဟု ကြေညာသွားသည်။

ဆွေးနွေးမှုအပြီး သတင်းထောက်များ၏ မေးမြန်းမှုကို ဒေါ်အောင်ဆန်းစုကြည့် ဖြေကြားနေသည်ကို တွေ့ရစဉ် (ဓါတ်ပုံ မဇ္ဈိမ)

မြစ်ဆုံဆည်စီမံကိန်းကို သူ၏အစိုးရသက်တမ်းအတွင်း ရပ်ဆိုင်းထားမည်ဆိုသော သမ္မတဦးသိန်းစိန်၏ လုပ်ရပ်ကို ကြိုဆိုကြောင်း အတိုက်အခံခေါင်းဆောင် ဒေါ်အောင်ဆန်းစုကြည်ကပြောသည်။


"ပြည်သူရဲ့ အသံကို နားထောင်တယ် ဆိုတာ အင်မတန်မှ ကောင်းပါတယ်။ ဒီဟာ အစိုးရတိုင်း လုပ်ရမယ့် ကိစ္စပါ။
ပြည်သူရဲ့အသံကို နားထောင်ရမယ်။ ပြည်သူရဲ့ စိုးရိမ်ကြောင့်ကြမှုတွေကို တကယ်ပဲ လေးလေးနက်နက် ထားပြီး
တော့ ဖြေရှင်းပေးရမယ်။ အဲဒါကြောင့်မို့ ကျမဒါကို ကြိုဆိုပါတယ်” ဟု သတင်းစာဆရာများကို ပြောသွားသည်။
ယနေ့အစောပိုင်းက နေပြည်တော်တွင် ပြုလုပ်နေသော လွှတ်တော်နှစ်ရပ်သို့ သမ္မတဦးသိန်းစိန်က သဝဏ်လွှာ တစောင်ပေးပို့ရာတွင် ပြည်သူအများ၏ သဘာဝပတ်ဝန်းကျင်ဆိုင်ရာ ထိခိုက်ပျက်စီးမည့် စိုးရိမ်နေမှု ရှိသည်ကို
ထောက်ပြပြီး မြစ်ဆုံဆည်တည်ဆောက်ခြင်းကို မပြုလုပ်စေဘဲ ရပ်ဆိုင်းထားမည်ဟု ပါရှိသည်။

တရုတ်နိုင်ငံနှင့်ချုပ်ဆိုထားသော စက်တပ်ဆင်အင်အား မဂ္ဂါဝပ် ၆,ဝဝဝ ရှိ မြစ်ဆုံရေအားလျှပ်စစ် စီမံကိန်းပေါ် မိတ်ဝတ်မပျက်စေဘဲ သဘောတူလက်ခံညှိနှိုင်းဆောင်ရွက်သွားမည်ဟုလည်း ပါရှိသည်။

သမ္မတ၏ဆုံးဖြတ်ချက်အပေါ် ကြိုဆိုမှုများလည်း အင်တာနက်တွင် တပါတည်းပေါ်ထွက်လာခဲ့သည်။ လွှတ်တော် အပြင်ဘက် အဓိက အတိုက်အခံ ဖြစ်နေသော အမျိုးသား ဒီမိုကရေစီ အဖွဲ့ချုပ်နှင့် ပါတီခေါင်းဆောင်
ဒေါ်အောင်ဆန်းစုကြည် တို့ ကြားဖြတ်ရွေးကောက်ပွဲ ဝင်လိုမှု ရှိ၊ မရှိဆိုသော အမေးကို လူမှုဝန်ထမ်းဝန်ကြီးလည်း
ဖြစ်သော ဦးအောင်ကြည်က အန်အယ်ဒီအနေဖြင့် နိုင်ငံရေးပါတီမှတ်ပုံတင်လျှင် အတူတကွ ပူးပေါင်း ဆောင်ရွက် သွားမည်ဟု ဖြေကြားသည်။

၁၄ နှစ်ကျော် နေအိမ်အကျယ်ချုပ်သို့မဟုတ် အချုပ်အနှောင် ဖြင့် နေခဲ့ရသော နဒ်ါအောင်ဆန်းစုကြည်ကတော့ ပါတီထိပ်တန်းခေါင်းဆောင်များကို တင်ပြပြီးမှသာ အဖြေပေးနိုင်မည်ဟု ဖြေကြားသွားသည်။

"ကျမတို့က ရွေးကောက်ပွဲကို မူအရ ဆန့်ကျင်တာ မဟုတ်ပါဘူး။ ရွေးကောက်ပွဲဆိုတာ ဒီမိုကရေစီစနစ်အတွက် တစိတ်တပိုင်းဖြစ်တယ်ဆိုတာ ကျမတို့ လက်ခံပြီးသားပါ။” ဟု ဆက်လက်ပြောဆိုသွားသည်။

ပါတီမှတ်ပုံတင်ရေး ထည့်သွင်း စဉ်းစားကြောင်း NLD ပြော

ထွန်းထွန်း |
ကြာသပတေးနေ့၊ စက်တင်ဘာလ ၂၉ ရက် ၂၀၁၁ ခုနှစ်


နယူးဒေလီ (မဇ္ဈိမ) ။ ။ အစိုးရအနေဖြင့် အပြောင်းအလဲများ ပြုလုပ်လာမည်ဆိုပါက ပါတီတရားဝင် ရပ်တည်
ရေး အတွက် မှတ်ပုံတင်သွားရန် ထည့်သွင်းစဉ်းစားထားကြောင်း အမျိုးသားဒီမိုကရေစီအဖွဲ့ချုပ် NLD ပြောခွင့်ရ
ရှေ့နေကြီး ဦးဉာဏ်ဝင်းက ပြောသည်။

“အစိုးရရဲ့ အပြောင်းအလဲကို စောင့်နေပါတယ်။ မှတ်ပုံတင်ရေး၊ မတင်ရေးက ကြိုတင် ဆုံးဖြတ်ချက် မရှိပါဘူး။ ကျနော်တို့ အခြေအနေတခု ပေါ်လာရင်တော့ ဆုံးဖြတ်ဖို့ အကြောင်းရှိပါတယ်။ ဘယ်လို အခြေအနေ ဆိုတာ
လောလောဆယ် ကျနော် မပြောနိုင်သေးပါဘူး” ဟု ဦးဉာဏ်ဝင်းက ဆိုသည်။


နိုဝင်ဘာ ရွေးကောက်ပွဲအပြီး လွှတ်တော်ရှိလာချိန်မှစ၍ ပါတီ ပြန်လည် မှတ်ပုံတင်ရေးနှင့် ပတ်သက်၍ ပါတီ
ခေါင်းဆောင်များ အကြား ဆွေးနွေးတိုင်ပင်မှုများ ရှိနေပြီး မည်သည့်ကိစ္စများပါဝင်သည်ကိုမူ ထုတ်ဖော် ပြောဆိုခြင်း မရှိပေ။

အစိုးရအနေဖြင့် အပြောင်းအလဲများ ပြုလုပ်လာမည်ဆိုပါက တရားဝင်ပါတီ ရပ်တည်ရေးအတွက် မှတ်ပုံတင်သွားရန် ထည့်သွင်း စဉ်းစားထားကြောင်း ရှေ့နေကြီး ဦးဉာဏ်ဝင်း ပြော (မဇ္ဈိမ)

လက်ရှိ အစိုးရအနေဖြင့် ပြောင်းလဲမှုများ ပြုလုပ်နေပြီကို လက်ခံထားကြောင်းနှင့် အရေးကြီးသည့် ပြုပြင်ပြောင်းလဲမှု များကိုမူ ဆောင်ရွက်ခြင်း မရှိသေးဟု NLD က ရှုမြင်ထားသည်။

“ဒါ ထူးခြားမှုပါပဲ။ ဘာထူးခြားလဲဆိုတာ ကျနော်တို့ မပြောနိုင်သေးပါဘူးဗျာ။ ပြောနိုင်တဲ့အချိန် ပြောပေးပါမယ်” ဟု ဦးဉာဏ်ဝင်းက ပြောသည်။


NLD မှာ ၁၉၉ဝ ရွေးကောက်ပွဲတွင် အမတ်နေရာ ၈၂ ရာခိုင်နှုန်းဖြင့် အနိုင် ရရှိခဲ့သော်လည်း အာဏာသိမ်း
စစ်အစိုးရမှ လွှတ်တော်ခေါ်ယူခြင်း မရှိသည့်အပြင် ပါတီဝင်များအား ဖိနှိပ်ချုပ်ခြယ်မှုများ၊ ဖမ်းဆီးမှုများ ပြုလုပ်
ခဲ့သည်။

စစ်ဗိုလ်ချုပ်များ စိတ်ကြိုက်ရေးဆွဲခဲ့သည်ဟု ဆိုကြသည့် ၂ဝဝ၈ အခြေခံ ဥပဒေနှင့် ၂ဝ၁ဝ ရွေးကောက်ပွဲ ဥပဒေ
များကို မျှတမှု မရှိဟုဆိုကာ NLD ပါတီက ၂ဝ၁ဝ ရွေးကောက်ပွဲဝင်ရန် ပါတီမှတ်ပုံတင်ခြင်း မပြုလုပ်ခဲ့ဘဲ တရားဝင် ပါတီဖြစ်ကြောင်း ပြောဆိုခဲ့သည်။

သို့သော် NLD မှာ ပြန်လည်လျှောက်ထားခြင်းမရှိသည့်အတွက် တရားဝင်မှု ပျက်ပြယ်ပြီ ဖြစ်ကြောင်း ပြည်ထောင်စု
ရွေးကောက်ပွဲ ကော်မရှင်က ၂ဝ၁ဝ ခုနှစ် စက်တင်ဘာလ ၁၄ ရက် နေ့တွင် ကြေညာခဲ့သည်။

ယင်းသို့ ကြေညာအပြီး ပါတီခေါင်းဆောင် ဒေါ်အောင်ဆန်းစုကြည်က ဆက်လက်၍ တရားဝင် ရပ်တည်ခွင့်ရှိ
ကြောင်း အယူခံ တင်သွင်းမှုများ ကိုယ်တိုင် လက်မှတ်ရေးထိုးကာ တရားရုံးမှ အဆင့်ဆင့် လျှောက်ထားခဲ့သော်
လည်း ပယ်ချခံခဲ့ရသည်။

“နိုင်ငံရေးဟာ သူ့အချိန်အခါ၊ အခြေအနေနဲ့ လက်တွေ့ကျကျ သုံးသပ်ဖို့ လိုပါတယ်။ ကျနော်တို့ မဆုံးဖြတ်ရသေး
ပါဘူး။ ကျနော်တို့ လက်တွေ့ကျကျ သုံးသပ်ပြီး ဆုံးဖြတ်သွားမှာပါ” ဟု ပြောခွင့်ရ ဦးဉာဏ်ဝင်းက ဆိုသည်။


ယခုကဲ့သို့ စဉ်းစားမှုနှင့်ပတ်သက်၍ ပါတီထောက်ခံသူများအကြား သဘောထား ကွဲလွဲမှုများ ဖြစ်ပေါ်လာနိုင်သော် လည်း ပြည်သူ့အကျိုးအား လက်တွေ့ကျကျ ဆောင်ရွက်မည် ဖြစ်ကြောင်းနှင့် ပါတီ မှတ်ပုံတင် ဖြစ်ပါက အခြားသော ပါတီများနှင့်လည်း ပူးပေါင်း လုပ်ကိုင်သွားမည် ဖြစ်သည်။

မည်သည့်အချိန်တွင် ဆုံးဖြတ်ချက်ချနိုင်မည်ကိုမူ မပြောဆိုနိုင်သေးသော်လည်း “ကျနော်တို့က ဆုံးဖြတ်ချက် ချပြီး
ရင် ချက်ချင်းလုပ်မှာပဲ” ဟု ဦးဉာဏ်ဝင်းက ပြောဆိုသည်။

တိုက်ဆိုင်စွာပင် စက်တင်ဘာလ ၃ဝ ရက်နေ့ (သောကြာနေ့) တွင်လည်း ပါတီ အထွေထွေ အတွင်းရေးမှူး
ဒေါ်အောင်ဆန်းစုကြည်မှာ အစိုးရကိုယ်စားလှယ် ပြည်ထောင်စုဝန်ကြီး ဦးအောင်ကြည်တို့ တွေ့ဆုံမည် ဖြစ်ကြောင်း သိရသည်။

အစိုးရသစ်တက်လာပြီး တတိယကြိမ်မြောက်တွေ့ဆုံမှုကို ရန်ကုန်မြို့ စိမ်းလဲ့ကန်သာ ဧည့်ဂေဟာတွင် နေ့လယ် ၁ နာရီ၌ ပြုလုပ်မည်ဖြစ်ကာ မည်သည့်ကိစ္စများ ဆွေးနွေးသွားမည်ကိုမူ မသိရသေးပေ။

“အရင်တွေ့ဆုံပွဲတွေရဲ့အဆက်ပဲ ဖြစ်ပါလိမ့်မယ်။ ကျနော်တို့ အမျိုးသားရင်ကြားစေ့ရေးအတွက် ခြေလှမ်း လှမ်းနိုင် မယ်လို့ မျှော်လင့်ထားပါတယ်” ဟု ဦးဉာဏ်ဝင်းက ပြောဆိုသည်။


သြဂုတ်လ ၁၂ ရက်နေ့ နောက်ဆုံးတွေ့ဆုံခဲ့ရာတွင်မူ “တိုင်းပြည်တည်ငြိမ်ရေးအတွက် အစိုးရနှင့် ပူးပေါင်း
ဆောင်ရွက်ရေး”၊ “ဒီမိုကရေစီထွန်းကားရေးနှင့် စီးပွားရေး၊ လူမှုရေး လုပ်ငန်းများ ဖွံ့ဖြိုးစေရန် အပြုသဘော ပူးပေါင်းရေး”များ ဆွေးနွေးခဲ့ကြသည်။

ယင်းအပြင် “အပြန်အလှန်ကူညီသော ပူးပေါင်းဆောင်ရွက်ရေးလုပ်ငန်းစဉ်များ ဆောင်ရွက်ရန်” နှင့် “တွေ့ဆုံမှုများ ဆက်လက်ပြုလုပ်သွားရန်” ကိစ္စများကိုပါ ဆွေးနွေးခဲ့ကြောင်း တွေ့ဆုံမှုအပြီး ထုတ်ပြန်ခဲ့သည့် ပူးတွဲကြေငြာချက်၌ ပါရှိသည်။

ဦးအောင်ကြည်ကို ဆက်ဆံရေးဝန်ကြီးအဖြစ် ၂ဝဝ၇ အောက်တိုဘာတွင်းက ခန့်အပ်ခဲ့ခြင်းဖြစ်ကာ ယနေ့ အချိန်
အထိ ၁၁ ကြိမ်မြောက် တွေ့ဆုံခဲ့ပြီး ဖြစ်သည်။

ကလဲ့စား ချေလိုစိတ်နှင့် အနစ်နာခံ လုပ်ဆောင်ရန် မသင့်ဟု ဒေါ်စုပြော

ကိုဝိုင်း | အင်္ဂါနေ့၊ စက်တင်ဘာလ ၂၇ ရက် ၂၀၁၁ ခုနှစ်


ချင်းမိုင် (မဇ္ဈိမ) ။ ။ ကလဲ့စားချေလိုစိတ်ဖြင့် အနစ်နာခံ လုပ်ဆောင်နေသည့် စိတ်ဓာတ်မျိုးဖြင့် ပြည်သူ့အကျိုး
ကို မဆောင်ရွက်ဘဲ ယုံကြည်ချက် အတွက် ပေးဆပ်လိုစိတ်ဖြင့် ဆောင်ရွက်ကြရန် အတိုက်အခံ ခေါင်းဆောင်
ဒေါ်အောင်ဆန်းစုကြည်က အင်္ဂါနေ့တွင် ပြောကြားလိုက်သည်။

“အနစ်နာခံရတယ်ဆိုတဲ့ စိတ်ကပေါ်လာလို့ရှိရင် တခါတလေ ဒီစိတ်နဲ့ ဒွန်တွဲပြီးတော့ ကလဲ့စားချေချင်တဲ့ စိတ်တွေ၊ မကျေနပ်တဲ့စိတ်တွေက တခါတည်းပေါ်လာပါတယ် အမျိုးသားဒီမိုကရေစီ အဖွဲ့ထဲမှာ ကိုယ့်ရဲ့ ကိုယ့်ယုံကြည်ချက်
အရ လုပ်နေတာပဲ ဖြစ်တယ်။ ကိုယ်လုပ်နေတဲ့ အလုပ်အတွက် ကိုယ့်ကိုကိုယ် ပေးဆပ်ရမယ်။ ကိုယ့်ရဲ့ လုပ်ပိုင်ခွင့်
တွေနဲ့ အင်အားတွေကို ကိုယ်ယုံကြည်တဲ့ အရေးအတွက် သုံးကြပါလို့ ကျမက ဆော်သြချင်ပါတယ်” ဟု
ဒေါ်အောင်ဆန်းစုကြည်က အမျိုးသားဒီမိုကရေစီ အဖွဲ့ချုပ်တည်ထောင်ခြင်း ၂၃ နှစ်ပြည့် အခမ်းအနားတွင် ပြော သွားခြင်း ဖြစ်သည်။

ရန်ကုန်မြို့ ရွှေဂုံတိုင်လမ်း အန်အယ်ဒီ ဗဟိုဌာနချုပ်တွင် ကျင်းပသည့် အဆိုပါ အခမ်းအနား အဖွဲ့ချုပ်၏ ဒုဥက္ကဋ္ဌ ဦးတင်ဦး၊ ဗဟိုကော်မတီဝင် ဦးဝင်တင် တို့ကလည်း ဒေါ်အောင်ဆန်းစုကြည်၏ ဦးဆောင်မှုအောက်တွင် ညီညီညွတ်ညွတ် ဆောင်ရွက်ကြရန် မှာကြားပြောဆိုသွားသည်။

ကလဲ့စားချေလိုစိတ်ဖြင့် အနစ်နာခံ လုပ်ဆောင်နေသည့် စိတ်ဓာတ်မျိုးဖြင့် ပြည်သူ့အကျိုးကို မဆောင်ရွက်ဘဲ ယုံကြည်ချက် အတွက် ပေးဆပ်လိုစိတ်ဖြင့် ဆောင်ရွက်ကြရန် NLD ၂၃နှစ်ပြည့် အခမ်းအနားတွင် အတိုက်အခံ ခေါင်းဆောင် ဒေါ်အောင်ဆန်းစုကြည်က ပြောကြား (ဓါတ်ပုံ မဇ္ဈိမ)

မနက် ၁၁ နာရီမှစတင်ပြီး ၁ နာရီကြာသည့် အခမ်းအနားသို့ ကျောင်းသား ခေါင်းဆောင်များ၊ NLD ပါတီဝင်များနှင့် ဗဟိုအလုပ်အမှုဆောင် ကော်မတီဝင်များ၊ ပြည်သူ့လွှတ်တော်ကိုယ်စားပြု ကော်မတီ CRPP နှင့် တိုင်းရင်းသားပါတီ
ခေါင်းဆောင်များ တက်ရောက်ကြသည်။

အဖွဲ့ချုပ်၏ ဥက္ကဋ္ဌ ဦးအောင်ရွှေ၊ အတွင်းရေးမှူး ဦးလွင်၊ ဗဟိုအလုပ်အမှုဆောင် ဦးလွန်းတင်၊ ဦးညွန့်ဝေ တို့မှာ ကျန်းမာရေး မကောင်းသဖြင့် မတက် ရောက်နိုင်ကြောင်း သိရသည်။

“ကျမတို့ အနေနဲ့ တကယ် အဓိကကျတဲ့ အရေးကြီးတဲ့ ခြေလှမ်းတွေ ကျမတို့ လှမ်းပြီဆိုရင် ကျမတို့ အဖွဲ့ချုပ်ဝင်
တွေနဲ့ ပြည်သူလူထုကို မရှင်းပြဘဲနဲ့ ဘယ်တော့မှ မလုပ်ပါဘူး” ဟု ဒေါ်အောင်ဆန်းစုကြည်က ထဲ့သွင်းပြောကြား သွားသည်။

ပါတီဒုဥက္ကဋ္ဌ ဦးတင်ဦးက အန်အယ်ဒီအဖွဲ့ဝင်များအနေဖြင့် ဒီမိုကရေစီနှင့် လူ့အခွင့်အရေးရရှိရေးအတွက် ကြိုးပမ်း
နေမှုနှင့် စည်းလုံးညီညွတ်မှုကို လျော့ပါးထိခိုက်စေမည့် အပြောအဆို အပြုအမှုများ မပြုလုပ်ကြရန်လည်း သတိပေး စကား ဆိုသည်။

ဦးဝင်းတင်ကမူ ဒေါ်အောင်ဆန်းစုကြည်၏ ခေါင်းဆောင်မှုအောက်၌ ညီညွတ်ရေး စိတ်ဓာတ်ဖြင့် ရပ်တည် သွားကြ
ရန် ပြောဆိုလိုက်ပြီး နိုင်ငံရေးအပြောင်းအလဲများနှင့် ပတ်သက်၍ “ဘယ်လောက်ပြောင်းသလဲ၊ ဘယ်လိုပြောင်း
သလဲ၊ ဘာကြောင့်ပြောင်းသလဲ၊ ဘာအတွက် ပြောင်းသလဲဆိုတဲ့ မေးခွန်းတွေကို ကိုယ့်ကိုကိုယ်လည်းဖြေရမယ် ကိုယ့်ပတ်ဝန်းကျင် ကိုလည်း ဖြေရမယ်၊ ကိုယ့်အဖွဲ့ဝင်တွေကိုလည်း ဖြေရမယ်” ဟု ဆိုသည်။

ပါတီ၏ ကြေညာချက်တွင်မူ “ကျွန်ုပ်တို့ အပေးအယူ သဘောမျိုးဖြင့် လျော့ပေါ့ တောင်းဆိုခြင်းသည် ကျွန်ုပ်တို့ စိတ်ဓာတ် ညံ့ဖျင်း၍ မဟုတ်၊ ယခုအခါ၌ ကျွန်ုပ်တို့နိုင်ငံနှင့် ကျွန်ုပ်တို့ လူမျိုးအကျိုးကို မြန်မြန်ထက်ထက် သယ်ပိုးချင်သော ဆန္ဒအတွက်ဖြစ် ပေသည်” ဟု အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ၁၉၄၆ ခု ဇန်နာဝါရီ ၂ဝ ရက် တွင် ရွှေတိဂုံအလယ်ပစ္စယံ လူထုအစည်းအဝေး၌ မိန့်ကြားခဲ့သော လမ်းညွန်ချက်ကို ထည့်သွင်း ဖော်ပြထားသည်။

အန်အယ်ဒီ စမ်းချောင်းမြို့နယ်လူငယ်များက အန်အယ်ဒီ ၂၃ နှစ်ပြည့် အထိမ်းအမှတ် တေးသီချင်း များဖြင့်
ဖျော်ဖြေခဲ့ပြီး အခမ်းအနား ရုပ်သိမ်းခဲ့သည်။

ဆန္ဒပြခွင့် ဥပဒေမူကြမ်း ကန့်သတ်ချက် များစွာပါဝင်

မျိုးသန့် | စနေနေ့၊ စက်တင်ဘာလ ၂၄ ရက် ၂၀၁၁ ခုနှစ်


ချင်းမိုင် (မဇ္ဈိမ) ။ ။ မြန်မာနိုင်ငံ ပြည်ထဲရေး ဝန်ကြီးဌာနမှ တင်သွင်းမည့် 'ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်း လှည့်လှည်ခွင့် ဥပဒေမူကြမ်း' တွင် ဆန္ဒပြပွဲအတွင်း ပါဝင်မည့်သူ ခန့်မှန်းအရေအတွက်နှင့် တရားဟောမည့် သူ၏ ကိုယ်ရေး ရာဇဝင်များကို ကြိုတင်,တင်ပြရန် အပါအဝင် ကန့်သတ်ချက်များစွာ ပါဝင်နေသည်ဟု နေပြည်တော် တွင် လွှတ်တော် တက်ရောက်နေသော အမတ်များက ပြောသည်။

ဥပဒေမူကြမ်းကို လာမည့် တနင်္လာနေ့ အောက်လွှတ်တော်တွင် ဆွေးနွေးမည် ဖြစ်သည်။ အခန်း ၈ ခန်းဖြင့် ဖွဲ့စည်းထားသည့် ယင်းဥပဒေတွင် ဆန္ဒဖေါ်ထုတ်မည့်သူ အရေအတွက်ကို ခန့်မှန်း တင်ပြရမည်ဖြစ်ပြီး လှည့်လည် ဆန္ဒထုတ်ဖေါ်မည့် လမ်းကြောင်းများနှင့် တရားဟောမည့်နေရာ တရားဟောသူ၏ ကိုယ်ရေးရာဇဝင်တို့ကိုလည်း မြို့နယ် အုပ်ချုပ်ရေးမှူးသို့ တင်ပြရန် လိုသည်ဟု သိရသည်။

ံ ပြည်ထဲရေး ဝန်ကြီးဌာနမှ တင်သွင်းသည့် ဆန္ဒပြခွင့် ဥပဒေမူကြမ်း ကန့်သတ်ချက် များစွာပါဝင်နေသည်ဟု လွှတ်တော်တက် အမတ်များကပြော (ဓါတ်ပုံ မဇ္ဈိမ)

ယင်းအပြင် ငြိမ်းချမ်းစွာ စီတန်း လှည့်လှည့်ခွင့်နှင့် စပ်လျင်း၍ အစိုးရဌာန အစိုးရ အဖွဲ့အစည်းရုံး၊ အလုပ်ရုံ၊ စက်ရုံ၊ အလုပ်ဌာန ဘာသာရေးနှင့် သက်ဆိုင်သော နေရာများ၊ စာသင်ကျောင်း၊ ဘူတာရုံ၊ လေဆိပ်၊ သင်္ဘောဆိပ်ကမ်း၊ ကားဂိတ်၊ ဆေးရုံတို့နှင့် အဆိုပါနေရာတို့ကို အနှောက်အယှက် ဖြစ်စေသည့် နေရာများတွင် 'စီတန်းခွင့်နှင့် စုဝေးခွင့်
မရှိ' ဟုလည်း ဥပဒေက ပြဋ္ဌာန်းထားသည်။

'စုဝေးခွင့်နှင့် စီတန်းခွင့်' ဟူ၍ သုံးနှုန်းထားသော စာမျက်နှာ ၇ မျက်နှာပါ ဥပဒေမူကြမ်းသည် ဆန္ဒပြခြင်းကို ဦးဆောင်မည့်သူမှ သက်ဆိုင်ရာ မြို့နယ် အထွေထွေ အုပ်ချုပ်ရေးမှူးသို့ ၇ ရက်ကြိုတင် အကြောင်းကြားရန်
လိုအပ်ပြီး စီတန်းလှည့်လှည်ခွင့် ပြု,မပြုကို သက်ဆိုင်ရာ မြို့နယ် ရဲတပ်ဖွဲ့မှူးမှ အဆုံးအဖြတ် ပေးမည်ဖြစ်သည်။

ရဲတပ်ဖွဲ့မှူး၏ ခွင့်ပြုချက် ရယူပြီးပါက ဥပဒေပါ အချက်အလက်များကို လိုက်နာပါမည့် အကြောင်း ဝန်ခံ လက်မှတ် ထိုးပြီးမှ ဆန္ဒဖေါ်ထုတ်ခွင့် ပြုမည်ဖြစ်ခြင်းကြောင့် "ခွင့်ပြုချက် ရယူပြီးပါက ဥပဒေပါ စည်းကမ်းချက်များကို လိုက်နာ ပါမည်ဟူသည့် ခံဝန်ချက်လက်မှတ် ထိုးရမယ်၊ သူ့ဟာက ဘာမှ မလုပ်ရသေးဘူး။ ဝန်ခံချက် လက်မှတ်ထိုးရမယ် ဆိုကတည်းက အဓိပ္ပါယ် မရှိဘူး" ဟု အမျိုးသား ဒီမိုကရေစီ အင်အားစုပါတီမှ အောက်လွှတ်တော်အမတ် ဦးခိုင်မောင်ရည်က ဆိုသည်။

ဆန္ဒဖေါ်ထုတ်ခွင့် နေရာများ ကန့်သတ်ထားသည့် အဆိုပါ ဥပဒေနှင့် ပတ်သက်၍ "စက်ရုံတရုံက သဘာဝ ပတ်ဝန်းကျင်ကို ထိခိုက်လို့ ဆန္ဒပြချင်တယ်ဆိုရင် စက်ရုံမှ သွားမပြလို့ ဘယ်နားသွားပြရမလဲ စက်ရုံမှာ ဖြစ်တဲ့
အတွက်၊ စက်ရုံနားမှာ သွားပြမှ ဖြစ်တယ်ဆိုတော့ ကျနော်တို့က ဥပဒေနဲ့ လွတ်ကင်းအောင် ဘယ်လို လုပ်ရမလဲ"
ဟု ဥပဒေ၏ အားနည်းချက်ကို ဦးခိုင်မောင်ရည်က ထောက်ပြပြောဆိုသည်။

ဥပေဒေမူကြမ်းတွင် "အများဖြစ်သူကို အနှောက်အယှက် ဖြစ်စေခြင်း၊ စိတ်ညိုငြင်စေခြင်း အန္တရာယ် ဖြစ်စေခြင်း သို့မဟုတ် ထိခိုက် နစ်နာစေခြင်း ဖြစ်စေနိုင်သည့် အပြောအဆို သို့မဟုတ် အပြုအမူ မပြုလုပ်ရ" ဟုလည်း ပြဋ္ဌာန်း ထားပြီး အများပြည်သူ၏ စိတ်ညိုငြင်မှုကို မည်သို့ တိုင်းတာမည် ဟူသည်ကလည်း တနင်္လာနေ့ အဆိုပါ ဥပဒေ မူကြမ်း ဆွေးနွေးပါက မေးခွန်းထုတ်စရာ ဖြစ်နေသည်ဟု အမတ်များကပြောသည်။

ဥပဒေမူကြမ်းတွင် "ခွင့်ပြုချက် မရဘဲ၊ ငြိမ်းချမ်းစွာ စီတန်းလှည့်လှည်ခြင်း၊ ငြိမ်းချမ်းစွာ စီတန်းခြင်း၊ ပြစ်မှု ထင်ရှား
ပါက တနှစ်ထက် မပိုသော ထောင်ဒဏ်နှင့် ငွေဒဏ်၊ စီတန်း လှည့်လည်သူများကို နှောက်ယှက်လျှင် နှစ်နှစ်
ထက် မပိုသော ထောင်ဒဏ်" တို့ကို သတ်မှတ်ထားသည်။

ယင်းဥပဒေမူကြမ်းကို အောက်လွှတ်တော်တွင် ဆွေးနွေးပြီး သဘောတူပါက၊ အထက်လွှတ်တော်၏ သဘောထား
ကို ရယူအပြီး အထက်လွှတ်တော်မှ သဘောတူပါက ဥပဒေအဖြစ် အသက်ဝင်လာမည်ဖြစ်ပြီး အသေးစိတ်ကို နည်းဥပဒေအဖြစ် ထပ်မံ ထွက်ရှိလာဦးမည် ဖြစ်သည်။

NLD ပရဟိတလုပ်ငန်းများ အာဏာပိုင်များ အားပေးသင့်ကြောင်း ဦးတင်ဦးပြောကြား

မဇ္ဈိမသတင်းဌာန |
သောကြာနေ့၊ စက်တင်ဘာလ ၂၃ ရက် ၂၀၁၁ ခုနှစ်


ရန်ကုန် (မဇ္ဈိမ) ။ ။ အမျိုးသားဒီမိုကရေစီအဖွဲ့ချုပ် NLD မှ ပြုလုပ်နေသည့် ပရဟိတလုပ်ငန်းများနှင့် ပတ်သက်၍ အစိုးရ အာဏာပိုင်များ အားပေးသင့်ကြောင်း ပါတီဒုဥက္ကဋ္ဌ ဦးတင်ဦးက အောင်ဆန်းပင်လုံ စာဖတ်ခန်း ဖွင့်ပွဲ၌
ပြောဆိုလိုက်သည်။

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ ဇ/မြောက်ရပ်ကွက်၊ လေးထောင့်ကန်လမ်းမပေါ်ရှိ တိုက်အမှတ်
င/၂၄၈ ဒုတိယထပ်တွင် သောကြာနေ့နံနက် ၁ဝ နာရီခွဲက ဖွင့်လှစ်ခဲ့ခြင်းဖြစ်ကာ ဖွင့်ပွဲမိန့်ခွန်းတွင် ထည့်သွင်း
ပြောဆို ခဲ့ခြင်း ဖြစ်သည်။

“အစိုးရတာဝန်ရှိသူတွေက ပိတ်ပင်မှုတွေရှိနေတာ စိတ်မကောင်းဘူး။ အမှန်ဆိုရင် ဒါက နိုင်ငံအတွက် လုပ်ကြတာ
ဖြစ်လို့ အထောက်အပံ့နဲ့ ကူညီမှုတောင် ပြုလုပ်စေလိုပါတယ်လို့ ပြောချင်တယ်။ တဘက်နဲ့ တဘက် ညှိနှိုင်းရမယ့်
ကိစ္စပါ။ ဟိုဟာမလုပ်နဲ့၊ ဒီဟာမလုပ်နဲ့မပြောဘဲ ဒါနိုင်ငံအတွက် အထောက်အပံ့ဖြစ်လို့ အားပေးစေ လိုတယ်။ နိုင်ငံ
သွေးစည်းမယ့်ကိစ္စတွေပါ” ဟု ဦးတင်ဦးက ပြောဆိုခဲ့သည်။

ပရဟိတလုပ်ငန်းများသည် နိုင်ငံအတွက် လုပ်ကြတာဖြစ်လို့ အထောက်အပံ့နဲ့ ကူညီမှုတောင် ပြုလုပ်စေလိုပါတယ်လို့ ပြောသည့် ဦးတင်ဦး (ဓါတ်ပုံ မဇ္ဈိမ)

အဆိုပါ စာဖတ်ခန်းမှာ အမျိုးသား ဒီမိုကရေစီ အဖွဲ့ချုပ် တည်ထောင်ခြင်း ၂၃ နှစ်မြောက် အထိမ်းအမှတ် အဖြစ် ဖွင့်လှစ်ခြင်း ဖြစ်ပြီး “အောင်ဆန်းပင်လုံ စာဖတ်ခန်း” ဟု အမည်ပေးရခြင်းမှာ ဗိုလ်ချုပ်အောင်ဆန်းကို ဂုဏ်ပြုခြင်း
ဖြစ်ကြောင်း သိရသည်။ ယင်းအပြင် “အောင်ဆန်းပင်လုံ စာဖတ်ခန်း” ဆိုသည်နှင့် တိုင်းရင်းသား စည်းလုံး
ညီညွတ်မှုကို မြင်သာ၊ သိသာစေကြောင်း မိန့်ခွန်းတွင် ထည့်သွင်းပြောဆိုခဲ့သည်။

ဒေသ အာဏာပိုင်များက NLD ကွန်ယက်များမှ ဖွင့်လှစ်သည့် အခမဲ့ ကျောင်းများအား စောင့်ကြည့်ခြင်း၊ ကျောင်း
နေရာများ အတွက် ငှားရမ်းဖွင့်လှစ်ထားသည့် အိမ်ရှင်များအား ဆက်မငှားရန် ဖိအားပေးမှုများ ရှိခဲ့သည်။

NLD အနေဖြင့် ဒေါ်အောင်ဆန်းစုကြည် လွတ်မြောက်လာပြီး နောက်ပိုင်း ပညာရေးနှင့် ပတ်သက်သည့် လုပ်ငန်း ရပ်များတွင် အင်တိုက်အားတိုက် ပြုလုပ်ခဲ့ပြီး စာပေရေးရာဆိုင်ရာ ဆွေးနွေးခြင်း၊ ဆင်းရဲသားမိသားစု များအတွက် အမေ့အိမ်အမည်ဖြင့် စာဖတ်ခန်း၊ ကျောင်းများ တည်ထောင်ခဲ့သည်။

NLD ကွန်ယက်ချိတ် အခမဲ့စာသင်ကျောင်းများမှာ ရန်ကုန်တိုင်း စမ်းချောင်းရှိ ဗေဒါကျောင်း၊ လှိုင်သာယာ အမေ့အိမ်
ကျောင်း၊ ရခိုင်ပြည်နယ် စစ်တွေမြို့ရှိ မြတ်မိခင်စာသင်ကျောင်း၊ ပဲခူးတိုင်း တောင်ငူရှိ အမေ့အိမ် စာသင်ကျောင်းတို့
ဖြစ်သည်။

“အမေ့အိမ် စာဖတ်ခန်း၊ ကျောင်းစတာတွေကိုလည်း အခက်အခဲ အမျိုးမျိုးကြားကပဲ လုပ်ခဲ့ရတာ။ အခုဆို တော်တော်လေး အောင်မြင်နေပြီ။ ပြီးခဲ့တဲ့လကလည်း ပဲခူးနဲ့ သနပ်ပင်မှာ အောင်ဆန်းဂျာမွန်း စာဖတ်ခန်း ဖွင့်နိုင်ခဲ့တယ်။ အခုတော့ အောင်ဆန်းပင်လုံ စာဖတ်ခန်းဆိုတာနဲ့ တိုင်းရင်းသား စည်းလုံးညီညွတ်မှုကို မြင်သာပေါ်လွင်စေတာပေါ့” ဟု ဦးတင်ဦးက ဖွင့်ပွဲမိန့်ခွန်းတွင် ပြောဆိုသည်။

ဗေဒါကျောင်း၌ လူမှုဆက်ဆံရေး၊ ကမ္ဘာ့ပြဿနာများ သင်ခန်းစာ၊ အရှေ့တောင်အာရှ နိုင်ငံများကို လေ့လာခြင်းနှင့် အခြေခံအင်္ဂလိပ်စာ ဘာသာရပ်များကို နှစ်ပတ်တကြိမ် သင်တန်းပေးပြီး၊ အမေ့အိမ်တွင် အခြေခံ မူလတန်းမှ အထက်တန်းအထိ သင်ယူနိုင်ကာ အခြေခံ အင်္ဂလိပ်စာများကို ပို့ချပေးလေ့ ရှိသည်။

အောင်ဆန်းပင်လုံ စာဖတ်ခန်းသို့ တက်ရောက်ခဲ့သည့် ပါတီ အထွေထွေ အတွင်းရေးမှူး ဒေါ်အောင်ဆန်းစုကြည် ကလည်း ပြည်သူမပါသော အလုပ်ကို မလုပ်လိုကြောင်းနှင့် ပြည်သူများအနေဖြင့် လက်တွဲ လုပ်ဆောင်ပေးစေလို
ကြောင်း ဖွင့်ပွဲတွင် ပြောဆိုခဲ့သည်။

“ပညာတတ်ဖို့ လိုတယ်။ ပညာတတ်မှ ကမ္ဘာ့အလယ်မှာ တင့်တယ်စေမှာဖြစ်တယ်။ ဒါကြောင့် လူငယ်တွေ အနေနဲ့ ကိုယ်တိုင်တည်ဆောက်ရမယ်။လူငယ်တွေပဲမကဘူး။ လူကြီးတွေလည်း ပါတယ်။ ပညာရှာပါ။ ပညာဟာ အရေးကြီး
တဲ့ အစွမ်း ဖြစ်တယ်။ ဘာပဲလုပ်လုပ် ပြည်သူမပါဘဲ ကျမတို့ မလုပ်ချင်ဘူး။ ပြည်သူတွေ အနေနဲ့လည်း လက်တွဲ
ဆောင်ရွက်လုပ်စေချင်တယ်” ဟု စာဖတ်ခန်းဖွင့်ပွဲတွင် ပြောကြားခဲ့သည်။

ဒေါ်အောင်ဆန်းစုကြည်မှာ သြဂုတ်လ ၁၄ ရက်နေ့ကလည်း ပဲခူးတိုင်းဒေသကြီး၊ ပဲခူးနှင့် သနပ်ပင်မြို့တို့တွင် ဖွင့်လှစ်ခဲ့သည့် “အောင်ဆန်းဂျာမွန်း” စာဖတ်ခန်းများကိုလည်း ကိုယ်တိုင်သွားရောက် ဖွင့်လှစ်ပေးခဲ့သည်။

“အောင်ဆန်းပင်လုံ” စာဖတ်ခန်း တည်ထောင်ရခြင်း ရည်ရွယ်ချက်များထဲတွင် လူငယ်များ စာဖတ်လိုစေသည့် အတွက်လည်း ပါဝင်ပြီး စာပေဟောပြောပွဲများ၊ ပညာရပ်ဆိုင်ရာ ဟောပြောပွဲများ ပြုလုပ်သွားမှာဖြစ်ကြောင်း သင်္ဃန်းကျွန်း NLD ဥက္ကဋ္ဌ ဦးတင်မြက ဆိုသည်။

ဖွင့်ပွဲနေ့တွင် အလှူရှင် ၁ဝ ဦးထက် မနည်းရှိကာ တဦးလျှင် ကျပ် ရှစ်သောင်းထက်မနည်း လှူဒါန်းခဲ့သည်ဟု သိရသည်။

ဒေါ်စု အိုင်ဒီယာဟောင်းတွေပဲ စွဲနေဟု ဗိုလ်ချုပ်မှူးကြီးသန်းရွှေတိုင်

ကိုဝိုင်း
ဗုဒ္ဓဟူးနေ့၊
စက်တင်ဘာလ ၁၄ ရက် ၂၀၁၁ ခုနှစ်

ချင်းမိုင် (မဇ္ဈိမ) ။ ။ စင်္ကာပူဝန်ကြီးချုပ်ဟောင်း ဂိုချုပ်တောင်နှင့် တွေ့ဆုံရာတွင် ယခင်စစ်အစိုးရ ခေါင်းဆောင် ဗိုလ်ချုပ်မှူးကြီးသန်းရွှေက ဒေါ်အောင်ဆန်းစုကြည်သည် "အိုင်ဒီယာအဟောင်းတွေ" ဆုပ်ကိုင်ထားကြောင်း ပြောဆို လိုက်ရင်း ပိတ်ဆို့ အရေးယူမှုတွေ ရုပ်သိမ်းပြီး ထိပ်တိုက်ရင်ဆိုင်ရေးလမ်းကို စွန့်မှသာလျှင် တွေ့ဆုံဆွေးနွေးရေး လုပ်မည်ဟု ပြောဆိုကြောင်း ဝီကီလိခ်မှ ပေါက်ကြားလာသည့် အမေရိကန် ကြေးနန်း တစောင်တွင် ပါရှိသည်။

ဒေါ်အောင်ဆန်းစုကြည်ဟာ "အိုင်ဒီယာဟောင်းတွေနဲ့ တကြောင်းစွဲပဲလို့ တိုင်တယ်။ တကယ်လို့ ပိတ်ဆို့အရေးယူမှု
တွေ ရုပ်သိမ်းဖို့ သူ (ဒေါ်အောင်ဆန်းစုကြည်) က တောင်းဆိုပြီး ထိပ်တိုက် ရင်ဆိုင်တွေ့တာနဲ့ အဖျက်လုပ်ရပ်တွေ စွန့်လွှတ်ရင်တော့ တွေ့ဆုံ ဆွေးနွေးဖို့ သူ့အနေနဲ့ ပြင်ထားတယ်လို့ ပြောပါတယ်" ဟု သြဂုတ် ၃ဝ ရက်နေ့က ထပ်မံ ထွက်ရှိလာသော ရန်ကုန်မြို့ အမေရိကန် သံရုံးမှ ဝါရှင်တန်ရှိ နိုင်ငံခြားဌာနသို့ ပေးပို့သော ကြေးနန်းစာတွင် ဖော်ပြ ထားသည်။

အမျိုးသား တည်ငြိမ်ရေးနှင့် ဒေါ်အောင်ဆန်းစုကြည်၏ တောင်းဆိုမှုများအကြား ရွေးချယ်မှု ပြုနေရကြောင်း ဗိုလ်ချုပ်မှူးကြီးသန်းရွှေက ပြောသွားသည်ဟုလည်း ပါရှိသည်။

၂ဝ၁ဝ ခုနှစ် ရွေးကောက်ပွဲမှာ "လွတ်လပ်ပြီး တရားမျှတပါမည်" ဟု ကတိပြုခဲ့ (ဓါတ်ပုံ မဇ္ဈိမ))


ထို့အပြင် ဗိုလ်ချုပ်မှူးကြီးသန်းရွှေက တနာရီကြာ ဆွေးနွေးမှုအတွင်း မြန်မာနိုင်ငံ၏ ၂ဝ၁ဝ ခုနှစ် ရွေးကောက်ပွဲမှာ "လွတ်လပ်ပြီး တရားမျှတပါမည်" ဟု ရင်းနှီးသော "မိတ်ဆွေဟောင်း" စင်္ကာပူအကြီးတန်း ဝန်ကြီး ဂိုချုပ်တောင်ကို ကတိပြုခဲ့သည်ဟု ဆိုသည်။

ဂိုချုပ်တောင်၏ ဇွန် ၈-၁၁ ရက်၊ ၂ဝဝ၉ ခုနှစ် ခရီးစဉ်အတွင်း ထိုစဉ်က ဝန်ကြီးချုပ် ဗိုလ်ချုပ်ကြီး သိန်းစိန်နှင့်လည်း
နေပြည်တော်တွင် တနာရီခန့်ကြာ ဆွေးနွေးခဲ့ကြသည်ဟု ရန်ကုန်ရှိ စင်္ကာပူ သံအမတ်က သံတမန် အသိုင်းအဝိုင်းကို အစီရင်ခံခဲ့ကြောင်း ဖော်ပြထားသည်။

ခရီးစဉ်အတွင် ဂိုချုပ်တောင်သည် ရန်ကုန်၊ မန္တလေး၊ တောင်ကြီးမြို့များသို့လည်း သွားရောက်ခဲ့သလို သက်ဆိုင်ရာ စစ်တိုင်းမှူးများနှင့်လည်း တွေ့ဆုံခဲ့သည်။

တချိန်တည်းမှာပင် ဒေါ်အောင်ဆန်းစုကြည် ခြံအတွင်း မဖိတ်ခေါ်ဘဲ ခြံဝင်းတွင်းသို့ ရေကူးဝင်ရောက်လာသည့် အမေရိကန် နိုင်ငံသား ဂျွန်ယက်တောအား လက်ခံမှုဖြင့် နေအိမ်အကျယ်ချုပ် ဥပဒေချိုး ဖောက်သည်ဟု အင်းစိန်ထောင်အတွင်း တရားရင်ဆိုင်နေရချိန် ဖြစ်သည်။

ဂိုချုပ်တောင်က "ဒေါ်အောင်ဆန်းစုကြည်ကို ဖမ်းပြီး စစ်ဆေးနေတာဟာ (အမေရိကန်) သမ္မတသစ် အိုဘားမားက
မြန်မာနဲ့ အပြုသဘောဆက်ဆံဖို့ စဉ်းစားသုံးသပ်နေတာကို ထိခိုက်စေလိမ့်မယ်" ဟု ဗိုလ်ချုပ်မှူးကြီးသန်းရွှေကို
ထောက်ပြခဲ့သော်လည်း အရေးတယူ တုန့်ပြန်မှု မရှိတာကို တွေ့ရကြောင်း သံအမတ် ရောဘတ် ချူဝှာက သံတမန်များကို ပြန်လည်ရှင်းပြရာတွင် ထည့်သွင်း ပြောကြားသွားသည်။

အဖွဲ့ဝင်နိုင်ငံများ၏ ပြည်တွင်းရေး ဝင်မစွက်ရဟု မူဝါဒရှိသော အရှေ့တောင်အာရှ နိုင်ငံများအသင်း အဖွဲ့ဝင် စင်ကာပူနိုင်ငံ၏ ဝန်ကြီးချုပ်ဟောင်းက ဒေါ်အောင်ဆန်းစုကြည်၏ အမှုသည် ပြည်တွင်းရေး ဖြစ်သော်လည်း
နိုင်ငံတကာက စောင့်ကြည့်နေသည်ကို မမေ့သင့်ကြောင်း သတိပေးခဲ့သည်ဟု ဆိုသည် ။

ဂိုချုပ်တောင် ပြန်သွားပြီးနောက် သြဂုတ်လ ၁၁ ရက်နေ့တွင် ဒေါ်အောင်ဆန်းစုကြည်ကို အင်းစိန်ထောင်တွင်း အထူးတရားရုံးက နိုင်ငံတော်အား နှောင့်ယှက် ဖျက်ဆီးလိုသူများ၏ ဘေးအန္တရာယ်မှ ကာကွယ် စောင့်ရှောက်သည့် ဥပဒေပုဒ်မ ၂၂ အရ ထောင်ဒဏ် သုံးနှစ် ချမှတ်လိုက်သော်လည်း ဗိုလ်ချုပ်မှူး ကြီးသန်းရွှေက ၁၈ လသို့ လျော့ချ
ပေးခဲ့သည်။

သူ၏ အမျိုးသား ဒီမိုကရေစီ အဖွဲ့ချုပ်ပါတီက ပါဝင်ယှဉ်ပြိုင်ခြင်း မပြုရန် ဆုံးဖြတ်ခဲ့သော ရွေးကောက်ပွဲအပြီး သုံးရက်အကြာ ၂ဝ၁ဝ ခုနှစ် နိုဝင်ဘာ ၁၃ ရက်တွင်မှ ပြန်လွတ်လာသည်။

ဒေါ်အောင်ဆန်းစုကြည်အား စီရင်ချက်ချပြီး ရက်ပိုင်းအတွင် ဆီးနိတ်နိုင်ငံခြားရေးရာ ကော်မတီ အရှေ့အာရှနှင့် ပစိဖိတ်ရေးရာ ဆပ်ကော်မတီ၏ ဥက္ကဋ္ဌ ဖြစ်သူ မစ္စတာ ဂျင် ဝက်ဘ် Jim Webb သည် နေပြည်တော်၌ ဗိုလ်ချုပ်မှူးကြီးသန်းရွှေနှင့် တွေ့ပြီးနောက် ထောင်ဒဏ် ခုနှစ်နှစ် ချမှတ်ထားသည့် ဂျွန်ယက်တောအား အမေရိကန်နိုင်ငံသို့ ပြန်လည် ခေါ်ဆောင်ခွင့်ရခဲ့သည်။

ဒေါ်အောင်ဆန်းစုကြည်ကို ပြန်လွှတ်ပေးရေး ဂျင်ဝက်ဘ်က တောင်းဆိုသည်ကိုမူ ဗိုလ်ချုပ်မှူးကြီးသန်းရွှေက သဘောမတူခဲ့ကြောင်း ဝီကီလိခ်က ဖောက်ချခဲ့သည့် ၂ဝဝ၉ ခု သြဂုတ် ၁၇ ရက်စွဲပါ အမေရိကန် နိုင်ငံခြားရေးဌာန လျှို့ဝှက်ကြေးနန်း၌ ဖော်ပြထားသည်။

လူ့အခွင့်အရေး ချိုးဖောက်သော စစ်အစိုးရကို စီးပွားရေးအရ ထောက်ကူပေးနေသည်ဟု စွပ်စွဲပြီး အနောက်နိုင်ငံ
များမှ စီးပွားရေး ပိတ်ဆို့ထားသော မက်စ်မြန်မာ စီးပွားရေးအုပ်စု ပိုင်ရှင် ဦးဇော်ဇော်၊ ထူးထရေးဒင်း ကုမ္ပဏီပိုင်ရှင် ဦးတေဇ ကဲ့သို့သော အစိုးရလက်ရင်း စီးပွားရေးသမားကြီးများသည် ယခင်က စင်ကာပူရှိ ဘဏ်တချို့မှ တဆင့်
နိုင်ငံခြားငွေ လွှဲပြောင်းကြပြီး နိုင်ငံခြား ကုမ္ပဏီများနှင့် စီးပွားရေး ဆက်ဆံခဲ့ကြသည်ဟု အမေရိကန် ကြေးနန်းများ
တွင် ပါရှိသည်။

နောက်ပိုင်းတွင် "ခရိုနီ" များ အသုံးပြုသော စင်ကာပူဘဏ် တချို့ကလည်း ငွေသွင်းငွေလွှဲ စည်းကမ်းများ တင်းကျပ် လိုက်သဖြင့် အခက်အခဲများ ကြုံနေရသည်ဟု ဝီကီလိခ်မှ ပေါက်ကြားလာသည့် အမေရိကန် နိုင်ငံခြားရေး ဝန်ကြီး ဌာန ကြေးနန်း တစောင်၌ ပါရှိသည်။

မြန်မာနိုင်ငံ ဘောလုံးအဖွဲ့ချုပ် ဥက္ကဋ္ဌလည်းဖြစ်သော ဦးဇော်ဇော်မှာ ဗုဒ္ဓဟူးနေ့က ရန်ကုန်မြို့ သုဝဏ္ဏအားကစားတွင် ကျင်းပသော အသက် ၁၉ နှစ်အောက် အာဆီယံ ဘောလုံးပြိုင်ပွဲ၏ မြန်မာနှင့် လာအိုအသင်းတို့ ယှဉ်ပြိုင်ပွဲကို
ဒေါ်အောင်ဆန်းစုကြည်နှင့် အတူ ကြည့်ရှု့အားပေးခဲ့သည်။

နိုင်ငံပြောင်းလဲမည့် အခြေအနေရောက်နေပြီဟု ဒေါ်စုပြော

မျိုးသန့် | ကြာသပတေးနေ့၊ စက်တင်ဘာလ ၁၅ ရက် ၂၀၁၁ ခုနှစ်

ချင်းမိုင် (မဇ္ဈိမ) ။ ။ မြန်မာနိုင်ငံသည် အပြောင်းအလဲ ဖြစ်နိုင်သည့် အခြေအနေတွင် ရောက်ရှိနေပြီ ဖြစ်ကြောင်း၊ အတိုက်အခံ ခေါင်းဆောင် ဒေါ်အောင်ဆန်းစုကြည်က ပြောကြားလိုက်သည်။

ကြာသပတေးနေ့တွင် ကျရောက်သည့် အပြည်ပြည်ဆိုင်ရာ ဒီမိုကရေစီနေ့ကို ရန်ကုန်မြို့ အမျိုးသား ဒီမိုကရေစီ အဖွဲ့ချုပ်ရုံးချုပ်တွင် ပထမဆုံးအကြိမ် ကျင်းပရာ၊ အခမ်းအနား မိန့်ခွန်းတွင် မြန်မာနိုင်ငံသည် အပြောင်းအလဲ
ဖြစ်နိုင်သည့် အခြေအနေကို ရောက်နေပြီဟု ယုံကြည်ကြောင်း ဒေါ်အောင်ဆန်းစုကြည်က ၁ဝ မိနစ်ကျော်ကြာ မိန့်ခွန်းတွင် ထည့်သွင်းပြောသွားခြင်း ဖြစ်သည်။

အပြည်ပြည်ဆိုင်ရာ ဒီမိုကရေစီနေ့ အခမ်းအနားတွင် မြန်မာနိုင်ငံသည် အပြောင်းအလဲ ဖြစ်နိုင်သည့် အခြေအနေကို ရောက်နေပြီဟု ယုံကြည်ကြောင်း ဒေါ်အောင်ဆန်းစုကြည် မိန့်ခွန်းတွင် ပြောကြား (ဓါတ်ပုံ မဇ္ဈိမ)


"အခုအခြေအနေမှာဆိုရင် ကျမတို့ နိုင်ငံဟာ အပြောင်းအလဲ ဖြစ်နိုင်တဲ့ အခြေအနေမှာ ရောက်နေပါတယ်။ အပြောင်းအလဲ ဖြစ်ပြီလို့ ကျမမပြောချင်ပါဘူး။ ဒါပေမယ့် ကျမ လူသိရှင်ကြား ပြောပြီး ဖြစ်ပါတယ်။ အပြောင်းအလဲ
ဖြစ်နိုင်တဲ့အခြေအနေကို ရောက်နေပြီလို့ ကျမယုံကြည်တယ်။" ဟု သူက ပြောသည်။

ယင်းအပြင် ဒီမိုကရေစီ စိတ်ဓာတ်ရှိသူတိုင်း အပြောင်းအလဲကို ငြိမ်းချမ်းသည့်နည်းဖြင့် ရယူရန်လိုအပ်ပြီး မည်သူ့
ကိုမျှ နစ်နာစေသည့် အပြောင်းအလဲမျိုး မဖြစ်စေဘဲ၊ ညင်သာသည့် ပြောင်းလဲမှု ပြောင်းလဲမှုမျိုး ဖြစ်ရန်လိုအပ်
သည်ဟု ထည့်သွင်းပြောသွားသေးသည်။


"ဒီအပြောင်းအလဲတွေဟာ ညင်သာရမယ်၊ ငြိမ်းချမ်းရမယ်၊ သိက္ခာရှိရမယ်။ ပြည်သူကို မထိရဘူး၊ နိုင်ငံကို မထိရဘူး။ ဆင်းသွားတဲ့ အစိုးရကိုလည်း မထိရဘူး၊ တက်လာတဲ့အစိုးရကိုလည်း မလိုလားအပ်တဲ့ အခွင့်အရေးတွေ မပေးရဘူး။ အားလုံးက မျှတတဲ့ အခြေခံအပေါ်မှာ တည်ရှိရမယ်။" ဟု မိန့်ခွန်းတွင် ပါရှိသည်။


အနှစ် ၂ဝ ကျော် ဒီမိုကရေစီအတွက် အလုပ်လုပ်နေသည့် NLD ပါတီဝင်များအနေဖြင့် ယခုလို အချိန်တွင် မိမိတို့၏ တာဝန်သည်ဘာလဲ၊ ဘာဆက်လုပ်သင့်သလဲ ကိုယ်ပိုင်ဉာဏ်နှင့် စဉ်းစားကာ ယုံကြည်သည့် အလျောက် ဆက်လုပ်စေလိုကြောင်း သူ၏ မိန့်ခွန်းတွင် တိုက်တွန်းသွားသည့် ဒေါ်အောင်ဆန်းစုကြည်သည် သမ္မတ ဦးသိန်းစိန်နှင့် သြဂုတ်လအတွင်းက တွေ့ဆုံခဲ့သေးသည်။

တွေ့ဆုံမှုအတွင်း မည့်သည့် အကြောင်းအရာများ ဆွေးနွေးသည်ကို ဒေါ်အောင်ဆန်းစုကြည်မှ ထုတ်ဖေါ်ပြောကြားခြင်း မရှိသော်လည်း "နိုင်ငံတော် သမ္မတနှင့် ဒေါ်အောင်ဆန်းစုကြည်တို့သည် မတူကွဲပြားသော သဘောထား အမြင်များ ဘေးဖယ် ထားပြီး နိုင်ငံနှင့် ပြည်သူလူထုအတွက် အမှန်တကယ် အကျိုးရှိစေမည့် ဘုံအကျိုးစီးပွားများမှ ပူးပေါင်းဆောင်ရွက်မည့် အလားအလာများအား ရင်းနှီးစွာဆွေးနွေးခဲ့သည်" ဟု နိုင်ငံပိုင် မြန်မာ့ရုပ်မြင်သံကြားတွင်
ဖေါ်ပြသည်။

သမ္မတနှင့် ဒေါ်အောင်ဆန်းစုကြည်တို့ တွေ့ဆုံဆွေးနွေးမှုများ ဆက်လက်လုပ်ဆောင်ရန် ရှိနေသေးကြောင်းလည်း
နေပြည်တော်တွင် သမ္မတနှင့် တွေ့ဆုံမှုအတွင်း လိုက်ပါသွားခဲ့သည့် လုံခြုံရေးအဖွဲ့ဝင် ဦးခွန်သာမြင့်က ဘီဘီစီ (မြန်မာပိုင်းသို့) စက်တင်ဘာ ၁၄ ရက်နေ့တွင် ပြောသည်။

အပြည်ပြည်ဆိုင်ရာ ဒီမိုကရေစီနေ့ကို အမျိုးသားဒီမိုကရေစီရုံးချုပ်တွင် ကျင်းပ (ဓါတ်ပုံ မဇ္ဈိမ)


ဒေါ်အောင်ဆန်းစုကြည်သည် အမေရိကန်နိုင်ငံမှ စီးပွားရေး ပိတ်ဆို့ထားခြင်းခံရသူ မက်စ်မြန်မာ စီးပွားရေးအုပ်စု
ပိုင်ရှင် ဦးဇော်ဇော်၏နှင့်အတူ ဗုဒ္ဓဟူးနေ့ ရန်ကုန်မြို့ သုဝဏ္ဏအားကစားတွင် ကျင်းပသည့် အသက် ၁၉ နှစ်အောက် အာဆီယံ ဘောလုံးပြိုင်ပွဲသို့ သွားရောက် ကြည့်ရှု့ အားပေးခဲ့သေးသည်။

အပြည်ပြည်ဆိုင်ရာ ဒီမိုကရေစီနေ့ကို မြန်မနိုင်ငံတွင် ယခုနှစ် ပထမဆုံးအကြိမ် ကျင်းပခြင်း ဖြစ်ပြီး၊ အစိုးရသစ် ရုံးစိုက်ရာ နေပြည်တော်တွင်ကျင်းပသည့်နည်းတူ အတိုက်အခံ ပါတီဟောင်း၏ ရုံးချုပ်တွင်လည်း ကျင်းပခဲ့ကြခြင်း
ဖြစ်သည်။

အပြည်ပြည်ဆိုင်ရာ ဒီမိုကရေစီနေ့ကို အဖွဲ့ဝင် နိုင်ငံများတွင် ဒီမိုကရေစီအရေး ထွန်းကားနိုင်ရန် စက်တင်ဘာ ၁၅ ရက်နေ့ကို ဒီမိုကရေစီနေ့ အဖြစ် သတ်မှတ်ရန် ကုလသမဂ္ဂမှ ၂ဝဝ၇ ခုနှစ်တွင် ဆုံးဖြတ်ခဲ့ခြင်း ဖြစ်သည်။
မြန်မာနိုင်ငံသည် ၁၉၄၈ ခုနှစ်တွင် ကုလသမဂ္ဂ အဖွဲ့ဝင်နိုင်ငံ ဖြစ်လာခဲ့သည်။

ဧရာဝတီ ပန်ကြားလွှာ စာအုပ် NLD ထုတ်ဝေမည်

ထွန်းထွန်း
အင်္ဂါနေ့
စက်တင်ဘာလ ၁၃ ရက် ၂၀၁၁ ခုနှစ်

နယူးဒေလီ (မဇ္ဈိမ) ။ ။ မြစ်ဆုံရေကာတာ အပါအဝင် ဧရာဝတီမြစ်ပေါ်ရှိ အငြင်းပွားဖွယ်ရာ ရေကာတာ စီမံကိန်းများ တည်ဆောက်မှုကို ရပ်ဆိုင်းထားပြီး ပြန်လည်သုံးသပ်ရန် ဒေါ်အောင်ဆန်းစုကြည် ထုတ်ပြန်ခဲ့သည့် “ဧရာဝတီအတွက် ပန်ကြားချက်” အပါအဝင် ထောက်ခံလက်မှတ်ထိုးထားမှုများကို အမျိုးသား ဒီမိုကရေစီအဖွဲ့ချုပ် NLD မှ စုဆောင်း၍ စာအုပ်အဖြစ် ထုတ်ဝေသွားမည် ဖြစ်သည်။

ဒေါ်အောင်ဆန်းစုကြည်က သြဂုတ်လ ၁၁ ရက်နေ့က လက်မှက်ထိုးထုတ်ဝေခဲ့သော စာတွင် ဆည်စီမံကိန်းများ
ကြောင့် မြစ်ကြောင်း ပြတ်တောက်ခြင်း၊ ရေတိုက်စားမှုနှုန်း မြင့်မားခြင်း၊ ရေစီးအားနည်းခြင်း၊ စီမံကိန်း ဆောက်လုပ်
ရာမှ ကျန်ရှိနိုင်သည့် ဓာတုဓာတ်ပစ္စည်းများ ပိုမိုစုစည်းကာ ဆည်လွှတ်ရေတွင် ပါဝင်နိုင်ခြင်းတို့ကြောင့် စိုးရိမ်စရာ
ဖြစ်ခဲ့ကြောင်း ပါရှိသည်။

ယဉ်မျိုးစာပေမှ ဖြန့်ချိတော့မည့် ဧရာဝတီကိုတော့ မလွမ်းချင်ပါ စာအုပ်မျက်နှာဖုံး

စာအုပ်ကို “ဧရာဝတီ အတွက် ပန်ကြားလွှာ” ဟု အမည် ပေးမည်ဖြစ်ကာ ပန်ကြားချက်အား ထောက်ခံသည့်
အနေဖြင့် ပါတီဗဟို အလုပ်အမှုဆောင်များ၊ ဝါရင့် နိုင်ငံရေး သမားများ၊ ကျောင်းသား လူငယ်များ၊ သတင်းစာ ဆရာ၊ စာရေးဆရာများက ထောက်ခံ သဘောတူ လက်မှတ်ရေးထိုးခဲ့ပြီး လက်မှတ်ပေါင်း ၃၀၀ ခန့် ရရှိနေပြီ ဖြစ်သည်။

“ဧရာဝတီ ဆိုတာဟာ မြန်မာနိုင်ငံရဲ့ အသက်ဖြစ်သလို တိုင်းရင်းသား လူမျိုးအားလုံးရဲ့ အသက်သွေးကြောလည်း
ဖြစ်တယ်။ အဲဒီတော့ ဒါဟာ စွန့်စားဖို့ မကောင်းတဲ့ တချို့ကိစ္စတွေဟာ လူမျိုးရဲ့ ဂုဏ်သိက္ခာလည်း ဖြစ်တယ်၊ လူမျိုးရဲ့ သင်္ကေတလည်း ဖြစ်တယ်။ ... ဒါဟာ အကျိုးအမြတ် တန်ဖိုးဖြတ်ဖို့ အတော်ခက်တဲ့ဟာ ဖြစ်နေပါတယ်” ဟု အမျိုးသား ဒီမိုကရေစီ အဖွဲ့ချုပ် ပြန်ကြားရေးတာဝန်ခံ ဦးအုန်းကြိုင်က ဆိုသည်။

ဆည် တည်ဆောက်မှုကြောင့် မြစ်ရေ စီးဆင်းမှု နည်း၍ ပင်လယ်ရေ ဝင်လာကာ မြစ်ဝကျွန်းပေါ် ဒေသရှိ စပါး ထုတ်လုပ်နိုင်မှုကိုပါ ထိခိုက်လာမည်ဖြစ်ကြောင်း သတိပေးထားသည်။

ယင်းအပြင် မြစ်ဆုံ စီမံကိန်း အစပျိုးစဉ်ကပင် မြန်မာအစိုးရ အဆက်ဆက်သည် မိမိတုိ့၏ အကျိုးစီးပွားကို ကာကွယ်
မြှင့်တင်ရန် ပျက်ကွက်ခဲ့သည် ဟူသော ကချင်အမျိုးသားတို့၏ ခံယူချက်များ ပိုမိုနက်ရှိုင်းလာခဲ့သည် ဟူ၍လည်း ထည့်သွင်း ဖော်ပြခဲ့သည်။

အလားတူပင် ကီလိုမီတာ ၂၁၇ဝ အရှည်ရှိ ဧရာဝတီမြစ်နှင့် ပတ်သက်၍ စာပေ၊ ဂီတ အနုပညာရှင်များ စုပေါင်း
ရေးသားထားသည့် “ဧရာဝတီကိုတော့ မလွမ်းချင်ပါ” စာအုပ်လည်း မကြာမီရက်ပိုင်းအတွင်း ထွက်ရှိတော့မည်ဟု သိရသည်။

ကွယ်လွန်သွားပြီဖြစ်သည့် ဆရာရွှေဥဒေါင်း၊ ဆရာဇော်ဂျီ၊ ဆရာပါရဂူ၊ ဒါရိုက်တာမောင်ဝဏ္ဏ အပါအဝင် လေးဖြူ၊
ဇော်ဝင်းထွဋ်၊ ထူးအိမ်သင်၊ ခင်ဝမ်း စသည့် စာပေ၊ ဂီတအနုပညာရှင် ၅၁ ဦး ရေးသား၊ သီဆိုခဲ့ကြသည့် ကဗျာ၊
ဆောင်းပါး၊ ဓာတ်ပုံ၊ သတင်းနှင့် သီချင်းများကို စုပေါင်း၍ ထုတ်ဝေခြင်း ဖြစ်သည်။

“အကုန်လုံးက သမိုင်းနဲ့ ဆက်စပ်နေတဲ့ ဧရာဝတီကြီးတခုက ပျောက်သွားမယ် ဆိုတာကတော့ ဘယ်သူမှ ကျနော်
တို့ စိတ်ထဲမှာလည်း ကောင်းနိုင်မှာ မဟုတ်ဘူး။ နောက် ဖြစ်လည်း မဖြစ်နိုင်ဘူးလေ။ ဖြစ်လည်း မဖြစ်သင့်ဘူးပေါ့။
အဲဒီလို ခံစားမှုကတော့ ကျနော်တို့ အမြဲတမ်းရှိနေတာပဲလေ” ဟု စာအုပ်ထုတ်ဝေ ဖြန့်ချိမည့် ယဉ်မျိုးစာပေမှ ကိုယဉ်ထွန်းက မဇ္ဈိမကို ပြောသည်။

သမိုင်းမှတ်တမ်းဝင်စေရန်ဟု ဆိုသော စာမျက်နှာ ၂၅ဝ ကျော်ပါ မဂ္ဂဇင်းဆိုက်ဖြင့် ထုတ်ဝေသော စာအုပ်တွင် ဧရာဝတီနှင့် ပတ်သက် သည့် ကဗျာ၊ ဆောင်းပါး၊ သတင်း၊ သတင်းဓာတ်ပုံ စသည်ဖြင့် ကဏ္ဍ ၇ ခု ခွဲထားသည်။ ထို့အပြင် ဧရာဝတီနှင့်ပတ်သက်၍ စပ်ဆိုခဲ့သည့် သီချင်းများကိုလည်း ကဏ္ဍာသီးသန့်ထား၍ ဖော်ပြထားသည်။



“ပုဂံကို အခု မမြင်လိုက်ရဘူး။ ဒါပေမဲ့ ဒေါက်တာသန်းထွန်းတုိ့ ဘာတို့ ပြုစုထားတဲ့စာအုပ်တွေ၊ ဒီပြင့် စာရေးဆရာ
တွေ ပြုစုထားတဲ့ စာအုပ်တွေက တဆင့် ကျမတို့ ပုဂံကို လှမ်းကြည့်လို့ရတယ်။ အဲဒီလိုပဲ နောင် ကျမတို့ရဲ့
မြန်မာပြည်ရဲ့ မျိုးဆက်သစ်တွေဟာ ဧရာဝတီက အရင်အတိုင်း မရှိခဲ့ရင် တို့မြန်မာပြည်ရဲ့ ဧရာဝတီမြစ်ကြီးဟာ တချိန်က ဒီလိုပါလားဆိုတာကို ကျမတို့ ဖော်ပြတာ” ဟု စာအုပ် စီစဉ်သူဖြစ်သည့် ဒေါ်ဒေဝီသန့်စင်က ဆိုသည်။


ဧရာဝတီမြစ်ပေါ်တွင် လျှပ်စစ်ဓာတ်အားထုတ် ရေကာတာပေါင်း ရှစ်ခု တည်ဆောက်ရန် အတွက် အစိုးရက စီစဉ်ထားကာ ယင်းတို့ထဲတွင် မြစ်ဆုံ ရေအားလျှပ်စစ်မှာ အကြီးဆုံးဖြစ်ပြီး စက်တပ်ဆင်အင်အား မဂ္ဂဝပ် ၆ဝဝဝ ရှိသည်။ မြစ်ဆုံရေကာတာ တခုတည်း အတွက်ပင် မေခမြစ်တွင် တာ ငါးခု၊ မလိခမြစ်တွင် နှစ်ခု ပိတ်ဆို့ရမည်
ဖြစ်ကာ ဆည်နယ်မြေမှာ စတုရန်းမိုင် ၁၈,၀၀၀ ကျယ်ဝန်းသည်။

ဆည်အမြင့်မှာ ၁၅၂ မီတာ (ပေ ၅၀၀) နှင့် အထက်၊ ရေလှောင်ကန်အမြင့်မှာ ၂၉၉ မီတာ (ပေ ၉၈၀) ရှိကြောင်း ကချင်လူမှုဖွံ့ဖြိုးရေး ကွန်ယက်အဖွဲ့ KDNG က ထုတ်ပြန်ထားသည်။

အမှတ် ၁ လျှပ်စစ်ဝန်ကြီး ဦးဇော်မင်းကမူ မြစ်ဆုံ ရေကာတာအား ဆက်လက် တည်ဆောက်သွားမည် ဖြစ်ကြောင်း တနင်္ဂနွေနေ့က နေပြည်တော်တွင် ပြုလုပ်သော သတင်းစာ ရှင်းလင်းပွဲတခုတွင် ပြောဆိုသွားသည်။

“ပျက်ပြားအောင် ဆိုပြီးတော့ Environmental အကြောင်းပြပြီး လျှောက်ပြောနေခြင်းသည် ကျနော်တို့ နိုင်ငံရဲ့ အကျိုးစီးပွားအပေါ် ထိခိုက်စရာကလွဲလို့ ဘာမှမရှိပါဘူး။ ဒါက ရှင်းရှင်းလေးပါပဲ” ဟု တိုင်းပြည် အကျိုးအမြတ်
အတွက် ဆက်လုပ်မည်ဟု ဆိုသည်။

ဧရာဝတီ ကာကွယ်ဖို့ ကျောင်းသားတွေစာကပ်

2011-09-13

ဧရာဝတီမြစ်ကို ကာကွယ်ကြ Save the Irrawaddy ဆိုတဲ့ စာတမ်းတွေကို ဗကသများ ကျောင်းသား အဖွဲ့ချုပ်က ပြီးခဲ့တဲ့ (၄) ရက်အတွင်း ရန်ကုန် လူစည်ကားတဲ့ နေရာတွေမှာ လိုက်လံ ကပ်ခဲ့တယ်လို့ သိရပါတယ်။

RFA ရေမျောကမ်းတင်နေတဲ့ အမှိုက်သရိုက်တွေကို ဧရာဝတီးမြစ်ကမ်းပါးမှာ တွေ့မြင်ရစဉ်။

ဒီ အတောတွင်း မြန်မာအစိုးရရဲ့ လျှပ်စစ်ဝန်ကြီး ဦးဇော်မင်းက ဒီ စီမံကိန်းကို မဖြစ်မနေ ဆက်ပြီး အကောင်အထည် ဖော်သွားမယ်လို့ ပြောဆိုတာဟာ အစိုးရရဲ့ ဂုဏ်သိက္ခာကို ထိခိုက်စေတယ်လို့ ဗကသ ကျောင်းသား အဖွဲ့ချုပ် ပြောခွင့်ရသူ ကိုမင်းသွေးသစ်က ဝေဖန် လိုက်ပါတယ်။

“ကျနော်တို့ ကျောင်းသားတွေရဲ့ အမြင်ကတော့ အစိုးရ တဖွဲ့ထဲမှာတင် ပြန်ကြားရေး ဝန်ကြီးက ခဏရပ်ပြီး စောင့်ကြည့်မယ်လို့ ပြောတယ်။ လပိုင်းပဲ ရှိသေးတယ် စက်မှု (၁) ၀န်ကြီးက ဒီလိုမျိုး စကား ထပ်ပြောတယ် ဆိုတာက အစိုတရပ်ရဲ့ ဂုဏ်သိက္ခာ ပျောက်နေတယ်။ နောက်တချက်က ဘယ်သူပဲ ဘာပဲ ပြောပြော ဆက်လုပ်မယ် ဆိုတာက ပြည်သူက တာဝန်ပေးလို့ အုပ်ချုပ်နေတယ် ဆိုတာနဲ့ လုံးဝကို ဆန့်ကျင်ဘက် ဖြစ်နေတယ်”

ဒီကနေ့ ထုတ်ပြန်တဲ့ ဗကသအဖွဲ့ချုပ်ရဲ့ ကြေညာချက်ထဲမှာ ဧရာဝတီ မြစ်ဆုံ ရေကာတာ စီမံကိန်း ရပ်တန့်ရေး လှုပ်ရှားမှုကို ကျောင်းသားတွေ အနေနဲ့ ကျယ်ကျယ်ပြန့်ပြန့် ဆက်လုပ်သွားမယ်လို့ ဖော်ပြ ထားပါတယ်။

တချိန်ထဲမှာပဲ ဧရာဝတီမြစ်ဆုံ ရေကာတာ စီမံကိန်းနဲ့ ပတ်သက်တဲ့ အသိပညာပေး ဆောင်းပါးတွေ၊ ရေကာတာရဲ့ ဆိုးကျိုးနဲ့ ပတ်သက်လို့ အစိုးရ လုပ်ဆောင်ချက်တွေ အပေါ် ဝေဖန် ပြောကြား ချက်တွေကို ပြည်တွင်းထုတ် ဂျာနယ်တွေမှာ အပြည့်အစုံ ဖော်ပြခွင့် မပေးဘဲ စာပေ စိစစ်ရေးက ဖြတ်တောက် နေတယ်လို့ သိရပါတယ်။

ဒီအကြောင်းတွေနဲ့ ပတ်သက်လို့ Yangon Times ဂျာနယ် အမှုဆောင် အယ်ဒီတာ ဦးကိုကို(စက်မှု)နဲ့ ကိုဥာဏ်ဝင်းအောင် ဆက်သွယ် မေးမြန်းထားတာကို နားဆင်ပါ။

ကမ္ဘာ့ဒီမိုကရေစီနေ့ NLD ကျင်းပမည်

ကိုပေါက် | အင်္ဂါနေ့၊ စက်တင်ဘာလ ၁၃ ရက် ၂၀၁၁ ခုနှစ်

နယူးဒေလီ (မဇ္ဈိမ) ။ ။ ကြာသပတေးနေ့တွင် ကျရောက်သည့် ကမ္ဘာ့ ဒီမိုကရေစီနေ့ အထိမ်းအမှတ် အခမ်းအနား တခုကို ရန်ကုန်မြို့ရှိ အမျိုးသား ဒီမိုကရေစီ အဖွဲ့ချုပ် NLD ရုံးချုပ်တွင် ကျင်းပမည် ဖြစ်သည်။

“ဒီနေ့ ဗဟို အလုပ်အမှုဆောင် အဖွဲ့ အစည်းအဝေးကနေ ဆုံးဖြတ်တာက ကျနော်တို့လည်း ကမ္ဘာ့ဒီမိုကရေစီနေ့ အခမ်းအနားကို အဖွဲ့ချုပ်ရုံးမှာ ကျင်းပမယ်။ ရန်ကုန်တိုင်းမှာရှိတဲ့ မြို့နယ် အသီးသီး၊ တိုင်းနဲ့ဗဟို အဆင့် ပုဂ္ဂိုလ်
တွေကို ဖိတ်ကြား ထားပါတယ်။ မန္တလေးတိုင်းဆိုရင် ကျယ်ကျယ်ပြန့်ပြန့်လုပ်ဖို့ စီစဉ်နေပါတယ်” ဟု NLD ပြောခွင့်ရ ဦးအုန်းကြိုင်က မဇ္ဈိမကို ပြောသည်။



အခမ်းအနားတွင် ဒု-ဥက္ကဋ္ဌ ဦးတင်ဦးက ဒီမိုကရေစီအကြောင်း ဟောပြောခြင်း အစီအစဉ်တခုသာ ထည့်သွင်းထားပြီး
နေ့လည်ပိုင်းတွင် အလုပ်ရုံ ဆွေးနွေးပွဲတခု ပြုလုပ်ရန် ရှိသဖြင့် အခမ်းအနားကို အကျဉ်းရုံး ကျင်းပသွားမည်
ဖြစ်သည်။

စက်တင်္ဘာ ၁၅ ရက်နေ့အား ကမ္ဘာ့ဒီမိုကရေစီနေ့ အဖြစ် ၂၀၀၇ ကမ္ဘာ့ကုလသမဂ္ဂ အထွေထွေ ညီလာခံမှ သတ်မှတ်ထားရာ မြန်မာနိုင်ငံတွင်လည်း ပထမဆုံးအကြိမ် အဖြစ် ဦးသိန်းစိန် အစိုးရက နေပြည်တော်တွင် ကျင်းပမည် ဖြစ်ကြောင်း သတင်းစာများတွင် ဖော်ပြပါရှိသည်။

ပြည်ထောင်စုလွှတ်တော် အဆောက်အအုံ၌ ကျင်းပမည့် အစိုးရ၏ အခမ်းအနားသို့ လွှတ်တော် ကိုယ်စားလှယ်များ၊ အစိုးရအဖွဲ့ဝင် ဝန်ကြီး၊ ဒု-ဝန်ကြီးများနှင့် ကုလ အဖွဲ့အစည်းများ တက်မည်ဟု ဖော်ပြ ပါရှိသည်။

အစိုးရ ကျင်းပမည့် အဆိုပါ အခမ်းအနားသို့ NLD နှင့် ဒေါ်အောင်ဆန်းစုကြည်အား ဖိတ်ကြားထားခြင်း မရှိသည့် အပေါ် NLD က မည်သည့် မှတ်ချက်မျှ မပေးလိုကြောင်း ဦးအုန်းကြိုင်က ပြောသည်။

သို့သော် လွှတ်တော် အသိုင်းအဝိုင်းအတွင်းသာ ကျင်းပမည့် ဒီမိုကရေစီနေ့ အခမ်းအနားမှာ ဒီမိုကရေစီ အနှစ်သာရ
များ ကင်းမဲ့နေကြောင်း ၁၉၈၈ ဒီမိုကရေစီ အရေးတော်ပုံ မျိုးဆက် ကိုမျိုးရန်နောင်သိန်းက မဇ္ဈိမကို ပြောသည်။

“ဒီမိုကရေစီရဲ့ သဘောသဘာဝ အရကိုက အားလုံးပါဝင်မှုက အရမ်း အရေးကြီး ပါတယ်။ သဘောထား မတူတဲ့လူရော၊ အမြင်မတူတဲ့ လူရော၊ ရန်သူရော မိတ်ဆွေရော အကုန်ပါမှ ဒီမိုကရေစီနေ့ အနှစ်သာရ
ပြည့်ဝမှာ ဖြစ်ပါတယ်။ အဲလို မပါဘူးဆိုရင်တော့ လူတစုက ကျင်းပတဲ့နေ့ပဲ ဖြစ်မှာပေါ့။ ဒါဆိုရင် ဒီမိုကရေစီရဲ့ အနှစ်သာရ ပျောက်ကွယ်သွားပြီလို့ ပြောလိုပါတယ်” ဟု ပြောသည်။

ဒီမိုကရေစီ၏ အနှစ်သာရများ အဖြစ် အားကောင်းသော လွှတ်တော်များ၊ လွတ်လပ်၍ တရားမျှတသော
ရွေးကောက်ပွဲများ၊ လူ့အခွင့်အရေး အာမခံချက်များ ရှိရမည် ဖြစ်သည်။ ထို့ပြင် ထိရောက်သော နိုင်ငံရေး
ပါတီများ၊ လူထုအခြေပြု အဖွဲ့အစည်းများနှင့် လွတ်လပ်သော မီဒီယာများ စသည့် အခြေခံများ ရှိဖို့လိုအပ်
ကြောင်း အပြည်ပြည်ဆိုင်ရာ လွှတ်တော်များသမဂ္ဂ IPU က ဆိုသည်။

နိုင်ငံရေး အကျဉ်းသားပေါင်း ၂၀၀၀ ခန့် ရှိနေဆဲဖြစ်သည့် မြန်မာနိုင်ငံ၏ အစိုးရက ဒီမိုကရေစီနေ့ ကျင်းပခြင်းမှာ ရယ်စရာတခု ဖြစ်နေကြောင်းလည်း ဝေဖန်မှုများ ရှိနေသည်။

စက်တင်္ဘာ ၂၇ ရက်နေ့တွင် ကျရောက်မည့် NLD ပါတီ တည်ထောင်ခြင်း အထိမ်းအမှတ် အခမ်းအနား တခုကိုလည်း
နိုင်ငံရေး အဓိပ္ပါယ်ရှိရှိ၊ စည်စည်ကားကား ကျင်းပသွားရန် စီစဉ်နေကြောင်း ဦးအုန်းကြိုင်က ပြောသည်။

ဧရာဝတီ တော်လှန်ရေး

အောင်ဒင်
စက်တင်ဘာ ၁၂၊ ၂၀၁၁

(၁) ဧရာဝတီ ကို သတ်နေသူများ၏ စိန်ခေါ်သံ

သမ္မတဦးသိန်းစိန် အစိုးရက သဘောထားပျော့ပြောင်းလိမ့်မယ်လို့ တချို့က မျှော်လင့်နေပြီး တချို့လဲ ပြည်တော်ပြန်ကြ၊ တချို့ကလဲ ပြည်တော်ပြန်ဖို့ တိတ်တိတ်ကလေးကြိုးစားနေကြချိန်မှာပဲ ဦးသိန်းစိန်အစိုးရရဲ့ ဝန်ကြီးတပါးက မြန်မာပြည်သူများရဲ့ ဆန္ဒ ကိုလုံးဝ ဂရုမစိုက်ကြောင်း အတိအလင်းထုတ်ဖော်ပြောကြားလိုက်ပါတယ်၊ မြန်မာနိုင်ငံရဲ့ အသက်သွေးကြောဖြစ်ပြီး မြန်မာပြည်သူများ မှီခိုအားထားရာဖြစ်တဲ့ မိခင်ဧရာဝတီမြစ်ကြီး ပျက်စီးပျောက်ဆုံးရမှာကို စိုးရိမ်လွန်းလို့ ဧရာဝတီမြစ်ဆုံမှာ တရုတ်အစိုးရပိုင်ကုမ္ပဏီများက တည်ဆောက်နေတဲ့ မြစ်ဆုံဆည်ကြီးကို ဆက်လက်မဆောက်လုပ်ပဲ ရပ်တန့်ဖို့ တောင်းဆိုနေကြတဲ့ မြန်မာပြည်သူတွေကို ဦးသိန်းစိန်အစိုးရရဲ့ အမှတ်(၁) လျှပ်စစ်စွမ်းအားဝန်ကြီးဌာန ဝန်ကြီး ဦးဇော်မင်း က "ဧရာဝတီရောဂါသည်များ", “ဧရာဝတီရောဂါ နဲ့ အမီလိုက်နေသူများ" လို့ လှောင်ပြောင်သရော်လိုက်ပြီး မြစ်ဆုံဆည်ကြီးကို ဘယ်သူကပဲ ကန့်ကွက်ကန့်ကွက် ဆက်ဆောက်သွားမှာဖြစ်တယ် လို့ ကြိမ်းဝါးလိုက်ပါတယ်၊ စက်တင်ဘာ ၁၀ ရက်နေ့က နေပြည်တော်မှာရှိတဲ့ မီးရထားဝန်ကြီးဌာန ဝန်ကြီးရုံးမှာ ပြုလုပ်တဲ့ သတင်းစာရှင်းလင်းပွဲမှာ အဲဒီလို ပြောဆိုလိုက်တာပါ၊

ဒီလိုပြောဆိုရင်းနဲ့ပဲ ဦးဇော်မင်းက မြန်မာ့အလင်းသတင်းစာမှာ လျှပ်စစ်ဝန်ထမ်းတဦး၊ ကျော်မင်းလူ (ရွှေပြည်သာ) ဆိုတဲ့ နံမည်ဝှက်တွေနဲ့ မြစ်ဆုံဆည်တည်ဆောက်ရေးကောင်းတဲ့အကြောင်းတွေ ဆောင်းပါးရေးတာ သူကိုယ်တိုင်ပါပဲလို့ ဝန်ခံသွားပါတယ်၊ သူကပြောပါသေးတယ်၊ "မြစ်ကြီးကို ဘယ်သူမှ မထိန်းသိမ်းခဲ့လို့ မြစ်ကြီးက ပျက်စီးတာ၊ ရေက စီးချင်တဲ့နေရာလျှောက်စီးနေတာ" လို့ ဧရာဝတီမြစ်ကြီးကိုတောင်အပြစ်တင်သွားပါသေးတယ်၊ ဒါပေမည့် ဧရာဝတီမြစ်ကြီးကို ထိန်းသိမ်းစောင့်ရှောက်ဖို့ သူအပါအဝင်ဖြစ်တဲ့ နအဖစစ်အုပ်စုက နိုင်ငံကို နှစ် ၂၀ကျော်အုပ်ချုပ်မှုအတွင်း တာဝန်မဲ့ခဲ့တာကိုတော့ မသိချင်ယောင်ဆောင်နေခဲ့ပါတယ်၊ ဦးဇော်မင်း ဟာ ဗိုလ်မှူးကြီးဟောင်းတယောက်ဖြစ်ပြီး နအဖအစိုးရသက်တမ်းအတွင်းမှာလဲ

အမှတ်(၁) လျှပ်စစ်စွမ်းအားဝန်ကြီးအဖြစ် တာဝန်ယူခဲ့သူပါ၊

သူဒေါသတကြီးနဲ့ပြောမှပဲ အရင်က သေသေချာချာမသိခဲ့ရတဲ့ အကျိုးစီးပွါးအပေးအယူ ကိစ္စတွေကိုပါ သိကြရပါတယ်၊ မြစ်ဆုံဆည် အပါအဝင် ဧရာဝတီ၊ မေခ၊ နဲ့ မလိခ မြစ်များမှာတည်ဆောက်နေတဲ့ ဆည်ကြီး ၇ ခု ပြီးစီးသွားရင် ထွက်လာမည့် ရေအားလျှပ်စစ်ပမာဏရဲ့ ၉၀% ကို တရုတ် အစိုးရက ရပြီး မြန်မာနိုင်ငံက ၁၀% ပဲ ရမယ်၊ တရုတ်အစိုးရက ရာနှုံးပြည့်ရင်းနှီးမြှုတ်နှံတာဖြစ်ပေမည့် မြန်မာအစိုးရအတွက် ဒီလုပ်ငန်းကြီးများအတွက် ၁၅% ပိုင်ဆိုင်ခွင့်ပေးတယ်၊ ဆိုတော့ ဒီဆည်တည်ဆောက်ရေးမှာ တရုတ်အစိုးရက ၈၅% ပိုင်ပြီး မြန်မာအစိုးရက ၁၅% ပဲပိုင်တယ်ပေါ့၊ လျှပ်စစ်ဓာတ်အားရောင်းလို့ ရမည့်အမြတ်ငွေရဲ့ ၇၀% ကိုတရုတ်အစိုးရက ရမှာဖြစ်ပြီး ၃၀% ကိုသာ မြန်မာအစိုးရက ရမှာပါ၊ သူအဆိုအရပဲ ထင်ထင်ရှားရှားတွေ့လိုက်ရတာက ကချင်တိုင်ရင်းသားများအမွန်အမြတ်ထားရာ မြစ်ဆုံကို ဖျက်ဆီးပစ်လို့၊ မြန်မာပြည်သူများအမှီပြုအားထားရာ ဧရာဝတီမြစ်ကြီးကို တရုတ်အစိုးရကို ဖျက်ဆီးခွင့်ပြုလိုက်လို့ ဦးသိန်းစိန်အစိုးရပြန်ရမှာက ပိုင်ဆိုင်မှုရဲ့ ၁၅%၊ လျှပ်စစ်ဓာတ်အားရဲ့ ၁၀%၊ နဲ့အမြတ်အစွန်းရဲ့ ၃၀% ပါ၊ ပျက်စီးပျောက်ဆုံးသွားရမည့် ဧရာဝတီမြစ်ကြီးကို ဆုံးရှုံးလို့ ကျနော်တို့ မြန်မာနိုင်ငံသားများအားလုံး၊ အခုလက်ရှိ မျိုးဆက်တွေသာမက နောင်လာမည့် မျိုးဆက်များ ခံစားရမည့် ဆုံးရှုံးမှုပမာဏက ဦးသိန်းစိန်အစိုးရ ခံစားရမည့်အကျိုးအမြတ်ထက် အဆပေါင်း ထောင်နဲ့ချီပြီး ကြီးမားလှတယ်ဆိုတာကိုတော့ ဦးဇော်မင်း ထည့်တွက်ပုံမရပါဘူး၊

(၂) တရုတ်ပြည်ရဲ့ မဟာတံတိုင်းအသစ်

တရုတ်ပြည်က ထင်ရှားကျော်ကြားလှတဲ့ မဟာတံတိုင်း (The Great Wall) ကြီးကို အားလုံး ကြားဖူးကြမှာပါ၊ ဘီစီ ၅ ရာစုလောက်ကစပြီး မင်မင်းဆက် (Ming Dynasty) (၁၃၆၈-၁၆၄၄) အထိ ကာလ အတွင်း တရုတ်နိုင်ငံရဲ့ မြောက်ပိုင်းက ကျူးကျော်ဝင်ရောက်မှုတွေကို ကာကွယ်ဖို့ လူသန်းပေါင်းများစွာ ကိုအဓမ္မစေခိုင်းပြီး နှစ်ပေါင်းများစွာ တည်ဆောက်ခဲ့ရတဲ့ ခံတပ် တံတိုင်းကြီးတွေပါ၊ နှစ်ပေါင်း ၂၀၀၀ ကျော်သက်တမ်းရှိပြီး မိုင်ပေါင်း ၅၀၀၀ ကျော်ရှည်လျားလို့ ၁၉၈၇ ခုနှစ်မှာ ကုလသမဂ္ဂ က ကမ္တာ့အမွေအနှစ်တပါးအဖြစ်အသိအမှတ်ပြုထားတာပါ၊ ဒီဘက်ခေတ်မှာတော့ လက်ရှိ တရုတ်အစိုးရက မဟာတံတိုင်းအသစ်ကြီးတခုကို ဆောက်လုပ်နေပါတယ်၊ ဒီတခါဆောက်တဲ့ မဟာတံတိုင်းအသစ်က တရုတ်နိုင်ငံအတွင်းမှာ မဟုတ်ပါ၊ တရုတ်နိုင်ငံအပြင်ဘက် ကမ္ဘာတဝှမ်းမှာ တရုတ်အစိုးရပိုင်ကုမ္ပဏီများ ဆောက်လုပ်နေတဲ့ ရေကာတာကြီးများ ဖြစ်ကြပါတယ်၊ အာဖရိကမှာဆိုရင် အဲဒီနိုင်ငံများကထွက်တဲ့ ရေနံကို ပြိုင်ဘက်မရှိဝယ်ယူနိုင်ဖို့ သက်ဆိုင်ရာအစိုးရများကို လာဘ်ထိုးတဲ့အနေနဲ့ တရုတ်အစိုးရက ဆည်ကြီးတွေ ဆောက်လုပ်ပေးပါတယ်၊ ခြံစည်းရိုးခြင်းကပ်နေတဲ့ မြန်မာနိုင်ငံမှာတော့ ထွက်လာမည့် လျှပ်စစ်ဓာတ်အားကို ဝါးမျိုစားသောက်ဖို့ ဆည်တွေဆောက်ပေးတာပါ၊ သမိုင်းဟောင်းမှာ မဟာတံတိုင်းကြီးဆောက်တော့ အပြစ်မဲ့ တရုတ်ပြည်သူတွေ အဓမ္မလုပ်အားပေးခိုင်းစေခံကြရ၊ နေရာရွှေ့ပြောင်းကြရ၊ ဘဝတွေပျက်စီးကြရ၊ အသက်တွေ သေဆုံးကြရသလိုပဲ ဒီကနေ့ခေတ်၊ တရုတ်အစိုးရရဲ့ မဟာတံတိုင်းသစ် ဆောက်လုပ်ရာမှာ ကမ္ဘာတဝှမ်းက အပြစ်မဲ့ ပြည်သူတွေ ဆင်းရဲဒုက္ခရောက်နေကြရတာပါ၊

သမိုင်းဟောင်းမှာတုံးက မဟာတံတိုင်းဆောက်လုပ်ရာမှာ ဒေသခံစစ်ဘုရင်တွေ အကျိုးစီးပွါးဖြစ်ထွန်းခဲ့သလို ဒီကနေ့ တရုတ်အစိုးရက ကမ္ဘာကို ပါတ်ပြီး ဆည်တွေတည်ဆောက်ရာမှာလဲ တရုတ်အစိုးရနဲ့ အပေါင်းအပါ အာရှ နဲ့အာဖရိက ကအာဏာရှင်အစိုးရတွေပဲ အကျိုးစီးပွါးဖြစ်ထွန်းကြတာပါ၊

ဆည်တွေဆောက်လို့ ပျောက်ဆုံးသွားတဲ့ မြစ်ကြီးတွေ၊ ရွှေ့ပြောင်းရတဲ့ မြို့၊ရွာတွေ၊ အဓမ္မလုပ်အားပေးရတဲ့ ပြည်သူတွေ၊ ပျက်စီးသွားတဲ့ သဘာဝပါတ်ဝန်းကျင်နဲ့ ပြောင်းလဲသွားတဲ့ ရာသီဥတု၊ ရေလွှမ်းခံရတဲ့ လယ်မြေတွေ၊ ကန္တာရဖြစ်သွားတဲ့ စိုက်ပျိုးခင်းတွေ၊ အသတ်ခံလိုက်ရတဲ့ သစ်တောကြီးတွေ၊ ဖြိုချခံလိုက်ရတဲ့ တောင်တန်းကြီးတွေ ကို တရုတ်အာဏာရှင်တွေ နဲ့ သူတို့ရဲ့အပေါင်းအပါအာဏာရှင်များက အလွယ်တကူမေ့လျော့လိုက်ကြပြီး တရုတ်ရှေးဘုရင်များက မဟာတံတိုင်းကြီးအတွက် ဂုဏ်ယူဝင့်ကြွားကြသလို တရုတ်အာဏာရှင်များနဲ့အပေါင်းအပါများကလဲ မဟာတံတိုင်းသစ် ဆည်ကြီးများအတွက် ဂုဏ်ယူဝင့်ကြွားနေကြတာပါ၊ ဒါကြောင့်မို့ တရုတ်အစိုးရရဲ့ ဩဇာခံ စစ်ဘုရင်တပါးဖြစ်တဲ့ ဦးသိန်းစိန် အစိုးရက သဘောထားပျော့ပြောင်းပြီး မြစ်ဆုံဆည်တည်ဆောက်ရေးကို ပြည်သူလူထုရဲ့ ဆန္ဒအတိုင်း ရပ်တန့်လိမ့်မယ်လို့ ကျနော် ဘယ်တုံးကမှ မမျှော်လင့်ခဲ့ပါ၊ အခု ဦးဇော်မင်းရဲ့ စိန်ခေါ်ချက်က ကျနော့်သံသယကိုအတည်ပြုပေးလိုက်ပါပြီ၊

(၃) ဆည်တွေမှာ သက်တမ်းရှိ၍ ထိုသက်တမ်းမှာ တိုတောင်း၏

ဦးဇော်မင်းက ပြောသွားပါသေးတယ်၊ "မြန်မာနိုင်ငံမှာတော့ ရေအားလျှပ်စစ်နဲ့ပါတ်သက်ပြီးတော့ လက်ရှိအချိန်မှာ ကျနော့်ထက်ပိုပြီးတော့ အတွေ့အကြုံရှိတဲ့လူ မရှိတော့ဘူး" တဲ့၊ အဲဒီစကားအတွက် အတော်အံ့ဩမိပါတယ်၊ ဘာဖြစ်လို့လဲဆိုတော့ သူကပဲ ဒီဆည်ကြီးကို တရုတ်အစိုးရကို ကာလအကန့်အသတ်တခုနဲ့ လုပ်ခိုင်းပြီး အဲဒီကာလပြီးဆုံးတဲ့ အချိန်မှာ "ပြီးပါပြီ၊ ကုန်ပြီ၊ မင်းပြန်တော့၊ ဒါကြီးထားခဲ့တော့။ ကိုယ့်အနိုင်ငံအပိုင်ဖြစ်တယ်၊ ဒီထက်အကျိုးရှိတဲ့ဟာ ဘာရှိသေးလဲ" လို့ အားရပါးရပြောသွားလို့ပါ၊ ဆည်ကြီးတွေမှာ သက်တမ်းရှိတယ်ဆိုတာ သူသိပုံမရပါ၊

မြစ်ကို ပိတ်ဆို့ပြီး ဆည်တွေ၊ ရေလှောင်ကန်တွေ တည်ဆောက်ကြတဲ့အခါ မြစ်ဖျားပိုင်းက စီးလာတဲ့ ရေတွေဟာ ရေကာတာကြီးကြောင့် မြစ်အောက်ပိုင်းကို ဆက်လက်မစီးဆင်းနိုင်ပဲ ရေလှောင်ကန်ကြီးထဲမှာပဲ ထိန်းသိမ်းခံကြရမှာပါ၊ ပြီးတော့ ရေကာတာက ရေတံခါးကြီးများကို ဖွင့်ပေးမှသာ ရေတွေ မြစ်အောက် ပိုင်း ကို ဆက်လက်စီးဆင်းနိုင်မှာပါ၊ အဲဒီရေလှောင်ကန်ကြီးထဲကို ရေတွေတင်မကဘူး နုံးမြေတွေ (Sediment) ပါစီးဝင် ရောက်ရှိမှာပါ၊ အဲဒီ နုန်းတွေက ရေလှောင်ကန်ကြီးရဲ့ အောက်ခြေမှာ သွားပြီး စုပုံအနည်ထိုင်ကြမှာပါ၊ ရေလှောင်ကန်ကြီးရဲ့ ကြမ်းပြင်က ရေတံခါးကြီးများရဲ့ အောက်ဖက်အဝေးကြီးမှာမို့ ရေတံခါးကြီးများကို ဖွင့်လို့ ရေတွေ မြစ်အောက်ပိုင်းကို စီးဆင်းခွင့်ရရင်တောင်မှ နုံးတွေအတွက်ကတော့ ထွက်ပေါက်မရှိပါ၊ အဲဒီလိုနဲ့ ရေလှောင်ကန်ကြမ်းပြင်မှာ တဖြေးဖြေးစုပုံအနယ်ထိုင်လာတဲ့ နုံးမြေတွေဟာ နှစ်တွေကြာတာနဲ့အမျှ မြင့်တက်ခိုင်မာလာပြီး ရေလှောင်ကန်ရဲ့ ကြမ်းပြင်ဟာ တစတစ မြင့်တက်လာပြီး ကန်ထဲမှာ လှောင်နိုင်တဲ့ ရေပမာဏဟာလဲ နည်းသထက် နည်းလာပါတယ်၊ ဒါကြောင့်မို့လို့ ရေလှောင်ကန်ထဲမှာ နုံးတွေများလာတာနဲ့ အမျှ၊ အောက်ကြမ်းပြင်မြင့်တက်လာတာနဲ့အမျှ၊ လှောင်နိုင်တဲ့ ရေပမာဏနည်းလာတာနဲ့အမျှ၊ လျှပ်စစ်စွမ်းအားထုတ်နိုင်စွမ်းဟာလဲ လျော့နည်းလာပါလိမ့်မယ်၊ ဒါကြောင့်မို့ ရေလှောင်ကန်တခု၊ ရေကာတာတခုရဲ့ လျှပ်စစ်ဓာတ်အားထုတ်နိုင်စွမ်းဟာ အများဆုံး နှစ် ၂၀ နဲ့ ၃၀ ကြားမှာပဲ ရှိတတ်ပါတယ်၊ နှစ် ၂၀ ကျော်သွားပြီးရင်ဖြင့် အဲဒီ ရေလှောင်ကန်ကြီးဟာ နုံးမြေတွေ ပြည့်နှက်နေတဲ့ ကန်ကြီးတခုပဲ ဖြစ်နေပါလိမ့်မယ်၊

လျှပ်စစ်ဓာတ်အားထုတ်ဖို့အသုံးမဝင်တော့သလို ခရီးသွားလာရေး နဲ့ အခြားကိစ္စများအတွက်လဲ အသုံးဝင်မှာ မဟုတ်တော့ပါ၊
မြစ်ဆုံဆည်အပါအဝင် တရုတ်အစိုးရကတည်ဆောက်နေတဲ့ ဆည်ကြီးများအတွက် တရုတ်အစိုးရက နှစ် ၃၀ စာချုပ်နဲ့ (BOT/Build, Operate and Transfer) လုပ်ကိုင်ခွင့်ရမှာဖြစ်လို့ နှစ် ၃၀ ပြည့်လို့ တရုတ်အစိုးရက ကျနော်တို့ကို ဒီဆည်ကြီးများ ပြန်လွှဲပြောင်းပေးတဲ့အချိန်မှာ ကျနော်တို့ ရမှာက နုံးမြေတွေပြည့်နှက်နေတဲ့ အမှိုက်ကန်ကြီးတွေပါ၊ဦးဇော်မင်း ပြောသလို အကျိုးရှိမယ်ဆိုတာ လုံးဝမဖြစ်နိုင်ပါ၊

(၄) အင်္ဂုလိမာလ ဇာတ်သိမ်းခန်း
ကျနော်တို့ မြန်မာနိုင်ငံသားအားလုံးနီးပါး မြတ်ဗုဒ္ဓရဲ့ အောင်ခြင်း ၈ပါးထဲက အင်္ဂုလိမာလချွတ်ခန်းကို ကြားဘူးကြမှာပါ၊ ဘုရားလက်ထက်က အင်္ဂုလိမာလ သတို့သားဆိုတာ ရှိခဲ့တယ်၊ တက္ကသိုလ်မှာ ဒိသာပါမောက္ခဆရာကြီးထံ ချဉ်း ကပ်ပြီး ပညာသင်နေတဲ့အချိန်မှာ ဆရာကြီးက သူ့တပြည့်ကို သူ့ဇနီးနဲ့ မသင်္ကာဖြစ်ပါတော့တယ်၊ ဒါနဲ့ ဆရာကြီးက အင်္ဂုလိမာလကို ချောက်တွန်းတဲ့အနေနဲ့ သူ့ဆီမှာ ပညာတွေသင်ယူဖို့ဆိုရင် သူက ငွေကြေးလက်မခံပဲ လူ့လက်ညှိုး အချောင်း ၁၀၀၀ ကို သာပညာသင်ခအဖြစ်လက်ခံမှာ ဖြစ်ကြောင်းပြောပြီး အင်္ဂုလိမာလကို လူ့ လက်ညှိုးအချောင်း ၁၀၀၀ နဲ့ သူ့ကို ပူဇော်နိုင်မှ ပြန်လာခဲ့ ဆိုပြီး ကျောင်းတော်က မောင်းထုတ်ပါတယ်၊ ဆရာ့စကားနားထောင်တဲ့ အင်္ဂုလိမာလ ကလဲ ကျောင်းကထွက်ခွါလာပြီး လူတွေကို လိုက်သတ်၊ လက် ညှိုး တွေကိုဖြတ်၊ အဲဒီ လက် ညှိုး တွေကို ပျောက်သွားမှာစိုးလို့ ကြိုးနဲ့ သီပြီး လည်ပင်းမှာ ချိတ်ဆွဲပြီး အင်မတန်ကြောက်စရာကောင်းတဲ့ လူဆိုးကြီး ဖြစ်လာပါတယ်၊

အဲဒီလိုနဲ့ မြို့ပြင်က တောအုပ်ကြီးတခုမှာ ခိုလှုံပြီး တောအုပ်ကို ဖြတ်သန်းသွားသမျှ လူတွေကို သတ်ဖြတ်ပြီး လက် ညှိုး တွေ စုဆောင်းလာတာ တထောင်ပြည့်ဖို့ တချောင်းပဲလိုပါတော့တယ်၊ အဲဒီအချိန်မှာ သားကို စိတ်ပူလွန်းလို့လိုက်ရှာတဲ့ အင်္ဂုလိမာလ ရဲ့ မိခင်ကြီးက အင်္ဂုလိမာလရှိတဲ့ တောအုပ်ကို ရောက်လာပါတယ်၊ အင်္ဂုလိမာလ ကလဲ သူ့အမေကို အမေမှန်း မှတ်မိပေမည့် နောက်ဆုံးလိုတဲ့ လက် ညှိုး တချောင်းကို ရဖို့ သတ်မယ်ဆိုပြီး အမေ့နောက်ကို ဓားဝင့်ပြီး လိုက်ပါသတဲ့၊ ဒီလိုနဲ့ မိခင်ကြီးက ကြောက်လန့်တကြား ရှေ့ကပြေး၊ သွေးဆာနေတဲ့ လူသတ်သမား အင်္ဂုလိမာလ က နောက်ကလိုက် နေချိန်မှာ မြတ်စွာဘုရား က ကိုယ်ထင်ပြပါသတဲ့၊ အဲဒီတော့မှ အင်္ဂုလိမာလက အမေ့နောက်လိုက်တာကိုရပ်ပြီး ဘုရားကို သတ်ဖို့လိုက်တော့ ဘုရားက ရှေ့ကနေ ဖြေးဖြေးလေး ကြွနေပေမည့် သူဘယ်လိုမှ လိုက်လို့မမီနိုင်ပါတဲ့၊ အင်္ဂုလိမာလ က "ဟေ့၊ ရဟန်းကြီး၊ မပြေးနဲ့ ရပ်" လို့ပြောတော့ ဘုရားက "ချစ်သား အင်္ဂုလိမာလ၊ ငါကား မပြေး၊သင်သာ ပြေးသူဖြစ်သည်" လို့ အစချီပြီး တရားဟောပြတော့မှ အင်္ဂုလိမာလ အကျွတ်တရားရ၊ အမှားတွေမြင်ပြီး နောင်တရပါသတဲ့၊

အခုလဲ ဦးသိန်းစိန် နဲ့ စစ်အုပ်စုဟာ ကျနော်တို့ခေတ်ရဲ့ အင်္ဂုလိမာလတွေ ဖြစ်နေပါပြီး၊ သူတို့ရဲ့ ဆရာကြီး တရုတ်အစိုးရ ကျေနပ်စေဖို့အတွက် တိုင်းပြည်မှာ ရှိသမျှ သစ်တောတွေ၊ သတ္တုတွေ၊ သဘာဝဓာတ်ငွေ့တွေ၊ ကျောက်စိမ်းတွေ၊ အဖိုးတန်ရတနာတွေ၊ အားလုံးကို ပေးအပ်ပြီးတဲ့နောက် အခု တရုတ်အစိုးရအလိုကျ မိခင်ဧရာဝတီ ကို သတ်ဖို့ကြိုးစားနေပါပြီ၊ ဒီခေတ်မှာတော့ အမိဧရာဝတီ အသတ်မခံရအောင် ဘုရားကြွပြီး တရားပြဖို့ကတော့ မဖြစ်နိုင်ပါ၊ ကျနော်တို့ မြန်မာပြည်သူများကပဲ စည်းလုံးညီညွတ်တဲ့ လှုပ်ရှားမှုနဲ့ အင်အားပြပြီး အင်္ဂုလိမာလဦးသိန်းစိန် အစိုးရက အမိဧရာဝတီ ကို မသတ်နိုင်အောင် တားဆီးကြရမှာပါ၊

ဧရာဝတီ တော်လှန်ရေး စပါပြီ၊
လေးစားစွာ၊

အောင်ဒင်
စက်တင်ဘာ ၁၂၊ ၂၀၁၁
aungdin@uscampaignforburma.org

မက်ဆင်ဂျာကို ကန့်သတ်အပြစ်ပေး

သဲသဲ
ကြာသပတေးနေ့
စက်တင်ဘာလ ၀၈ ရက် ၂၀၁၁ ခုနှစ်

နယူးဒေလီ (မဇ္ဈိမ) ။ ။ အချပ်ပိုဖော်ပြရန် ကြိုတင်ခွင့်ပြုချက် မတောင်းခံခဲ့သော မက်ဆင်ဂျာ The Messenger ဂျာနယ်ကို စာပေစိစစ်ရေးက လာမည့် တနင်္ဂနွေတွင် ဖြန့်ချိမည့် စာစောင်အတွက် နောက်ဆက်တွဲ သတင်း ဖေါ်ပြခွင့် မပေးဘဲ ကန့်သတ်အပြစ်ပေးကာ တုံ့ပြန်လိုက်သည်။

"နောက်ဆက်တွဲ သတင်း" ဖော်ပြခွင့်မပြုဘဲ ကန့်သတ်လိုက်ခြင်းကြောင့် ဒေါ်အောင်ဆန်းစုကြည်နှင့် အင်တာဗျူးကို အချပ်ပိုအဖြစ် သြဂုတ် ၄ ရက်နေ့က ဈေးကွက်သို့ ဖြန့်ချိခဲသော မက်ဆင်ဂျာ ဂျာနယ်အနေဖြင့် ဗုဒ္ဓဟူးနေ့ကပင် ဆင်ဆာ အပြီးတင် လိုက်ရသည်။သြဂုတ် ၁၁ ရက်နေ့တွင် ဖြန့်ချိမည့် စာစောင်အတွက်ကိုသာလျင် ကန့်သတ်ခြင်း
ဖြစ်ပါသည်။

မက်ဆင်ဂျာ The Messenger ဂျာနယ်ကို နောက်ဆက်တွဲသတင်း ဖော်ပြခွင့် မပေးဘဲ ကန့်သတ်အပြစ်ပေး၊ ဒေါ်အောင်ဆန်းစုကြည်၏ အင်တာဗျူး ပါသောကြောင့် ဂျာနယ် ရောင်းအားတက် (ဓါတ်ပုံ မဇ္ဈိမ)

စည်းကမ်း ချိုးဖောက်၍ အရေးယူခြင်း ဖြစ်သည်ဟု ဂျာနယ်တိုက် တာဝန်ရှိသူများကို ပြန်ကြားရေး ဝန်ကြီးဌာန လက်အောက်ခံ ဆင်ဆာဘုတ်က ပြောသော်လည်း ထုံးစံအတိုင်းပင် မည်သည့် ပြစ်ချက်ကြောင့် အရေးယူသည်ကို ရှင်းပြခြင်းမရှိဟု မက်ဆင်ဂျာ၏ တာဝန်ရှိသူတဦးက ပြောသည်။

သို့သော်လည်း ဒေါ်အောင်ဆန်းစုကြည် အင်တာဗျူး အချပ်ပိုနှင့် ပတ်သက်၍ ကြိုတင်ခွင့်ပြုချက် မယူခဲ့သည့် အတွက် အရေးယူခြင်း ဖြစ်မည်ဟု ဂျာနယ်တာဝန်ရှိသူများ ယုံကြည်ကြသည်။

“ အတွင်းစာမျက်နှာ ဖော်ပြဖို့နေရာ အခက်အခဲကြောင့်ရယ် အချိန်လည်း မမီတော့တာနဲ့ ကျနော်တို့က အချပ်ပို ထည့်လိုက်ပါ" ဟု မက်ဆင်ဂျာ၏ အယ်ဒီတာတဦးက ပြောသည်။

ဂျာနယ်ဈေးကွက်တွင် သတင်းဦး၊ သတင်းထူးပါသော အချပ်ပိုကို အပြင်ထုတ်ကာ အသားပေး ရောင်းချလေ့ ရှိသည်။ ပထမဦးဆုံး အနေဖြင့် ပြည်တွင်းဂျာနယ် တခုတွင် ဒေါ်အောင်ဆန်းစုကြည်၏ အင်တာဗျူး ပါရှိခြင်းကား ဂျာနယ်
ရောင်းအား တက်စေခဲ့ကြောင်း လေ့လာသူများက ပြောသည်။

တနင်္ဂနွေ အပတ်စဉ်ထုတ် သတင်းဂျာနယ် မက်ဆင်ဂျာမှာ တနင်္လာနေ့၊ ဗုဒ္ဓဟူးနေ့များတွင် မိမိ ပုံနှိပ်ဖော်ပြလိုသော သတင်းများ စာပေစိစစ်ရေးကို တင်ပြ အတည်ပြုချက် ရယူနိုင်ပြီး နောက်ဆက်တွဲ သတင်း (သို့မဟုတ်) ထပ်မံ
ဖော်ပြလိုသော သတင်းရှိသေးလျှင် စနေနေ့တွင် တင်ပြခွင့် ရှိသည်။

နောက်ဆက်တွဲ သတင်းများမှာ လတ်ဆတ်မှု ပိုလေ့ ရှိသည့်အပြင် ပထမရက်များက တင်ပြထားသည့် သတင်းများ အနက် စိစစ်ရေးက ခွင့်မပြု၊ ဆိုင်းငံ့ဟု မှတ်ချက်ပြုပါက နောက်ဆက်တွဲ သတင်းများဖြင့် အစားထိုး ဖြည့်သွင်းရ
သဖြင့် နောက်ဆက်တွဲ သတင်း တင်ပြမှုသည် ဂျာနယ်တိုက်များ အတွက် အရေးကြီးသည့် ကဏ္ဍ ဖြစ်သည်။

"ဒေါ်အောင်ဆန်းစုကြည် အင်တာဗျူးမို့ ဒီလောက် ရေးကြီးခွင်ကျယ်ဖြစ်တာ" ဟု ပြည်တွင်း ဂျာနယ် အယ်ဒီတာ တဦးက အာဏာပိုင်များ၏ အကဲဆတ်သည့်သဘောကို ပြောသည်။

ရွေးကောက်ပွဲ ကော်မရှင် ဥက္ကဋ္ဌ ဦးတင်အေး၏ သားဖြစ်သူ ဦးဇော်မင်းအေး ထုတ်ဝေသည့် မက်ဆင်ဂျာမှာ "ယနေ့ခေတ် လူငယ်များအပေါ် ဒေါ်အောင်ဆန်းစုကြည်ရဲ့ အမြင်" ကို ဖော်ပြခဲ့သည်။

ဒေါ်အောင်ဆန်းစုကြည်၏ အင်တာဗျူးများကို အခြားသော ဂျာနယ်များတွင်လည်း မကြာမီ ပိုမိုတွေ့လာရဖွယ် ရှိသည်ဟု ရန်ကုန်ရှိ သတင်းစာဆရာများက ပြောသည်။

ပြောင်းလဲလိုက်သည့် စာပေစိစစ်ရေး စည်းကမ်းချက်များတွင် သတင်း၊ မှုခင်း၊ ပညာရေး၊ စီးပွားရေး၊ ဘာသာရေး အမျိုးအစားဝင် ၁၈ဝ ခုကိုမူ ပုံနှိပ်ထုတ်ဝေခြင်း မပြုခင် ကြိုတင်ခွင့်ပြုချက်ရယူရန် သတ်မှတ်ထားသည်။ ယင်းအမျိုးအစားကို “တင်ထုတ်”ဟူ၍ ခေါ်လေ့ရှိကြသည်။

ဒေါ်အောင်ဆန်းစုကြည်ကို ဦးသန့်မြင့်ဦး သွားရောက်တွေ့ဆုံ

မျိုးသိဏ်း
ကြာသပတေးနေ့၊
စက်တင်ဘာလ ၀၈ ရက် ၂၀၁၁ ခုနှစ်


ရန်ကုန် (မဇ္ဈိမ) ။ ။ “ခြေရာပျောက်မြစ်နဒီ (The River of Lost Footsteps)" စာအုပ်ရေးသားသူ သမိုင်းပညာရှင် ဦးသန့်မြင့်ဦးသည် ကြာသပတေးနေ့ နံနက်ပိုင်းက ရန်ကုန်မြို့ အမျိုးသား ဒီမိုကရေစီ ရုံးချုပ်တွင် ဒေါ်အောင်ဆန်းစုကြည်နှင့် သွားရောက် တွေ့ဆုံခဲ့သည်။

အမေရိကန်နိုင်ငံသား ဦးသန့်မြင့်ဦးက အဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည်အား တွေ့ဆုံလို
ကြောင်း ခွင့်တောင်းခဲ့ပြီး နံနက် ၁ဝ နာရီခွဲတွင် စတင်ဆွေးနွေးကြသည်။

"သူက ရန်ကုန်မှာ တခြားအလုပ်တခုနဲ့လာရင်း ဒေါ်အောင်ဆန်းစုကြည်ကို တွေ့ခွင့်တောင်းတာပါ။ အဖွဲ့ချုပ်ရုံးမှာ ဒီနေ့လက်ခံတွေ့ဆုံ ပေးခဲ့ပါတယ်။ တွေ့ဆုံမှုက နာရီဝက်လောက်ကြာပါတယ်။" ဟု ဦးအုန်းကြိုင်က မဇ္ဈိမကို
ပြောသည်။ ဆွေးနွေးမှု အကြောင်းအရာကိုမူ ထုတ်ဖော်ပြောဆိုခြင်း မပြုပါ။

ရန်ကုန် နိုင်ငံရေးအသိုင်းအဝိုင်းမှ ဦးသန့်မြင့်ဦးသည် ရန်ကုန်မြို့ ဗြိတိသျှသံရုံးတွင် ပြုလုပ်မည့် အပြည်ပြည်ဆိုင်ရာ ဖွံ့ဖြိုးရေးဌာန (ဗြိတိန်) (Department for International Development-DFID) အစည်းအဝေးသို့ တက်ရောက်ရန်
မြန်မာနိုင်ငံသို့ ရောက်ရှိနေခြင်း ဖြစ်သည်ဟု ဆိုသည်။

ကုလသမဂ္ဂ အထွေထွေ အတွင်းရေးမှူးချုပ်ဟောင်း ဦးသန့်၏ မြေးဖြစ်သူ ကင်းဘရစ်တက္ကသိုလ်က သမိုင်းဘာသာရပ်
ဖြင့် PhD ဘွဲ့ရ ဦးသန့်မြင့်ဦး၏ အင်္ဂလိပ်ဘာသာဖြင့်ရေးသားသော မြန်မာ့သမိုင်းဆိုင်ရာစာအုပ် ခြေရာပျောက်မြစ်နဒီ "The River of Lost Footsteps" စာအုပ်သည် ထင်ရှားညွှန်းဆိုခံရသည့် စာအုပ်တအုပ်ဖြစ်သည်။

စာအုပ်တွင် မြန်မာနိုင်ငံကို အထီးကျန်ထားခြင်းမဟုတ်ဘဲ ကုန်သွယ်မှုတိုးပြီး စီးပွားရေး ဖွံ့ဖြိုးတိုးတက်အောင် လုပ်ခြင်းအားဖြင့် နိုင်ငံယန္တရားကို စနစ်တကျတည်ဆောက်ကာ၊ အရပ်ဘက်လူမှုအဖွဲ့အစည်းများ ဖွံ့ဖြိုးအောင်လုပ်ကိုင်ရန် ဆိုထားခြင်းကြောင့် ဝေဖန်မှုများလည်း ကြုံရသည့် စာအုပ်ဖြစ်သည်။

ဒီပဲယင်း ထိခိုက်မှု ဒေါ်စု အလှူ

၂၀၀၃ ဒီပဲယင်း အကြမ်းဖက်မှုမှာ အရိုက်ခံ ရလို့ အောက်ပိုင်းသေသွားတဲ့ စစ်ကိုင်းတိုင်း က အန်အယ်လ်ဒီ လူငယ်အတွက် ဒေါ်အောင်ဆန်းစုကြည်က ဘီးတပ် ကုလားထိုင် တလုံး လှူဒါန်းလိုက်ပါတယ်။


မုံရွာ ရေဦးလမ်းခွဲကနေ ၁၂ မိုင် လောက်ဝေးတဲ့ မြောင်မြိုနယ် တွင်းကြီးရွာ က အန်အယ်လ်ဒီ လူငယ် ကိုမြတ်ကိုနိုင် ဟာ ၂၀၀၃ မေလကုန်ပိုင်း က ဒေါ်အောင်ဆန်း စုကြည် ရဲ့ အထက်မြန်မာ ပြည် ခရီးစဉ်မှာ လိုက်ပါရင်း ဒီပဲယင်း တိုက်ခိုက် မှု မှာ အရိုက်နှက် ခံခဲ့ရလို့ အောက်ပိုင်း သေ သွားခဲ့ ပါတယ်။

အိပ်ယာနဲ့ အိမ်ထဲ အိမ်ပြင်လောက်ကို လက်လုပ် ဘီးတပ်ကုလားထိုင်လေးနဲ့ သွားနေရတာကို ဒေါ်အောင်ဆန်းစုကြည်သိရလို့ အင်္ဂါနေ့မှာ ဘီးတပ် ကုလားထိုင် တလုံး ကို မန္တလေး အန်အယ်လ်ဒီကနေ တဆင့် စစ်ကိုင်းတိုင်း အန်အယ်လ်ဒီ အတွင်းရေးမှူးကနေ ကိုမြတ်ကိုနိုင်ကို လှူဒါန်းဖို့ ပေးအပ် လိုက်တာပါ။

ဒီပဲယင်း အကြမ်းဖက်မှုမှာ တုန်းက ကိုမြတ်ကိုနိုင် အပြင်းအထန် အရိုက်ခံရလို့ ခုလို အောက်ပိုင်းသေသွားတဲ့ အဖြစ်အပျက်ကို ဒီခရီးစဉ်မှာ ကိုယ်တိုင်လည်း ပါဝင် ခဲ့တဲ့ မန်တလေး အန်အယ်လ်ဒီ စည်းအဖွဲ့ဝင် ဦးမျိုးနိုင်က ဘီဘီစီ ကို ပြန်ပြောပြပါတယ်။

ကိုမြတ်ကိုနိုင်နဲ့ ၁ ရွာ တည်းသား အားလုံး ၃ ယောက်စလုံး ဒီပဲယင်းဖြစ်စဉ်မှာ အရိုက်ခံ ရတုန်းက ခါးဆစ်ပိုင်းတွေ၊ ခေါင်းတွေနဲ့ နောက်ကျောပိုင်း တွေမှာ တော်တော် များများ ထိခိုက် သွားကြောင်း အဲဒီခရီးစဉ်မှာ ကိုယ်တိုင် ပါဝင်ခဲ့တဲ့ မန္တလေး အန်အယ်လ်ဒီ စည်းအဖွဲ့ဝင် ဦးမျိုးနိုင်က ဘီဘီစီကို ပြောပါတယ်။

ကိုမြတ်ကိုနိုင် ဟာ အဲဒီလို ရိုက်နှက်ခံရတဲ့ ဒီပဲယင်း အဖြစ် ဖြစ် ပြီးခါစက ထနိုင်ပြုနိုင် ပေမယ့် ချက်ချင်း ကုသမှု မလုပ်နိုင်ပဲ ပုန်းရှောင်နေခဲ့ရတာကြောင့် ကုသ ခွင့် ရတဲ့ အချိန် ရောက်တော့ အချိန်လွန် သွားတဲ့အတွက် ရောဂါ မပျောက်တော့ဘဲ အခုတော့ အောက်ပိုင်းလုံးဝ မလှုပ်နိုင် တော့ကြောင်း ဦးမျိုးနိုင်က ပြောပြ ပါတယ်။

၂၀၀၃ ခုနှစ် မေ ၃၀ က ဒေါ်အောင်ဆန်းစုကြည်နဲ့ သူ့ကိုထောက်ခံတဲ့ ထောင်ချီတဲ့ လူအုပ် ကြီးကို ဒီပဲယင်းမြို့နယ် ကျည်ရွာနား အရောက်မှာ အကြမ်းဖက် လူအုပ်က ခြုံခို ရိုက်နှက်ခဲ့ လို့ လူတွေ အသေအပျာက် ရှိခဲ့ပြီး အများအပြား ဒဏ်ရာရ ခဲ့ပါတယ်။

မြန်မာ့ လူ့အခွင့်အရေး ကော်မရှင် ကင်တားနား သတိနဲ့ကြိုဆို

မြန်မာနိုင်ငံမှာ အစိုးရသစ် တက်လာပြီးနောက် ပထမဆုံးအကြိမ်အဖြစ် လူ့အခွင့်အရေး ကော်မရှင်တရပ် ဖွဲ့စည်းလိုက်တဲ့အပေါ် ကုလသမဂ္ဂရဲ့ လူ့အခွင့်အရေး ကိုယ်စားလှယ် အပါအ၀င် နိုင်ငံတကာက ကျွမ်းကျင်သူတွေ သတိနဲ့ ကြိုဆိုလိုက်ကြပါတယ်။ အမျိုးသား လူ့အခွင့်အရေး ကော်မရှင်တရပ် ပေါ်ပေါက်လာပေမဲ့ နိုင်ငံတကာက ပြစ်တင်ဝေဖန်တာတွေ ခံနေရတဲ့ ပြဿနာတွေကို တကယ်တမ်း ကိုင်တွယ် ဖြေရှင်းနိုင်ပါ့မလား ဆိုတဲ့အပေါ်မှာတော့ သံသယတွေလည်း ရှိနေဆဲ ဖြစ်တဲ့အတွက် သတိထား တုံ့ပြန်လိုက်ကြတာပါ။ အပြည့်အစုံကို ဆက်သွယ်စုံစမ်းထားတဲ့ ကိုအောင်လွင်ဦးက တင်ပြပေးထားပါတယ်။

အမျိုးသား လူ့အခွင့်အရေး ကော်မရှင်အဖြစ် အငြိမ်းစား သံအမတ်ကြီး ဦးဝင်းမြ ဦးဆောင်ပြီး အဖွဲ့ဝင် ၁၅ ဦးနဲ့ ဖွဲ့စည်းလိုက်တဲ့အကြောင်း အစိုးရပိုင် သတင်းစာတွေမှာ ဖော်ပြလိုက်ကြတာပါ။ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် တိုမာ့စ် အိုဟေး ကင်တားနား (Tomas Ojae Quintana) ကတော့ မကြာသေးခင်က သူ့ရဲ့ခရီးစဉ် အတွင်းမှာ ကတည်းက ဒီလိုဖွဲ့စည်းမယ့် အစီအစဉ်ကို အာဏာပိုင်တွေက အသိပေးထားတဲ့အကြောင်း ပြောပါတယ်။

ဒီအစီအစဉ်ကို အခုအခါ အကောင်အထည် ဖော်လာတာကို တွေ့ရတဲ့အတွက် သူ့အနေနဲ့ ၀မ်းမြောက်ပေမဲ့ လူ့အခွင့်အရေး ကော်မရှင်က တိုင်းပြည်မှာ ကြုံနေရတဲ့ ပြဿနာတွေကို ဘယ်လောက်အထိ ထိထိရောက်ရောက် ကိုင်တွယ် ဖြေရှင်းနိုင်မလဲ ဆိုတာကိုတော့ စောင့်ကြည့်ရလိမ့်ဦးမယ်လို့ ပြောပါတယ်။

“ဒီဆုံးဖြတ်ချက်ကို ကျနော် ကြိုဆိုပါတယ်။ ဒါပေမဲ့လည်း သတ်မှတ်ချက်တွေ၊ ပြဋ္ဌာန်းချက်တွေကို အရင်လေ့လာသွားဖို့က အရေးကြီးပါတယ်။ ဒုတိယအနေနဲ့ကတော့ အခြေခံ ရပ်တည်ချက်တွေနဲ့အညီ ဖြစ်မဖြစ်ကို စောင့်ကြည့်ရပါလိမ့်မယ်။ အရေးအကြီးဆုံးကတော့ လွတ်လပ်ပြီး၊ ဘက်လိုက်မှု ကင်းဖို့ပါပဲ။”

လူ့အခွင့်အရေး ကော်မရှင်ကိုတော့ သမိုင်းဌာနရဲ့ အငြိမ်းစား ပါမောက္ခ ဦးထွန်းအောင်ချိန်၊ ဥပဒေပညာဌာန ပါမောက္ခ ဒေါက်တာဒေါ်သန်းနွဲ့ စတဲ့ အရပ်သား ပညာရှင်တွေကိုလည်း အဖွဲ့ဝင်တွေအဖြစ် ထည့်သွင်းထားတာ ဖြစ်ပါတယ်။ ဒါပေမဲ့လည်း အများစုကတော့ အငြိမ်းစား သံတမန်တွေ ဖြစ်ကြတာမို့ ကော်မရှင် ဖွဲ့စည်းတဲ့ ရည်ရွယ်ချက်အပေါ် သံသယရှိတဲ့အကြောင်း အာရှ လူ့အခွင့်အရေး ကော်မရှင်က မြန်မာရှေ့နေတဦးဖြစ်တဲ့ ဦးမင်းလွင်ဦးက ပြောပါတယ်။

အထူးသဖြင့်ကတော့ ကုလသမဂ္ဂ လူ့အခွင့်အရေး ကိုယ်စားလှယ် ကင်တာနားက မြန်မာနိုင်ငံမှာ ဖြစ်ပွားနေတဲ့ လူ့အခွင့်အရေး ချိုးဖောက်မှုတွေဟာ စစ်ရာဇ၀တ်မှု မြောက်မမြောက်၊ လူသားမျိုးနွယ်အပေါ် ကျူးလွန်ရာ ရောက်မရောက် စုံစမ်းစစ်ဆေးသွားဖို့ နိုင်ငံတကာ ကော်မရှင်တရပ် ဖွဲ့စည်းရေး အဆိုပြုထားတာတွေကို တုံ့ပြန် ဆောင်ရွက်သွားဖို့ ရည်ရွယ်ပုံရတယ်လို့လည်း ဦးမင်းလွင်ဦးက မြင်ပါတယ်။

“အရင်ဖွဲ့ထားတဲ့ အဖွဲ့ထက်စာရင် လွတ်လပ်တဲ့ အသင်းအဖွဲ့ ဖြစ်တယ်လို့ သာမန်အားဖြင့်တော့ ထင်စရာရှိတယ်။ သို့သော်လည်း ဒီမှာပါတဲ့ လူတွေက ဥက္ကဋ္ဌကနေစပြီး ကျန်တဲ့ အဖွဲ့ဝင် တော်တော်များများက အငြိမ်းစား သံအမတ်တွေ ဖြစ်နေတယ်။ အဲတော့ နိုင်ငံတကာ အသိုင်းအ၀ိုင်းမှာ မဲဆွယ်နိုင်ဖို့အတွက်၊ ၀င်ရောက် ပြောဆိုနိုင်ဖို့အတွက်၊ ကင်တားနားရဲ့ အစီရင်ခံစာ ထွက်လာပြီးတဲ့ နောက်ပိုင်းမှာ နိုင်ငံတကာရဲ့ ဖိအားတွေကို တုံ့ပြန် ပြောဆိုနိုင်ဖို့အတွက် ရည်ရွယ်ပြီးတော့ ဖွဲ့တယ်လို့ပဲ ကျနော်တော့ မြင်တယ်။

“မစ္စတာ ကင်တားနားက စုံစမ်းရေး ကော်မရှင်ဖွဲ့ဖို့ တင်ပြတဲ့အခါမှာ အစိုးရသစ်ကနေပြီးတော့ ဒီ အမျိုးသား လူ့အခွင့်အရေး ကော်မရှင်က တင်ပြတဲ့ အစီရင်ခံစာတွေနဲ့ ခုခံ ချေပသွားမယ်လို့ ကျနော်တို့မြင်တယ်။ နောက်ပြီးတော့ နိုင်ငံတကာမှာရှိတဲ့ အစိုးရတွေကို Campaign လုပ်ဖို့အတွက်ကိုလည်း ဒီ သက်ဆိုင်ရာ သံအမတ်ကြီးဟောင်းတွေကို အသုံးပြုပြီးတော့ Campaign တွေ လုပ်သွားမယ်၊ ပြီးတော့ စုံစမ်းရေး ကော်မရှင် မဖြစ်အောင် သူတို့အနေနဲ့ ဆောင်ရွက်လိမ့်မယ်လို့ ကျနော်ကတော့ ယူဆတယ်။”

ကုလသမဂ္ဂ လူ့အခွင့်အရေး အထူးကိုယ်စားလှယ်ရဲ့ သြဂုတ်လထဲမှာတုန်းက မြန်မာနိုင်ငံ ၅ ရက်ကြာ ခရီးစဉ်မှာတော့ အစိုးရသစ်ရဲ့ နိုင်ငံခြားရေးဝန်ကြီး၊ ကာကွယ်ရေးဝန်ကြီး၊ သမ္မတရဲ့ အကြံပေးပုဂ္ဂိုလ်တွေ အပါအ၀င် တာဝန်ရှိသူတွေ၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် ဒီမိုကရေစီရေး လှုပ်ရှားသူတွေနဲ့ တွေ့ဆုံခဲ့ရုံသာမက ကျင်းပနေဆဲ လွှတ်တော်ကိုပါ အကဲခတ်ခွင့် ရခဲ့တာပါ။ ဒီလို ထိတွေ့ဆက်ဆံရာမှာ အစိုးရတွင်း အပြောင်းအလဲ လုပ်လိုသူတွေ ရှိတယ်လို့ ယူဆရတာမို့ အခု လူ့အခွင့်အရေး ကော်မရှင် ဖွဲ့စည်းမှုဟာ နိုင်ငံတကာ စုံစမ်းရေး ကော်မရှင် ဖွဲ့စည်းဖို့ အဆိုပြုချက် ပျက်ပြားအောင် ရည်ရွယ်လိမ့်မယ်လို့ မထင်တဲ့အကြောင်း အထူးကိုယ်စားလှယ် ကင်တားနားက ပြောပါတယ်။

တက်ကြွ လှုပ်ရှားသူတွေကတော့ လူ့အခွင့်အရေး ကိုယ်စားလှယ်ရဲ့ နိုင်ငံတကာ ကော်မရှင်တရပ် ဖွဲ့စည်းရေး အကြံပြုချက်အပေါ် ထောက်ခံမှုတွေရဖို့ ကြိုးပမ်းနေကြတာပါ။ စုံစမ်းစစ်ဆေးရေး ကော်မရှင်တရပ် ဖွဲ့စည်းသွားနိုင်မယ့် အဆိုတရပ်ကို ဥရောပသမဂ္ဂ (EU) က ဦးဆောင်ပြီး ကုလသမဂ္ဂမှာ တင်သွင်းဖို့ တိုက်တွန်းတဲ့ အနေနဲ့ အင်္ဂါနေ့က ဗြိတိန်နိုင်ငံ လန်ဒန်မြို့မှာ နိုင်ငံတကာ ရှေ့နေအသင်းရဲ့ လူ့အခွင့်အရေး အဖွဲ့နဲ့ Open Societies Foundation တို့ ကမကထလုပ် ဆော်သြခဲ့ကြပါတယ်။

ဆွေးနွေးပွဲမှာ ပါဝင်သူတဦးဖြစ်တဲ့ လူ့အခွင့်အရေး စောင့်ကြည့်လေ့လာရေးအဖွဲ့ (Human Rights Watch) ရဲ့ EU ဆိုင်ရာ ညွှန်ကြားရေးမှူး လော့တီ လိုက်ခ်ျ (Lotte Leicht) ကတော့ မြန်မာအစိုးရ အနေနဲ့ လူ့အခွင့်အရေး အခြေအနေတွေ တိုးတက်ရေးကို တကယ်ပဲ ဆန္ဒရှိတယ်ဆိုရင် ပြည်တွင်းမှာ စုံစမ်းစစ်ဆေးရေးအဖွဲ့ ဖွဲ့စည်းတာမျိုးသာမက ကုလသမဂ္ဂလို နိုင်ငံတကာက စုံစမ်းမှုတွေကိုလည်း လက်ခံဖို့ လိုတယ်လို့ တိုက်တွန်းခဲ့တာပါ။

“မြန်မာအစိုးရအနေနဲ့ အလေးအနက် ထားတယ်ဆိုရင် ကုလသမဂ္ဂရဲ့ စုံစမ်းစစ်ဆေးမှုတွေကို ကြိုဆိုသင့်ပါတယ်။ ဘာကြောင့်လဲဆိုတော့ ဒီလို စုံစမ်းစစ်ဆေးမှုက တိုးတက်မှုတွေအတွက် အထောက်အကူတွေ ခိုင်ခိုင်မာမာ ပေးနိုင်ပါတယ်။ ဒါဟာ ဆန့်ကျင်ဘက် လမ်းကြောင်းတွေလို့ ပြောလို့မရပါဘူး။ ဒါပေမဲ့လည်း လူ့အခွင့်အရေး ချိုးဖောက်မှုတွေကို ရပ်တန့်ဖို့အတွက် စုံစမ်းအရေးယူရာမှာ အစိုးရက ဘယ်လောက် အလေးအနက် ထားတယ်ဆိုတာ စမ်းသပ်ချက် တခုတော့ ဖြစ်ပါလိမ့်မယ်။”

ကုလသမဂ္ဂရဲ့ လူ့အခွင့်အရေး အထူးကိုယ်စားလှယ် ကင်တားနား သြဂုတ်လခရီးစဉ် အဆုံးသတ်ချိန်မှာတော့ မြန်မာနိုင်ငံတွင်းမှာ ဖြစ်ပွားနေတဲ့ လူ့အခွင့်အရေး ချိုးဖောက်မှု ပြဿနာတွေကို အစိုးရက အလေးအနက်ထား ဖြေရှင်းဖို့ လိုအပ်နေဆဲ ဖြစ်တဲ့အကြောင်း ပြောဆိုခဲ့တာပါ။ မတ်လကုန်မှာ တက်လာတဲ့ အစိုးရသစ် အနေနဲ့ ခြေလှမ်းသစ်တွေ လှမ်းလာတာတွေ ရှိတဲ့အတွက် အားရပေမဲ့ လူ့အခွင့်အရေး အခြေအနေတွေ တိုးတက်အောင် လုပ်ဆောင်ဖို့ ကိစ္စတွေမှာတော့ သိသိသာသာ မတွေ့ရသေးဘူးလို့ သတင်းစာ ရှင်းလင်းပွဲအတွင်း မှတ်ချက်ပေး ပြောဆိုခဲ့တာလည်း ဖြစ်ပါတယ်။

ငြိမ်းချမ်းရေး ကော်မတီတွင် ဒေါ်စုပါမည်ကို ကြံ့ခိုင်ရေးအမတ် မလိုလား

မျိုးသန့်
အင်္ဂါနေ့၊ စက်တင်ဘာလ ၀၆ ရက် ၂၀၁၁ ခုနှစ်


ချင်းမိုင် (မဇ္ဈိမ) ။ ။ မြန်မာနိုင်ငံ ငြိမ်းချမ်းရေးနှင့် တည်ငြိမ်ရေး ကော်မတီတွင် ဒေါ်အောင်ဆန်းစုကြည်ကို
ကော်မတီဝင် အဖြစ် ထည့်သွင်းရန် အကြံပြုမှုကို ဗိုလ်မှူးကြီးဟောင်း ကြံ့ခိုင်ဖွံ့ဖြိုးရေး အမတ် ဦးလှဆွေမှ
လိုလားမှု မရှိဟု အင်္ဂါနေ့ အထက်လွှတ်တော် ဆွေးနွေးမှုတွင် ထည့်သွင်း ပြောကြားသွားကြောင်း လွတ်တော် အမတ်များက ပြောသည်။

မကွေးတိုင်း မဲဆန္ဒနယ် အမှတ် (၁၂) မှ အမျိုးသား လွှတ်တော် အမတ် ဦးလှဆွေက Myanmar ကို Burma ဟု ခေါ်ဆိုသူ ငြိမ်းချမ်းရေး ကော်မတီတွင် ပါဝင်ပါက မိမိအနေနှင့် သံသယ ဖြစ်မိကြောင်း လွှတ်တော် ဆွေးနွေးပွဲ တွင် ပြောသွားသည်ဟု ဆိုသည်။ ဦးလှဆွေက အမည်တပ် ပြောဆိုသွားခြင်း မရှိသော်လည်း အတိုက်အခံ
ခေါင်းဆောင် ဒေါ်အောင်ဆန်းစုကြည်ကို ရည်ညွှန်းခြင်း ဖြစ်သည်ဟု အမတ်အားလုံးက ယုံကြည် ကြသည်။

ငြိမ်းချမ်းရေးနှင့် တည်ငြိမ်ရေး ကော်မတီတွင် ဒေါ်အောင်ဆန်းစုကြည်ကို ဗိုလ်မှူးကြီးဟောင်း ကြံ့ခိုင်ဖွံ့ဖြိုးရေး အမတ် ဦးလှဆွေက လိုလားမှု မရှိဟု လွတ်တော်တွင် ဆွေးနွေး (ဓါတ်ပုံ မဇ္ဈိမ)

လွန်ခဲ့သည့် သြဂုတ်လ ၃၁ရက်နေ့က ကချင်ပြည်နယ် မဲဆန္ဒနယ် အမှတ် ၉မှ ကြံ့ဖွံ့အမတ် ဦးထွန်းလွင်က “မြန်မာနိုင်ငံ အတွင်း ထာဝရငြိမ်းချမ်းပြီး တည်ငြိမ်အေးချမ်းမှု တည်ဆောက် ထိန်းသိမ်းရေး အတွက် အမြဲတမ်း
ကော်မတီ ဖွဲ့စည်းရေး” အဆိုကို အထက်လွှတ်တော်တွင် တင်သွင်းခဲ့ရာ ယင်းအဆိုကို ရခိုင်တိုင်းရင်းသားများ တိုးတက်ရေးပါတီ ရခိုင်ပြည်နယ် မဲဆန္ဒနယ် ၃ ဒေါက်တာ အေးမောင်က ဖြည့်စွက် ဆွေးနွေးရာ ကော်မတီတွင်
ဒေါ်အောင်ဆန်းစုကြည်ကို ထည့်သွင်းသင့်ကြောင်း ဆွေးနွေးခဲ့သည်။

Burma ဟူသည့် အသုံးအနှုန်းကို ၁၉၈၉ ခုနှစ်တွင် Myanmar ဟု အာဏာသိမ်း စစ်အစိုးရက ပြောင်းလဲ
ခေါ်ဝေါ်ခဲ့သည်။ ယင်းသို့ ပြောင်းလဲ ခေါ်ဝေါ်စေမှုသည် ပြည်သူလူထု၏ ဆန္ဒ မပါခြင်းကြောင့် မိမိအနေဖြင့်
Burma ဟုသာ ခေါ်ဆိုမည် ဖြစ်ကြောင်း လွတ်လပ်သည့် အာရှအသံ(မြန်မာပိုင်း) ၏ ယခုနှစ် မေလအတွင်းက ထုတ်လွှင့်ချက်တွင် ဒေါ်အောင်ဆန်းစုကြည်က ပြောဆိုဖူးသည်။

ဦးလှဆွေက တိုင်းရင်းသား လက်နက်ကိုင် တပ်များနှင့် ပတ်သက်ပြီး ပြောကြားရာတွင်လည်း ငြိမ်းချမ်းရေး
ဆွေးနွေးမှုများ မအောင်မြင်ရခြင်းမှာ အစိုးရမှ “အခွင့်ထူး” များ မပေးနိုင်ခြင်းကြောင့် ဖြစ်ကြောင်း ပြောသွားခဲ့
သည်ဟု ဆိုသည်။

ယင်းအပြင် လက်နက်ကိုင် တိုင်းရင်းသား တပ်ဖွဲ့များကိုလည်း နောက်ကွယ်တွင် ပံ့ပိုးပေးသူများ ရှိနေကြောင်း
လည်း စွပ်စွဲပြောဆိုသွားသည်ဟု အမျိုးသား လွှတ်တော် အမတ်တဦးက မဇ္ဈိမကို ပြန်လည် ပြောပြခဲ့သည်။

နိုင်ငံရေးအကျဉ်းသား လွှတ်ပေးရေး အိန္ဒိယအမတ်များ တောင်းဆို

ဇာနည်မာန် Tuesday, 06 September 2011

မြန်မာနိုင်ငံ အကျဉ်းထောင် အသီးသီးရှိ နိုင်ငံရေးအကျဉ်းသား နှစ်ထောင်ကျော်ကို ချွင်းချက်မရှိ ချက်ခြင်းလွှတ်ပေးရေး မြန်မာ့ ဒီမိုကရေစီရေး ဆိုင်ရာ အိန္ဒိယလွှတ်တော် အမတ်များ အဖွဲ့က သမ္မတ ဦးသိန်းစိန်ထံ လက်မှတ်ရေးထိုး တောင်းဆိုလိုက်သည်။

ဒေါ်အောင်ဆန်းစုကြည်ကို နေအိမ်အကျယ်ချုပ်မှ လွှတ်ပေးခြင်းကို လွှတ်တော်အမတ်များအဖွဲ့က ကြိုဆိုသော်လည်း အစိုးရသစ်အနေဖြင့် ဒီမိုကရေစီစနစ် ဖြစ်ထွန်းရေး၊ လူ့အခွင့်အရေးနှင့် တရားဥပဒေ စိုးမိုးရေးများအတွက် အမှန်တကယ် အလေးထားသည်ဆိုပါက နိုင်ငံရေးအကျဉ်းသား နှစ်ထောင်ကျော်ကိုလည်း မဖြစ်မနေ လွှတ်ပေးသင့်သည်ဟု ဆိုသည်။

“အိန္ဒိယ လွှတ်တော်အမတ်များအနေနှင့် မြန်မာနိုင်ငံတွင်း စစ်မှန်သော ဒီမိုကရေစီစနစ် ပေါ်ပေါက်ရန် မျှော်လင့်ကြောင်း၊ အစိုးရသစ်အနေဖြင့် အမျိုးသားပြန်လည်ရင်ကြားစေ့ရေးနှင့် ငြိမ်းချမ်းရေးကို လုပ်ဆောင်ရန် လိုအပ်ကြောင်း၊ နိုင်ငံရေးအကျဉ်းသားများကို ပြန်လွှတ်ပေးခြင်းဖြင့် မြန်မာ့နိုင်ငံရေးတွင် လိုအပ်နေသော အမျိုးသားပြန်လည်သင့်မြတ်ရေးအတွက် ခြေလှမ်းစခြင်းဖြစ်ကြောင်း” ဟု အဖွဲ့၏ ထုတ်ပြန်ချက်တွင် ဖော်ပြထားသည်။

မြန်မာ့အရေး စိတ်ဝင်စား အားပေးသူ အိန္ဒိယလွှတ်တော်အမတ် ၁၀၀ ကျော်ပါဝင်သည့် အဆိုပါအဖွဲ့၏ တောင်းဆိုချက်ကို သမ္မတ ဦးသိန်းစိန်ထံ ပေးပို့သည်ဟု သိရသည်။

မြန်မာနိုင်ငံ ဒေသအသီးသီးရှိ အကျဉ်းထောင်များတွင် ကိုမင်းကိုနိုင်၊ ကိုကိုကြီး၊ အရှင်ဂမ္ဘီရစသည့် နိုင်ငံရေး အကျဉ်းသားပေါင်း နှစ်ထောင်ကျော် ရှိနေဆဲဖြစ်ကြောင်း နိုင်ငံရေးအကျဉ်းသားများကူညီစောင့်ရှောက်ရေးအဖွဲ့ (AAPP) ၏ စာရင်းများတွင် ဖော်ပြထားသည်။

မြန်မာနိုင်ငံတွင်း ဒီမိုကရေစီဖြစ်ထွန်းရေးနှင့် ပတ်သက်သည့် ကိစ္စများတွင် အိန္ဒိယအစိုးရက နှုတ်ဆိတ်နေပြီး ယခင် မြန်မာစစ်အစိုးရနှင့် ရင်းနှီးစွာ ဆက်ဆံနေမှုများအပေါ် နိုင်ငံတကာမှ ဝေဖန်မှုများ ရှိသည်။

အမေရိကန်သမ္မတ အိုဘားမားက အိန္ဒိယအနေဖြင့် မြန်မာအစိုးရကို ဒီမိုကရေစီရေးနှင့် လူ့အခွင့်အရေး ကိစ္စရပ်များအတွက် စည်းရုံးပြောဆိုသင့်သည်ဟု တိုက်တွန်းခဲ့ဖူးသည်။

အိန္ဒိယအစိုးရအနေဖြင့် မြန်မာအစိုးရနှင့် ဆက်ဆံနေခြင်းမှာ နှစ်နိုင်ငံနယ်စပ်ဒေသရှိ အိန္ဒိယခွဲထွက်ရေး သူပုန်များအရေး ပူးပေါင်းဆောင်ရွက်ရန် တခုတည်းသာရှိကြောင်း၊ သဘာဝဓာတ်ငွေ့ကဲ့သို့သော စီးပွားရေးကိစ္စရပ်များတွင် အိန္ဒိယမှ ရယူနိုင်ခြင်း မရှိကြောင်း၊ မြန်မာအစိုးရအနေဖြင့် တရုတ်နိုင်ငံကို မုန်းတီး၍ တရုတ်အစိုးရနှင့် မပူးပေါင်းလိုဟု ဆိုနေသော်လည်း အိန္ဒိယထက် တရုတ်ကိုသာ ပိုမိုယုံကြည်စိတ်ချနေကြောင်း အိန္ဒိယနိုင်ငံခြားရေးဝန်ကြီးဌာန ဒုတိယ အတွင်းဝန် မိုဟန်ကူးမား၏ ပြောဆိုချက်များ ၂၀၁၀ ဒီဇင်ဘာလအတွင်းက ၀ီကီလိခ်စ်မှ ပေါက်ကြားခဲ့သေးသည်။

ပြီးခဲ့သည့် ဇွန်လအတွင်းက အိန္ဒိယ နိုင်ငံခြားရေးဝန်ကြီး မစ္စတာ အက်စ် အမ် ခရစ်ရှနား၏ မြန်မာပြည်ခရီးစဉ်အတွင်း အတွင်းဝန်တဦးက ဒေါ်အောင်ဆန်းစုကြည်အား သွားရောက်တွေ့ဆုံခဲ့သည်။

အမျိုးသမီးနှင့် မြန်မာနိုင်ငံ၏ မျှော်လင့်ချက်ကို ပိုင်းခြားစိတ်ဖြာကြည့်ခြင်း

ဂျိုးဆက်ဖ် ဘော | အင်္ဂါနေ့၊ စက်တင်ဘာလ ၀၆ ရက် ၂၀၁၁ ခုနှစ်

ကြာသပတေးနေ့၊ သြဂုတ်လ ၂၅ ရက်၊ ၂ဝ၁၁ ခုနှစ်။
စာအုပ်အမည် ။ ဒေါ်အောင်ဆန်းစုကြည်နှင့် မြန်မာပြည် ဒီမိုကရေစီရေး လှုပ်ရှားမှု
Aung San Suu Kyi and Burma's Struggle for Democracy



စာရေးသူ ။ ဘောတေးလ် လင့်တနာ (Bertil Lintner)
ထုတ်ဝေသူ ။ Silkworm Books, အောက်တိုဘာလ၊ ၂ဝ၁၁ ခုနှစ်။

၂ဝ၁ဝ ခုနှစ်၊ နိုဝင်ဘာလ ၁၃ ရက် ညနေ ၅ နာရီထိုးပြီး မကြာမီနောက်ပိုင်းတွင် ဒေါ်အောင်ဆန်းစုကြည်၏ အိမ်ခြံဝင်း တံခါးပေါက်အနီးတွင် လှုပ်ရှားမှုများ ချက်ချင်းဆိုသလို ဆက်တိုက် ဖြစ်ပေါ်လာခဲ့သည်။ ရှပ်အင်္ကျီဖြူ နှင့် အရောင်ရင့်ရင့် လုံချည်များ ဝတ်ဆင်ထားကြသည့် လူအချို့က သူ့အိမ်ခြံဝင်းမှ ခပ်သုတ်သုတ် ထွက်သွား သည်ကို မြင်လိုက်ကြရသည်။

နေလုံးက သစ်ပင်ကြီးများ၏ အကိုင်းများအတွင်း၊ တက္ကသိုလ်ရိပ်သာလမ်းရှိ အိမ်ခြံများကြားသို့ နိမ့်ဆင်းသွားချိန် တွင် အစိုးရပိုင် သတင်းမီဒီယာက နိုင်ငံရေးအကျဉ်းသားများအနက် နာမည် အကျော်ကြားဆုံး ဖြစ်နိုင်သည့် ဒေါ်အောင်ဆန်းစုကြည်ကို လွှတ်ပေးလိုက်ပြီဖြစ်ကြောင်း ကြေညာခဲ့သည်။ ထို့နောက် လူအများက ကျွမ်းဝင် ပြီးသား ဖြစ်နေသည့်၊ ဒေါ်အောင်ဆန်းစုကြည်ကို ကိုယ်တိုင်ကိုယ်ကျ မြင်တွေ့ကြရတော့သည်။

ညနေ ၅ နာရီ ၂၂ မိနစ်တွင် ခြံဝင်းရှေ့ထွက်လာ၍ အဝါရောင် ခြံတံခါးပေါ်မှနေ၍ နှုတ်ဆက်သည်။ အနီရောင် အင်္ကျီကို ဝတ်ဆင်ထားပြီး မျက်နှာက ရွှင်ပြနေသည်။ ပရိသတ်အများအပြားလည်း ခြံရှေ့ရောက်လာခဲ့သည်။

သူ့ကို လူအများက ပန်းစည်းများပေး၍ နှုတ်ဆက်ကြသည်။ သူကတော့ ပန်းတပွင့်ကို ညာဖက်နားနောက်နား တွင် ထင်ထင်ရှားရှား ပန်ထားသည်ကို မြင်ရသည်။ ကမ္ဘာတလွှားရှိ လူသန်းပေါင်းများစွာက လေးစား တန်ဖိုးထား နေရသည့် ပုံရိပ်လွှာ ဒေါ်အောင်ဆန်းစုကြည်ပင် ဖြစ်တော့သည်။

မကြာသေးခင် ကာလများက စာရေးသူ၏ မြန်မာပြည်ခရီးစဉ်တွင် ဒေါ်အောင်ဆန်းစုကြည် သူ့အိမ်ခြံဝင်း အတွင်း၌သာ ချုပ်နှောင်ခံထားရဆဲရှိသည်။ သူ့ကို အမာခံ ထောက်ခံနေကြသူများက အကယ်၍ ဒေါ်အောင်ဆန်းစုကြည်သာ ပြန်လည် လွတ်မြောက်လာပါက မြန်မာပြည်၏ ပြဿနာများ အားလုံး အချိန်တိုအတွင်း ပြေလည်သွားလိမ့်မည်ဟု အကြိမ်ကြိမ် ပြောဆိုခဲ့ကြသည်ကို ကြားရဖူးသည်။

သူကသာ မည်သို့ဆောင်ရွက်ရမည်ကို သိသူဖြစ်သည်။ နိုဝင်ဘာလ၏ ထိုတညနေနှင့် ယင်းရက်နောက်ပိုင်း အမျိုးသား ဒီမိုကရေစီရုံး ပတ်ဝန်းကျင်တွင် လူအများက မျှော်လင့် တက်ကြွနေကြသည်။ ရန်ကုန်မြို့၏ လေထုတွင်လည်းမျှော်လင့်ချက်တို့ဖြင့် ပြန်လည်ရှင်သန် လာခဲ့သည်။

သို့သော်လည်း ဒေါ်စုပြန်လည် လွတ်မြောက်လာသည့်အပေါ် အခြားတုံ့ပြန်မှုများလည်း ရှိနေသည်။ ဒေါ်စု ပြန်လည် လွတ်မြောက်လာမှုအပေါ် ပြည်သူလူထုက အထူးတလည် စိတ်ဝင်စားကြမည်မှာ မေးခွန်းထုတ်စရာ မလိုပေ။

မြန်မာနိုင်ငံအရေးနှင့် ဒီမိုကရေစီရရှိရေးအတွက် ဒေါ်အောင်ဆန်းစုကြည်က ဆယ်စုနှစ် ၂ ခုကျော်ကြာမျှ ကြိုးပမ်းဆောင်ရွက်ခဲ့ပြီး ဖြစ်သည်။ ဤသို့ သတ္တိဖြင့် စွမ်းစွမ်းတမန် ကြိုးပမ်းဆောင်ရွက်ခဲ့သော်လည်း ဒေါ်စုနှင့် သူ့ကို ထောက်ခံလှုပ်ရှားနေကြသူများက မြန်မာပြည်သူများအတွက် တန်ဖိုးထိုက်တန်သည့်အောင်ပွဲ အနည်းငယ်မျှကိုသာ ပေးစွမ်းနိုင်ခဲ့ကြသည်။

ဒေါ်စုရှိနေသည့် ဝန်းကျင်တွင် လူအများ၏ မျှော်လင့်စိတ်အားထက်သန်မှုများ ရှိနေသော်လည်း၊ အမှန်တကယ် တက်ကြွလှုပ်ရှားလာရမည့် လူထုကြီးက သူတို့ဈေးဆိုင်များကိုသာ အာရုံထားနေကြသည်။ လက်ဖက်ရည်ဆိုင်
များတွင် စုဝေးဆဲ၊ သူတို့၏နိစ္စဒူဝ လုပ်ငန်းများဖြင့် လည်ပတ်နေကြဆဲ ဖြစ်သည်။ ယခုလို လွတ်မြောက်လာမှု
အပေါ် သူတို့၏ တုံ့ပြန်မှုက အများအားဖြင့် ခြုံ၍ကြည့်လျှင် တသမတ်တည်း ဖြစ်သည်။ သူတို့က လက်ငင်းဘဝတွင်း တွင် တစုံတရာတိုးတက်မှုကို ပထမဦးဆုံး မြင်တွေ့လိုနေကြသည်။

နာမည်ကျော် မြန်မာပြည်အရေးကျွမ်းကျင်သူ စာရေးဆရာ ဘာတေးလ် လင့်တနာ (Bertil Lintner) ၏ နောက်ဆုံး ကြိုးပမ်းမှု စာအုပ်အဖြစ် "ဒေါ်အောင်ဆန်းစုကြည်နှင့် မြန်မာပြည် ဒီမိုကရေစီရေး လှုပ်ရှားမှု" (Aung Sun Suu Kyi and Burma’s Struggle for Democracy ) ထွက်ရှိလာခဲ့သည်။ ယင်းစာအုပ်မှာ မြန်မာနိုင်ငံ တိုးတက်ပြောင်းလဲရေး အတွက် ကြိုးပမ်းဆောင်ရွက်နေသည့် ဆက်လက် လှုပ်ရှား ဆောင်ရွက်နေသည့် မြန်မာပြည်၏ ထိပ်တန်း အတိုက်အခံခေါင်းဆောင်၏ ကိုယ်ရေး သဘောသဘာဝကို သေချာ ချင့်ချင့်ချိန်ချိန် ပိုင်းခြားဝေဖန် ပြထားသည်။

သူ၏အားနည်းချက်များကိုလည်း မီးမောင်းထိုးပြထားသလို၊ အားကောင်းချက်များကိုလည်း အချိန်အပိုင်းအခြား
အလိုက် တင်ပြထားသည်။ ယခုတင်ပြချက်များ အားလုံးကတော့ အသစ်အဆန်း မဟုတ်ပါ။ ဥပမာအားဖြင့်
ဒေါ်အောင်ဆန်းစုကြည် ကိုယ်၌ကပင်လျှင် သူ၏ ခေါင်းမာတတ်မှု အားနည်းချက်ကို နှစ်ဘက်ဓားသွား သဖွယ်
ဖြစ်ရကြောင်း မှတ်ချက်ပြု ဖော်ပြပြောဆိုခဲ့ပြီးဖြစ်သည်။ သို့သော်လည်း ယခုစာအုပ်ကတော့ ပို၍ အတွင်းကျကျ
နှိုက်ထားသည်။ မြန်မာနိုင်ငံ၏ နိုင်ငံရေး ပြဿနာများအတွက် ထည့်သွင်းစဉ်းစားရန် လိုအပ်နေသည့် အဖြေခက်
သော မေးခွန်းများကိုလည်း မေးမြန်းတင်ပြထားခဲ့သည်။

ထိုအမျိုးသမီး၏ အားသာချက်၊ အားနည်းချက်များကို ချိန်ဆ ယှဉ်ပြထားရာ၌ ဘာတေးလ် လင့်တနာက အထူး သတိထား ချိန်ဆ ရေးသားထားပါသည်။ အကြောင်းမှာ အချို့သော စာဖတ်သူများက ယင်းရေးသားထားချက် များကို အကြောင်းပြု၍ ရယ်ပွဲ ဖွဲ့နိုင်သောကြောင့် ဖြစ်သည်။ ဒေါ်အောင်ဆန်းစုကြည် ဖြတ်သန်းခဲ့သည့် ပြီးခဲ့သည့်နှစ်များကို ချီးမွမ်းရေးသားထား ခဲ့ရာ၌လည်း၊ စိတ်ခံစား လှုပ်ရှားဖွယ် ဖြစ်နေသေးသည့်၊ အက်ကြောင်း ထင်နေသေးသည့်၊ အကဲဆတ်ထိရှလွယ် ဖြစ်နေ သေးသည့် မြန်မာ့နိုင်ငံရေးဇာတ်ခုံမှ လူအများက မည်သို့ တုံ့ပြန်ကြမည်ကို မှန်းဆကြည့်နိုင်သည်။

၁၉၈၈ ခုနှစ်မှနေ၍ မြန်မာ့နိုင်ငံရေးသမိုင်းကြောင်းကို ပြန်လည်ရေးသားရာ၌ ဘာတေးလ် လင့်တနာက "လူတွေက ဘယ်လိုပဲ ယုံမှတ်မှားချက် တွေ ရှိနေနေ၊ ဒေါ်စုနဲ့ နဝတ (စစ်အစိုးရ၏ ယခင်အမည်)အကြား အားပြိုင်ပွဲက လူအများစု၏ စိတ်ထဲတွင် မင်းသမီးနဲ့ လူ့ဘီလူးကြီးလိုမျိုး မြင်တတ်ကြတယ်။ အင်မတန် သတ္တိပြောင်မြောက်တဲ့ အမျိုးသမီးတဦးက ကမ္ဘာပေါ်မှာ အရက်စက် အကြမ်းကြုတ်ဆုံး အာဏာရှင်ကို အံတုနေတာမျိုး မြင်ကြတယ်။ ဒါပေမယ့် မြန်မာပြည်မှာ ၁၉၈၈ ခုနှစ် လူထုအုံကြွမှုကြီး နောက်ပိုင်းဖြစ်နေတဲ့ အခြေအနေတွေက ဒီလောက် မရိုးစင်းပါဘူး" ဟု ပြောသည်။

ထို့အပြင် ၁၉၈၈ မတိုင်မီကာလမှနေ၍ လက်ရှိတိုင် ကြုံတွေ့နေရသည့် မြန်မာပြည်၏ ပြဿနာများအနက် အရေးအကြီးဆုံး ရင်ဆိုင်နေရသည့် ပြဿနာမှာ မူးယစ်ဆေးဝါးကိစ္စနှင့် တိုင်းရင်းသား လူမျိုးစုပြဿနာတို့က အထူးခေါင်းခဲဖွယ်ဖြစ်ကြောင်း ဘာတေးလ် လင့်တနာက ကောက်ချက်ချသည်။ ဒုတိယအကြိမ် ပင်လုံညီလာခံ
ခေါ်ယူမည်ဟု ဒေါ်အောင်ဆန်းစုကြည် ပြောဆိုနေသည့်ကိစ္စများက မကြာသေးမီလများအတွင်း မှေးမှိန်လာခဲ့
သည်ဟု ဘာတေးလ် လင့်တနာက သတိထား၍ မှတ်ချက်ပေးသည်။

ပင်လုံသည် ဗဟိုအစိုးရနှင့် တိုင်းရင်းသားလူမျိုးများအကြား နိုင်ငံရေး ကွာဟချက်များကို ပေါင်းကူး ပေးနိုင်ရန်နှင့် လွတ်လပ်ရေးကို ရည်မှန်း၍ ၁၉၄၇ ခုနှစ်၌ ဆောင်ရွက်ခဲ့သည့် ညီလာခံဖြစ်ပြီး၊ အထမမြောက် မအောင်မြင် ဖြစ်ခဲ့ရ သည့် ညီလာခံကို ပြန်၍ရည်ညွှန်း ပြောဆိုနေခြင်းဖြစ်သည်။

သူရေးသားခဲ့ရာ၌ "ပြန်ပြောင်းကြည့်မည် ဆိုပါက၊ မြန်မာနိုင်ငံ၏ ညီညွတ်ရေးနှင့် လွတ်လပ်ရေးအတွက် ပြဿနာများ၏ အဖြေကို အမြန်ဆုံးရယူနိုင်ရန်၊ ဖြစ်နိုင်သမျှသော အကျယ်ပြန့်ဆုံး ထောက်ခံအားပေးမှုကို စုစည်းရန်အတွက်တောင်တန်းဒေသနေ ပြည်သူများအတွက် ဤသို့ကတိကဝတ်များနှင့် သဘောတူညီချက်များ ပေးခဲ့သည်ဟု ယူဆလျှင် ကျိုးကြောင်း ဆီလျော်ရှိပါသည်။"

လက်ငင်းကာလကို ပြန်၍သုံးသပ်ရာ၌ ဘာတေးလ် လင့်တနာက ဒေါ်အောင်ဆန်းစုကြည်၏ ရေးသားချက်များကို ကိုးကား၍ မေးခွန်းထားထုတ်ထားသည်။ အနာဂတ်အတွက် မျှော်မြင်ချက်၊ တပြည်ထောင်စနစ်စသည့် မည်သည့် ရည်မှန်းချက်များပင် ဖြစ်စေ၊ တိုင်းရင်းသား လူမှု အသိုက်အဝန်းများအကြား တည်ရှိနေသည့် သူတို့၏ လက္ခဏာကို အပြည့်အဝ လေးစားလက်ခံ အလေးထားနိုင်ပါမည်လောဟု မေးခွန်းထုတ်ခဲ့သည်။

ဒေါ်အောင်ဆန်းစုကြည်၏ နိုင်ငံရေးအရ ဖြစ်ပေါ်ပြောင်းလဲလာမှုများကို သူက နောက်ကြောင်းခံ စုစည်းဖော်ပြထားရာ၌၊ ဂူစတပ်ဖ် ဟော့တမင်း (Gustaaf Houtman) ရေးသားသည့် "မြန်မာ့နိုင်ငံရေး အကျပ်အတည်းအတွင်းမှ စိတ်ပိုင်းဆိုင်ရာ ယဉ်ကျေးမှု။ ဒေါ်အောင်ဆန်းစုကြည်နှင့် အမျိုးသားဒီမိုကရေစီ အဖွဲ့ချုပ်အကြောင်း" (Mental Culture in Burmese Crisis Politics; Aung San Suu Kyi and the National League for Democracy) စာအုပ်မှ အများဆုံး ကောက်နှုတ် ရယူထားသည်။

ဟော့တမင်း၏ သုတေသနကို အခြေခံ၍ ဘာတေးလ် လင့်တနာက ကောက်ချက်ချ သုံးသပ်ရာ၌ "ဒေါ်အောင်ဆန်းစုကြည်၏ အားသာချက်မှာ သူ့အနီးတွင် လူများကို စုစည်း စည်းရုံးနိုင်ခြင်း ဖြစ်ပြီး၊ သူပေးလိုသည့် သတင်းစကားကို နားထောင်စေနိုင်ခြင်း ဖြစ်သည်။ သူ့၏ အားနည်းချက်မှာမူ 'စိတ်ပိုင်းဆိုင်ရာ တော်လှန်ရေး' တရပ်ကို တောင်းဆိုခဲ့ခြင်း ဖြစ်သည်။ ဤသို့စိတ်ပိုင်းဆိုင်ရာ တော်လှန်ရေးဟူသည်မှာ ရှေးရိုးစွဲဆန်လှသည့် ဝါဒ၊ သိပ်ပြီး သဘောတရားရေး ဆန်လှသည့်ကိစ္စ ဖြစ်နေသည်" ဟု ဆိုထားသည်။ သို့အတွက်ကြောင့် လိုအပ်နေသည်မှာ စကားလုံးများမှသည် အမှန်တကယ် လိုအပ်နေသည့် အသွင် ကူးပြောင်းရေး ဖြစ်စေရန်၊ လက်တွေ့ကျသည့် နိုင်ငံရေး အစီအစဉ်များ ချမှတ်ရေးအတွက် တောင်းဆိုရန်သာ ဖြစ်သည်ဟု သူကဆိုသည်။

ဘာတေးလ် လင့်တနာက စိတ်ဝင်စားဖွယ် မှန်းဆချက်တခုကိုလည်း တင်ပြထားသေးသည်။ ဆက်၍ လေ့လာ စူးစမ်းမည် ဆိုလျှင်ဖြင့် သင့်မည့်ကိစ္စလည်း ဖြစ်သည်။ ဒေါ်အောင်ဆန်းစုကြည်နှင့် သူ၏ခင်ပွန်း မိုက်ကယ်အဲရစ်
တို့ ဘူတန်နိုင်ငံတွင် နေထိုင်စဉ် ၁၉၇ဝ ခုနှစ်များကာလက ဘူတန်ဘုရင်နှင့် ဘုရင့်တော်ဝင် မိသားစုများနှင့်ပါ ရင်းနှီးကျွမ်းဝင်ခဲ့ကြသည်။ သို့အတွက်ကြောင့်ပင် ဒေါ်အောင်ဆန်းစုကြည်၏ စဉ်းစားချက်က စီးပွားရေးဖွံ့ဖြိုး
တိုးတက်မှု ထက်စာလျှင် စိတ်ပိုင်းဆိုင်ရာ ဖွံ့ဖြိုးမှုကို ပို၍ တန်ဖိုးထားလေသလောဟု ဘာတေးလ် လင့်တနာက
မေးခွန်းထုတ်ထားခဲ့သည်။

နိုင်ငံရေးအရ အရေးပါသည့် ဖြစ်ရပ်တခုအဖြစ် ဘူတန်နိုင်ငံ၏ ထူးခြားသည့် စီးပွားရေး တိုင်းတာမှု ညွှန်းကိန်း တခုဖြစ်သော၊ ဂျီဒီပီ (စုစုပေါင်း အမျိုးသား ထုတ်ကုန်တန်ဖိုး) အစား၊ "အမျိုးသား ပျော်ရွှင်မှု အသားတင်တန်ဖိုး" (Gross National Happiness) အဖြစ် တိုင်းတာခဲ့သည်ကို ဘာတေးလ် လင့်တနာက ညွှန်း၍ ဖော်ပြထားခဲ့သည်။

ဘာတေးလ် လင့်တနာက ဖော်ပြရေးသားခဲ့သည့် ဒေါ်အောင်ဆန်းစုကြည် သို့မဟုတ် ယေဘုယျ နိုင်ငံတခုလုံး အနေဖြင့် ဆက်လက်ကျော်လွှား ကိုင်တွယ်ကြရမည်ဖြစ်သော အခြားအခက်အခဲများမှာ ယခုစာအုပ် ဝေဖန်ချက်
ဆောင်းပါးရေးသားသူ မကြာသေးမီက မြန်မာပြည် ခရီးစဉ်တွင်တွေ့ရှိ မှတ်တမ်းတင်ခဲ့သည့်ကိစ္စ အများအပြားနှင့် ထပ်တူကျပါသည်။ ဒေါ်စု၏ အမျိုးသားဒီမိုကရေစီ အဖွဲ့ချုပ်နှင့် သူ့ကို ဝိုင်းရံနေကြသူအများတွင် လုပ်ငန်းများကို ကူညီရန်နှင့် အကြံဉာဏ် ပေးနိုင်ရန် အရည်အချင်းပြည့်ဝသူများ မရှိသလောက် နည်းပါးနေသည်ကို တွေ့ရသည်။

ဤကိစ္စနှင့်အတူ အချိန် အများစုတွင် ဥပဒေကြောင်း ကိစ္စများ အပေါ်သာ တင်းတင်းကျပ်ကျပ် အားထားလွန်း
နေသည်၊ ဤရပ်တည်ချက် အပေါ်၌သာ ကစားနေသည်ဟုလည်း ဖော်ပြထားသည်။ မြန်မာနိုင်ငံ အတွက်မူ
မြင်ကွင်းထဲ ဒေါ်အောင်ဆန်းစုကြည် ရောက်မလာခင် အချိန်အထိ နှစ်ပေါင်းများစွာ တာဝန်မဲ့သည့် အုပ်ချုပ်စီမံမှု စနစ် ဖြစ်နေခဲ့သည်။

အစိုးရဝန်ထမ်း အလုပ်အကိုင်များ အပါအဝင် နိုင်ငံတွင်းရှိ အလုပ်အင်အား နေရာချထားနိုင်မှု အလားအလာတွင် ကွာဟချက်များစွာရှိနေခဲ့သည်။ လက်ငင်းတွင် လိုအပ်နေသည့် အရည်အချင်း၊ ကျွမ်းကျင်မှုများ ပြည့်ဝသူများမှာ အသက် ၆ဝ ကျော်လွန်နေသူ လူကြီးပိုင်းများဖြစ်ရာ၊ နိုင်ငံ၏ အနာဂတ်အတွက် ဖန်တီးနိုင်မည့် အနေအထားကို ယနေ့လူငယ်များ မည်မျှဖွံ့ဖြိုးတိုးတက် နိုင်မည်နည်းဟူသည့် အပေါ်တွင်သာ အားထားမျှော်လင့်နေရ ပေတော့သည်။

ယခု ဖော်ပြရေးသားချက်များတွင် ပြည်ပရောက် မြန်မာအသိုက်အဝန်းများအတွက် အနည်းငယ် ပြင်းထန်မည်ဟု ယူဆသည့် အသုံးအနှုံး စာသားများကိုလည်း ခြွင်းချန်ထားခဲ့သည်။ ယင်းပြည်ပရှိ အင်အားစုများမှာ အမှန်ဆိုရလျှင်
ဒေါ်အောင်ဆန်းစုကြည်၊ အမျိုးသား ဒီမိုကရေစီအဖွဲ့ချုပ်၏ လှုပ်ရှားမှုများနှင့် နီးစပ်စွာ ချိတ်ဆက်မှုရှိနေသည်ဟု ယူဆထားနိုင်သူများလည်း ဖြစ်သည်။ ဘာတေးလ် လင့်တနာက ယင်းတို့ကို လေးစားမှုနှင့် ရှုမြင်ပြီး "တွေ့ဆုံ ဆွေးနွေးရေး" အတွက်၊ "အမျိုးသား ပြန်လည်ရင်ကြားစေ့ရေး"အတွက် တိုက်တွန်းနှိုးဆော်နေကြသူများဟုဖော်ပြထားသည်။

ဤစကားလုံးများမှာ နိုင်ငံတကာ အလှူရှင်များ သည်းခြေကြိုက် စကားလုံးများ ဖြစ်ပြီး၊ မြန်မာပြည်တွင်း ဖြစ်ထွန်း တိုးတက်မှုများနှင့် သိပ်တော့ဆီလျော်မှု မရှိလှချေ။ အကြောင်းမှာ စစ်တပ်က သူတို့ ဘာသာအပြင်၊ အခြား မည်သူနှင့်မျှ ဆွေးနွေးပြောဆိုနေခြင်း မရှိသောကြောင့် ဖြစ်သည်။ သို့သော်လည်း ၎င်းစကားလုံး၊ စကားရပ်များ မှာ မြန်မာနိုင်ငံ အရေးအတွက် လိုအပ်နေသည်ဟု ယေဘုယျလူအများက အဓိပ္ပါယ် ဖွင့်ဆိုထားချက်များ ဖြစ်ပြီး၊ အမှတ်ရရန် မမေ့ရန် လိုအပ်သည့်ကိစ္စမှာ အတိတ်ကာလက တက္ကသိုလ်ရိပ်သာလမ်း၊ ခြံအမှတ် (၅၄) မှ ပြောဆိုချက်များကို ပြန်၍ ပဲ့တပ်ထပ် ပြောဆိုနေခြင်းဟုဆိုလျှင်လည်း အမှန်ပင် ဖြစ်သည်။

ဘာတေးလ် လင့်တနာ၏ အမြင်ကို ချုပ်၍ဆိုရလျှင် ရှေ့ဆက်တိုးရန် လမ်းပျောက်ကွယ်နေပြီး၊ မြန်မာနိုင်ငံ၏အရေးကို ရှုမြင်ရာ၌ "နိုင်ငံတကာ၏အမြင်"နှင့် "မြန်မာပြည်သူများ၏ အမြင်" အကြား သိသိသာသာ ကွဲပြားခြားနားမှု ရှိနေပြန်သည်။

နောက်ဆုံးအနေဖြင့် နှိုင်းယှဉ်ချက်အရ ရေတိုကာလအတွင်း အကောင်းဘက်ပြောင်းလဲရန် မျှော်လင့်ချက် ကင်းဝေးနေရသည့် အခြေအနေကို ပွင့်ပွင့်လင်းလင်း ဖော်ပြထားပြီး၊ ပြိုကွဲအစည်းပြေခဲ့သည့် ယူဂိုဆလားဗီးယား အခြေအနေမျိုး မဖြစ်နိုင်ဟုလည်း သူက ငြင်းချက်မထုတ်ထားပါ။ နေရာအတော်များများတွင် ဘာတေးလ် လင့်တနာက မြန်မာပြည် အနာဂတ်တွင် ဖြစ်လာနိုင်သည့် မှုန်ရီမှိုင်း အခြေအနေအဖြစ် ထောက်ပြခဲ့ပါသည်။

တဘက်တွင် ဘာတေးလ် လင့်တနာက "နိုင်ငံအတွက် အမှန်တကယ် အရေးကြီးသည့် အဖွဲ့အစည်း (အင်တစီ ကျုရှင်း) ဖြစ်သည့် တပ်မတော်အတွင်းမှသာ အပြောင်းအလဲများ ဖြစ်ပေါ်လာရလိမ့်မည်" ဟု ထောက်ပြခဲ့ပါသည်။ လူအများ အငြင်းပွားနိုင်သည့် နိဂုံးချုပ်သုံးသပ်ချက်မျိုးဖြစ်ပြီး၊ အောင်ပွဲမခံနိုင်ခဲ့သည့် ၁၉၉ဝ ပြည့်နှစ် အထွေထွေရွေးကောက်ပွဲ ရလဒ်က ၎င်းအချက်ကို ထင်ဟပ်ဖော်ပြနေပါသည်။ သို့သော်လည်း ၎င်းအတွင်း အပြောင်းအလဲက မြန်မာပြည်၏ အတိုက်အခံ ခေါင်းဆောင်နှင့် မည်သို့ ထိမ်းမြားပေါင်းစပ် နိုင်ပါမည်နည်း၊ မေးစရာ ရှိနေသည်။

ဒေါ်အောင်ဆန်းစုကြည်၏ ရပ်တည်ချက် အနေအထားကို အလွယ်တကူ မြင်နေရပြီး၊ သူကိုယ်၌ကလည်း သူတိုင်းပြည်ပြင်ပတွင် နေခဲ့ရသည့်အချိန်က သူ၏နိုင်ငံရေးအပေါ် သြဇာလွှမ်းမိုးမှု ရှိနေကြောင်းလည်း ထုတ်ဖော် ဝန်ခံထားပြီး ဖြစ်သည်။ ယင်းအမြင်မျိုးကို အလွန်အကျူး မျိုးချစ်စိတ် ပြင်းပြလွန်းသည့်၊ ကြောက်ရွံ့စိုးထိတ်မှု ကဲနေသည့် နိုင်ငံတော် လုံခြုံရေး ကဏ္ဍအတွင်းမှ အင်အားစုများက အမျိုးသား အကျိုးစီးပွားအတွက် မနှစ်သက်ဖွယ်ရာဟု မြင်ကြပေလိမ့်မည် ဖြစ်သည်။

အခြားတဘက်တွင်လည်း ဒေါ်အောင်ဆန်းစုကြည်က နောက်တကြိမ် ပြန်လည်ရှင်သန်ထမြောက်၍ ယခင် အတိတ်က ကြိုးပမ်းချက်များနှင့်မတူ၊ မြန်မာနိုင်ငံကို ရှေ့သို့ တက်လှမ်းနိုင်ရန် အောင်မြင်ရန် ကြိုးပမ်းနိုင်၊ မနိုင်ဆိုသည်မှာ အချိန်ကသာ စကားပြောလိမ့်မည် ဖြစ်သည်။ အစိုးရ၏ ကိုယ်စားလှယ်နှင့် မကြာသေးမီက ဆွေးနွေးပြောဆိုမှုများ အပြီး ပူးတွဲ ကြေညာချက် ထုတ်ပြန်နိုင်ခဲ့သည့်အပေါ် ဆက်လက်ဖြစ်ပေါ်လာမည့် အလားအလာများကိုတော့ သတိနှင့် ဆက်၍ စောင့်ကြည့် မျှော်လင့် ထားနိုင်ပါသေးသည်။ ယခင်ကနှင့် မတူသည့် လမ်းမျိုးလည်း ဒေါ်အောင်ဆန်းစုကြည် လျှောက်လှမ်း နိုင်ပါသေးသည်။

သို့သော်လည်း မည်သို့မည်ပုံ ဖြစ်ပေါ်လာမည်ဟူသည့် အလားအလာကို မျှော်မှန်းနမိတ်ဖတ်ရန် ခက်ခဲသည်ဟု ဘာတေးလ် လင့်တနာက အမှန်တကယ်လည်း ထောက်ပြပြောဆိုထားပါသေးသည်။

အကြောင်းမှာ ဒေါ်အောင်ဆန်းစုကြည်က မည်သို့မည်ပုံ စဉ်းစားနေသည်၊ မည်သို့မည်ပုံ ပြုမူမည်နှင့် ပတ်သက်၍ သမိုင်းအချက်အလက်အရ အနည်းအကျဉ်းဖြင့်သာ မှန်းဆနေကြရပေသည်။

မည်သို့ပင် ဆိုစေကာမူ သူ့အပေါ် လူထုအများအပြားက ထောက်ခံလေးစားမှုသည်ပင် သူ့အပေါ် ကျရောက်နေသည့် ဝန်ထုပ်ဝန်ပိုး ဖြစ်နေရပေသည်။ ဒေါ်အောင်ဆန်းစုကြည်အနေဖြင့် သူ၏ပင်ကိုယ် အသံကို ဆက်လက် ရှာဖွေတွေ့ရှိနိုင်ရန် များစွာမှအရေးကြီးပေလိမ့်မည်။ အကြောင်းမှာ သူက စာရေးဆရာ ဘာတေးလ် လင့်တနာနိဂုံးချုပ် သုံးသပ်ထားသည့် အတိုင်း မည်သို့သော အမှားမျိုး ရှိခဲ့သည်ဖြစ်စေ၊ "မြန်မာနိုင်ငံ၏ ကောင်းမွန်လာမည့် အနာဂတ်အတွက် တခုတည်းသော မျှော်လင့်ချက်" ဖြစ်နေသောကြောင့်ပင်။

ယခုစာအုပ် ရောင်းရငွေမှ ရာခိုင်နှုန်း အနည်းငယ်ကို မဇ္ဈိမ သတင်းဌာနသို့လည်း ကူညီပံ့ပိုးပေးမည် ဖြစ်သည်။

Joseph Ball ရေးသားသည့် Dissecting The Lady and Burma’s hope ကို ဆီလျော်အောင် ပြန်ဆိုဖော်ပြပါသည်။