မြင့်မောင်
သောကြာနေ့၊ မတ်လ 06 2009
နယူးဒေလီ (မဇ္ဈိမ) ။ ။ ရန်ကုန်တွင် လွန်ခဲ့သည့် ၃ ရက်က ဗုံးနှစ်လုံး ပေါက်ကွဲခဲ့ရာ မသင်္ကာမှုဖြင့် သုဝဏ္ဏမြို့သစ်တွင် နေထိုင်သူ ကိုမျိုးမြင့်အောင်ကို ယခုလ ၄ ရက်နေ့က တာမွေမြို့နယ် ဘက်စ်ကားဂိတ်တွင် ရဲများက ဖမ်းဆီးခဲ့သည်။
နံနက် ၁၀ နာရီခန့်တွင် မိခင်နှင့်အတူ ကားပေါ်ကအဆင်း အရပ်ဝတ်ရဲများက ဖမ်းဆီးသွားခြင်း ဖြစ်သည်။
“သူ့အမေနဲ့ တာမွေ ဘတ်စ်ကား ဂိတ်အဆင်းမှာ သူ့ကို ဖမ်းသွားတယ်။ ဘာ့လို့ ဖမ်းတာလဲ မေးတော့ စမ်းချောင်းနဲ့ ပဒုမ္ပာ ပန်းခြံအတွင်း ဗုံးပေါက်ကွဲမှုနဲ့ ပတ်သက်လို့ မသင်္ကာလို့ ခေါ်တာတဲ့” ဟု ဆွေမျိုးတဦးက မဇ္ဈိမကို ပြောသည်။
မည်သည့်နေရာသို့ ဖမ်းဆီးခေါ်ဆောင်သွားသည်ကို မသိရသေးသလို၊ အဖမ်းအဆီးနှင့် ပတ်သက်ပြီး မဇ္ဈိမအနေဖြင့် သီးခြား အတည်ပြုနိုင်ခြင်း မရှိသေးပါ။
ယခုလ ၃ ရက်နေ့ ညပိုင်းက စမ်းချောင်းမြို့နယ် လှည်းတန်းမှတ်တိုင်နှင့် ပဒုမ္ပာပန်းခြံအတွင်း တနာရီခြား တခါ ဗုံးများ ပေါက်ကွဲခဲ့သည်။
ကိုမျိုးမြင့်အောင်သည် မလေးရှားနိုင်ငံသို့ သွားရောက် အလုပ်လုပ်ရန် ဗီဇာ စောင့်ဆိုင်းနေသူဖြစ်ကြောင်း သိရသည်။
Thursday, April 30, 2009
Subscribe to:
Post Comments (Atom)
No comments:
Post a Comment