ခိုင်အောင်ကျော် ( နယူးယောက် )
သူတော်ချင်းချင်း သတင်းလွေလွေ့ စကားပုံကို လူတိုင်းသိကြပါသည် ။ အရပ်သားစကားပြောရလျှင် သန်ရာ တွေစုကြသည့်သဘောဖြစ်သည် ၊ အနှစ်နှစ်ဆယ်လုံးလုံး သန်ရာချည်းစုမိကြသောအခါ ဤကဲ့သို့သောအချိန်ထိ တော်လှန်ရေးကာလ ကြာမြင့်ခဲ့ရပါပြီ ။ နှမျှောတတ်ကြဖို့တော့ လိုသည်။ အသိတရားတွေ ရရှိကြဖို့လိုသည် ၊ ကျနော်တို့ အမှန်တကယ်ပင် အသိတရား ရကြပါပြီလား ၊ မထင်ပါ ။ အကြောင်းမှာ ရန်ငါစည်းမပြတ်၍ ယခုထိပင် ပြသနာတွ ရှိနေပါသေးသည်ဟု တချို့ က ပြောကြပါသည် ။ အသွင်ကူးပြောင်းရေးကာလတခုအတွက် ပေးဆပ် ခဲ့ကြသော အချိန်များ၌ ခြင်္သေ့ကဲ့သို့သော ဟိန်းဟောက်နေခဲ့ကြသည့် ပုဂ္ဂိုလ်များသည် ကြွက်စုတ်လည်း ဖြစ် သွားကြပြီ။
ပြည်ပသို့ထွက်ခွာလာကြစဉ်က အားလုံးသောရင်ထဲမှာ တဂူထဲ၌သာရှိသော ခြင်္သေ့ကဲ့သို့ သတ္တိအရာများ ပြည့်စုံသော တော်လှန်ရေးခေါင်းဆောင်များ ဖြစ်ကြပါသည် ။ သည်လိုနှင့် တော်လှန်ရေးရေစီးကြောင်းတွင် မျောပါယင်း NGOs တို့၏ ရေစီးကြောင်းနှင့် ဆက်လက်မျှောသွားသောအခါ ပုံစံခွက်ထဲမှာသာ ဘ၀ပြောင်းသွား ခဲ့ကြပါသည်။ ထို့ကြောင့်ဤမျှအချိန်ကာလ ကြာမြင့်ခဲ့ပါသည်ဟု တချို့ က သုံးသပ်ကြပါသည် ။
တချို့မှာ တတိယနိုင်ငံများသို့ ရောက်ရှိသွားကြသောအခါ တော်လှန်ရေးအရှိန်လျော့ပါးခြင်းဂယက်တွင် ပါဝင် သွားသည်ဟု စောဒကတက်ပြကြပါသည် ။ မည်သို့ပင်ဆိုစေ လူတိုင်းလိုလို စိတ်ဆန္ဒတခု ရှိနေသည် ကိုတော့ ၀န်ခံပြောနိုင်ကြပါသည်။ သို့သော် ထိရောက်စွာ မလုပ်နိုင်ကြခြင်းနှင့် ထိရောက်စွာသိမ်းသွင်း စည်းရုံးမှု မရှိနိုင်ခြင်း ကြောင့်ဟု ယေဘူယျပြောဆိုကြပါသည် ။
ကံကောင်းသည်ဟု ပြောရမည်လားမသိ။ ကျနော်နှင့် ဆက်စပ်နေသောသူများတို့မှာ ၂၀၁၀ ရွေးကောက်ပွဲကို သပိတ်မှောက်ရေးအတွက် နည်းလမ်းများရှာကြံနေသူများဖြစ်သည်။ ဒ်ီတော့ ကျနော်တို့မှာ ပေါ်လီစီများ ရှာကြံ ရပါတော့မည်။ နည်းလမ်းများချမှတ် အကောင်အထည်ဖေါ်ရပါတော့မည်။ အစီအစဉ်များကို စနစ်တကျ ပြုလုပ်ရန်လိုပါသည်။ အကြောင်းမှာ စစ်အစိုးရသည် ဤရွေးကောက်ပွဲကို သေချာစွာပြုလုပ်စီမံထားခြင်း ကြောင့် ဖြစ် ပါသည် ။
ကျနော်တို့၏အင်အားနှင့် စစ်အစိုးရ၏အင်အားကို ချိန်ကြည့်ရန်လိုပါသည် ။ သည်အခါ ပြော၍မရနိုင် လောက် အောင်ပင် ကွာခြားနေမှန်း သတိပြုမိကြမည် ထင်ပါသည် ။ ပြည်တွင်းမီဒီယာများသည် ကျနော်တို့အတွက် အဓိကမဟာမိတ်မဖြစ်သေး။ သို့အတူပြည်ပမှ မီဒီယာအသံလွှင့်များသည်ပင် ဒီမိုကရေစီအင်အားစုများအတွက် မီဒီယာမဟုတ် ။ ဤအချက်ကို နားလည်ရန်လိုပါသည်။ အသံလွှင့်မီဒီယာများသည်၎င်း ၊ ဂျာနယ်များသည်၎င်း အတိုက်အခံအင်အားစုများ၏ အသံများ ၊ဆောင်းပါးများကို ဖေါ်ပြခြင်းထက် ရွေးကောက်ပွဲဝင်မည့်ပါတီများ အကြောင်း နှင့် ယင်းပုဂ္ဂိုလ်များ၏ အင်တာဗျူးများကိုပင် ထာဝစဉ်ဖေါ်ပြနေသေးသည်။ အတိုက်အခံများ၏ ဆောင်းပါးများ ၊ အသံများကို ထည့်သွင်းဖေါ်ပြရာ၌ နည်းပါးလွန်းလှနေပါသည်။
ကုန်ခဲ့သောတပါတ်က ရှမ်းပြည်တပ်မတော်မှ ဗိုလ်မှူးယောဆပ်၏ ဆောင်းပါးတပုဒ်ကိုတွေ့ရသည်။ မည်သူမျှ လိုက်နာလက်ခံထားခြင်း မရှိကြသေး ။ နအဖတပ်မတော်သည် အတိုက်အခံတို့၏ လက်နက်ကိုင်များနှင့် မည်မျှ ကွာခြားနေသနည်းဆိုသည်ကို ထောက်ပြထားကြောင်း တွေ့ရသည်။နအဖတပ်မတော်တွင် တသွေးတသံ တမိန့် တည်း ရှိသည် ။ ဒီမိုကရေစီအတိုက်အခံများမှ လက်နက်ကိုင်အင်အားစုများမှာ အများအပြားရှိသည်။
ထို့ကြောင့် ရန်သူသည် ထာဝရကောက်စားနိုင်သည်ဟု ရေးသားဖေါ်ပြထားပါသည်။ ယင်းမှာအဓိကအချက် အနေဖြင့် ရန်သူ နအဖတပ်မတော်က စည်းလုံးညီညွတ်စွာရှိနေသော်လည်း အတိုက်အခံတော်လှန်ရေး လက်နက်ကိုင်အဖွဲ့ တို့မှာ ကွဲပြဲနေသည်ဟု ဆိုလိုရင်းဖြစ်သည်။ ရန်သူပြိုကွဲစေရေးအတွက် ဤသို့မဖြစ်နေသင့်ဟု လက်နက်ကိုင် တော်လှန် ရေး ဗိုလ်မှူးယောဆပ်က အသိပေးပါသည်။ တခုတည်းသောတပ်တော်ရှိသည့် နအဖကို တခုတည်းသော တော်လှန်ရေးတပ်မတော် ရှိသင့်သည်ဟု ထောက်ပြခြင်းဖြစ်သည်။
ဤသည်မှာမဖြစ်နိုင်စရာလည်း မမြင်။ ပြည်ထောင်စုတပ်မတော်ဖွဲ့စည်းရန် စိတ်ဆန္ဒရှိကြဖို့သာလိုပါသည်။ ရခိုင်ကတမျိုး ၊ရှမ်းကတဖုံ၊ မွန်ကတမှောင့် ချင်းကတသွယ်နှင့် ကရင်က တလမ်းဆိုနေလျှင်တော့ မည်သို့မျှ ခိုင်မာတောင့်တင်းသော နအဖစစ်အုပ်စုကို ခုခံတိုက်ခိုက်တွန်းလှန်နိုင်မည် မဟုတ်ချေ။
တသွေးတသံတမိန့်တည်းပြုလုပ်ရန်အတွက် ပြည်ထောင်စုတပ်မတော်ကို အမြန်ဆုံးဆောင်ရွက်ကြဖို့လိုသည်။ ယခုလက်ရှိကြားသိနေရသော မဟာမိတ်အဖွဲ့များ၊ တပ်ပေါင်းစုစသည်များမှာ လက်တွေ့မဆန်လှ။ ကျနော်ပြောလိုသည်မှာ တပ်ရင်းတခုထဲတွင် လူမျိုးပေါင်းစုံ ပူးပေါင်းပါဝင်သော ပြည်ထောင်စုတပ်မတော်ကို ဆိုလိုရင်းဖြစ်သည်။ ကျနော်တို့သည် လွန်ခဲ့သော အလုပ်မဖြစ်သည့် ပုံစံခွက်များကို လုံးဝပြောင်းပစ်ရ မည်ဖြစ်သည်။ လက်သင့်ခံထားရန်လည်း အချိန်မဟုတ်တော့။ ထိုတလောက ကရင်အမျိုးသားစည်းရုံးရေး တပ်ဖွဲ့မှ နအဖစစ်ကြောင်းတခုအား အောင်မြင်စွာတိုက်ခိုက်နေခြင်းကို ဗီဒီယိုကြည့်ရှုလိုက်ရပါသည်။ ကျနော်တို့ တော်တော်ပင် စိတ်ဓါတ်တက်ကြွဖြစ်ကြပါသည်။
ယင်းသို့ပါဘဲ အခြားသော တိုင်းရင်သားလူမျိုးများ လက်နက်ကိုင်အဖွဲ့ကလည်း ခုလိုတိုက်ခိုက်တာများ ရှိခဲ့ လျှင်ဖြင့် မည်သို့ပျော်ရွှင်ရမည်လဲလို့ စိတ်ကိုခန့်မှန်းမိပါသည်။ လူသတ်နေခြင်းကို လက်ခုပ်လက်ဝါး တီးပေးနေ သည်မှာ သဘာဝမကျသလိုတော့အမှန်။ မတတ်နိုင်ပါ ။ စစ်ပွဲဆိုသည်က တရားသဖြင့် အနိုင် ယူကြ သည်မို့ ကိုယ်မသတ်လျှင် သူကသတ်သွားမည့်ပွဲဖြစ်သည်။ စစ်မြေပြင်မဟုတ်ပါဘဲ နအဖစစ်တပ်၏ လူသတ်ခြင်းကြောင့် ထွက်ပြေးတိမ်းရှောင်နေကြရသော မြန်မာနိုင်ငံသားဒုက္ခသည်များမှာ သိန်းကျော်၍ သန်းနီးကပါး တိုင်နေပါပြီ။ တဖက်သတ်ခံနေရသော ယင်းနေ့တဓူဝပြသနာများကို ဖြေရှင်းရန် တခုတည်းသော နည်းလမ်းမှာ အင်အား ချိန်ခွင်လျှာ တူညီနေရေးဖြစ်သည်။ ယင်းအင်အားချင်းတူညီနေမူကို ဗိုလ်မှူးကြီးယောဆပ်က ပြောဆိုခြင်းဖြစ် သည်။ ဤအချက်မှာ ပကတိမျက်မှောက်ကာလ လိုအပ်ချက်တခုဖြစ်သည်။
တချိန်တည်းမှာ နိုင်ငံရေးအရ ကျနော်တို့မှာ အဖွဲ့ပေါင်းများစွာ ရှိနေသည်။ စုစည်း၍မရ။ သေချာသည်မှာ ရန်ငါစည်းမပြတ်၍ဖြစ်နေရခြင်းဟု ဂျာမဏီမှ ဦးဆံနီက သုံးသပ်ပြပါသည်။ ရန်သူကိုရန်သူလို့မြင်ပြီး မိမိတို့ အတွင်းမှ ရန်သူများကိုလည်း ခုအချိန်မှာ ထုတ်ဖေါ်ဆုံးဖြတ်တိုက်ပွဲရမည်ဟုဆိုသည်။ ကျနော်သည်ပင် ပေါ်လီစီ များကို ချမှတ်ထုတ်ဖေါ်အသိပေးနေသည့်ကြားမှ အရေးတယူ ဆွေးနွေးကြသည့် အင်အားစုမှာ လက်ချိုးရေတွက် ၍ ရနေသည်ကို သတိထားမိပါသည်။ ကံကောင်းသည်ဟုလား မပြောတတ်ချေ။
အားလုံေးသာသူတို့မှာ ရန်သူနှင့် အသေအကြေတိုက်ပွဲဝင်နေသူများဖြစ်သည်။ ချစ်စရာအကွက်လေးတခု ကတော့ ယင်းသို့ရှိနေပါသည်။ ကျန်နေသည့်အစိတ်အပိုင်းတွေမှာတော့ အားမရလှ။ အဘယ့်ကြောင့်ဆိုသော် လူကြီးတန်မဲ့ စကားပြောနေကြခြင်းနှင့် အတင်းပြောနေကြသလိုဖြစ်နေသော နိုင်ငံရေး သီအိုရီချပြနေကြခြင်း ဖြစ်ပါသည်။ ကျနော်ပြောချင်သည်မှာ နိုုင်ငံရေး ဂုဏ်သိက္ခာရှိစေချင်ကြပါသည်။
အားလုံးသောပုဂ္ဂိုလ်တို့မှာ သမိုင်းနှင့်လာသော ရာဇ၀င်နှင့်လာသော နိုင်ငံရေးသမားများ ၊ တော်လှန်ရေးသမား များဖြစ်ပါသည်။ ဆင်မှာလည်းဆင်အထွာ ၊ ဆိတ်မှာလည်း ဆိတ်အထွာနှင့် မို့ ခွဲ့ခြားပြောဖို့အချိန်လည်း မဟုတ်။ သဘောက နိုင်ငံရေးအကျဉ်းသားများက သူတို့၏ ဂုဏ်ပုဒ်သိက္ခာကို အကျဉ်းထောင်နှစ်ကြာမြင့်မူပေတံနှင့် တိုင်းသလို တော်လှန်ရေးသမားတွေကလည်း လက်နက်ကိုင်ခဲ့မူအချိန်ကာလနှင့် ပေတံဖြင့်တိုင်းတာနေသည်မှာ တော့ မလိုအပ်တော့။
အဖွဲ့အစည်းကြီးတွေမှာလည်း ဆင်အရေခွံကိုခွါချကာ သူလိုကိုယ်လို လုပ်ပြရတော့မည့်ကာလဖြစ်ပါသည်။ သေသေချာချာ ရှင်းပြချင်ပါသည်။ နအဖမှာ အင်မတန်ခိုင်မာစွာ အဖွဲ့အစည်းကြီးနှစ်ခုရှိသည်.။ယင်းမှာ တစညနှင့် ကြံ့ဖွံ့ဖြစ်သည်။ သူတို့သည် နအဖအသက်ရှင်ရပ်တည်ရေးအတွက် ပေးအပ်သောအမိန့်တာဝန်များကို မြေ၀ယ်မကျ နားထောင် လိုက်နာကြပါသည်။ နောက်ပြီး စွမ်းအားရှင်ဆိုသော အင်အားစုမှာ လူသတ်ခိုင်းလျင် ၀ါးရင်းတုတ်ဖြင့် လူသတ်သည်အထိ အမိန့်ကို လုပ်နာသည့် လက်ပါးစေသမားများဖြစ်ပါသည်။ ပြောရလျှင် နအဖ၏သေနတ်မကိုင်သော အကြမ်းဖက်အဖွဲ့အစည်းဖြစ်ပါသည်။ နအဖသည်အကြမ်းဖက်အဖွဲ့ဖြစ်ကြောင်း ကမ္ဘာကသိရှိပါသည်။
သူတို့၏ရွေးကောက်ပွဲတွင် သူတို့၏အင်အားစုများ အနိုင်ရရှိရေးအတွက် အစွမ်းကုန်ကာကွယ်ကြပါလိမ့်မည်။ ယင်းမှာလည်း သဘာဝကျပါသည်။ အကြောင်းမှာ သူတို့သာရွေးကောက်ပွဲမှာ ရှုံးခဲ့လျှင် သက်ဆိုးမရှည် နိုင်တော့ ဟု ထင်ကောင်းထင်နေမိမည်ဖြစ်ပါသည်။ အထက်ကဆရာကြီးတို့က မည်သို့နည်းနှင့်မျှ မရှုံးအောင် ဖန်တီးထား ပြီး ပြီ ဆိုသည်ကို သူတို့ ဦးဏှောက်ဖြင့် တွက်ဆ၍ ဥာဏ်မမှီလှပါ။
ထို့ကြောင့် ရုံးမည်ထင်လျှင် ပွဲကြမ်းရအောင် သူတို့မှာ အဓိကရုဏ်းသင်တန်းများ တက်ပြီးနေပါပြီ။ တခုသာ ရှိပါသည်။ ရွေးကောက်ပွဲအပေါ် သစ္စာရှိစွာဖြင့် အသက်ပေးကာကွယ် စောင့်ရှောက်သွားကြပါလိမ့်မည်။ ယင်းမှာ ယုံမှားစရာ သံသယပွါးစရာ မဟုတ်တော့ပါ။ သည်လိုဆိုလျှင် ကျနော်တို့ အတိုက်အခံများဘက်မှ လှုပ်ရှားမှူများကို တဖန်ပြန်၍ သုံးသပ်ကြည့်ရန်လိုလာပါပြီ။
ကျနော်တို့မှာ ရွေးကောက်ပွဲ ဖျက်ဆီးရေးအတွက် ပျက်စီးစေရေးကို မည်သူက တာဝန်ယူနေပါသနည်း။ မည်သူမျှ တာဝန်ခံခြင်း မရှိသေးမှန်း သိသာနိုင်ပါသည်။ အခန်းအနားပြုလုပ်ပြီး ကြေညာချက်ထုတ်ရုံနှင့် လိုက်မမှီတော့မှန်း သိဖို့လိုပါသည်။ သစ္စာရှိစွာဖြင့် လုပ်ငန်းဆောင်ရွက်မည့်သူများ လိုအပ်နေပါပြီ။ သို့သော် ပေါ်လီစီမရှိ၍ မည်သူမျှ မလုပ်ဆောင်ရသေးပါ။ ပေါ်လီစီဆိုသည်မှာ တခုပြီးတခု ချမှတ်ပြီး အစီအစဉ်တကျ လုပ်ဆောင်ရန်လိုပါသည်။ ရွေးကောက်ပွဲကို မပျက်ပျက်အောင် လုပ်ကြရပါလိမ့်မည်။
ဒီအခါ လူပေါင်းများစွာကို တွေ့ဆုံပြီး စကားစမည်ပြောဆ ဆွေးနွေးကြည့်ပါသည်။ အမြင်ချင်းတူနေသောသူများ ၊ အတွေးအခေါ်တူနေကြသူများကို အုပ်စုအလိုက် ဆန္ဒသဘောထားများနှင့် ပါတ်သက်၍ ဆွေးနွေးကြည့်ပါသည်။
မြောက်ကာရိုလိုင်းနားပြည်နယ်တွင် နေထိုင်သည့် ဒေါက်တာခင်စိန်ပြောသော ပုံပြင်ကလေးတပုဒ်ကို ဤနေရာ မှာ အမှတ်ရလာမိပါသည်။ ဗမာလူမျိုးတယောက်နှင့် ကရင်လူမျိုးတယောက် ငါးရှာထွက်ကြသည့် ဇတ်လမ်း ကလေးဖြစ်ပါသည်။ ဗမာကောင်လေး၏ပလိုင်းတွင် ပုဇွန်တုပ်များမှာ ထွက်ပြေးရန်အတွက် ပလိုင်းပေါက်သို့ ခုန်တက်သည်ဟု ဆိုပါသည်။ ယင်းသို့တကောင်က သူလွပ်မြောက်ရန်အတွက် ခုန်တက်လျှင် ကျန်သည့် လူများက ခြေထောက်ကိုဆွဲတဲ့ လူကဆွဲ ၊ လက်မကိုကိုက်ဖြတ်သည့် သူကဖြတ်နှင့် ၊ တက်သည့်အကောင်တိုင်း ကျန်သည့်လူက လက်မဖြတ်လိုက် ကိုက်လိုက် နှင့် နောက်ဆုံးတွင် မည်သည့်လူမှ ပလိုင်းပေါက်နားသို့ မရောက်ခဲ့ကြရ။
ကရင်ကောင်လေးပလိုင်းတွင်မူ ပုဇွန်တကောင်က ခုန်ကျော်ပြီးတက်လာလျှင် မမှီသည့်အကောင်ကို နောက်ကအကောင်က ဆွဲတင်သွား၍ နောက်ဆုံးမှာ ပလိုင်းထဲမှ ပုဇွန်တုပ်တွေလွပ်မြောက်ပြီး အသက်ချမ်းသာ ရသွားရသည်ဟု ဆိုပါသည်။
ဗမာကောင်လေး၏ပလိုင်းတွင်မူ ပုဇွန်တုပ်များမှ ဖွင့်ကြည့်လိုက်သောအခါ ခြေထောက်အကိုက်ခံရ၍ ခြေကျိုးသူကကျိုးနှင့် တချို့ မှာ လက်ပြတ်သူကပြတ်နှင့် အားလုံးပြေးနိုင်စွမ်း မရှိတော့။ ထို့ကြောင့် ဟင်းအိုး ထဲရောက် သွားကြရသည်ဟု ဆိုပါသည်။ ဥပမာပြသည်ကတော့ ၈၈ လွန်နိုင်ငံရေးလောကတွင် ဗမာအချင်းချင်း ချလိုက်ဖြတ်လိုက် ခုတ်လိုက်နှင့် နောက်ဆုံးမှာ ပလိုင်းထဲက ပုဇွန်တုပ်ဘ၀လိုဖြစ်သွားကြရသည်ဟု ပုံပြင်လေး ကို အဆုံးသတ်ပြောပြပါသည်။
ထိုသို့ဖြစ်နေ၍လည်း ယခုလိုသာ အသွင်ကူးပြောင်းရေးက ကြာမြင့်နေသည်ဆိုလျင် ကျနော်တို့ ဘာများ လုပ်စရာရှိပါမည်နည်း။ ရှင်းပါသည်။ ပြန်လည်ညှိနိုင်းစေ့စပ်ရပါလိမ့်မည်။ လာတုံးကကဲ့သို့ ခြင်္သေ့များကို သူ့ဂူနှင့် သူ နေစေချင်ပါသည်။ ဆင်များကိုရော ဆိတ်များကိုရော အထွာတွေနှင့် ရှိစေချင်ပါသည်။ တလွှဲဆံပင် ကောင်းစွာနှင့် ကိုယ့်အချင်းချင်း ကွဲသွားရန် မပြုလုပ်သင့်တော့။ ကိုယ့်အချင်းချင်း ပွဲကြမ်းအောင် မဆောင်ရွက်သင့်ချေ။ အားလုံးသောပုဂ္ဂိုလ်တို့မှာ စစ်အစိုးရကို ဖြုတ်ချချင်၍ တိုက်ပွဲဝင်နေကြသူများဖြစ်သည်။ သို့ကြောင့် မည်သို့ ဖြုတ်ချရမည်ကို ပေါ်လီစီများချမှတ်ရန်သာလိုပါသည်။ ဆိုကြပါစို့။
နိုင်ငံတကာအစိုးရများက ၂၀၁၀ ရွေးကောက်ပွဲကို အသိအမှတ်မပြုဆိုသောစကားကို ပြောအောင် လုပ်ပြဖို့လိုပါ သည်။ တချိန်တည်းမှာ ပြည်တွင်း မှာလည်း သပိတ်မှောက်ကြောင်း ကြေညာချက်များ ထုတ်ပြန်ထားဖို့ အမြဲလိုပါ သည်။ နိုင်ငံတကာသံရုံးများသို့ အိပ်ဖွင့်ပေးစာများ ပေးကမ်းနေဖို့လိုပါသည်။
ကြံ့ဖွံ့ပါတီမှ ဖိနပ်သိန်းစိန်အား လက်ဆောင်ပေးရန် ဖိနပ်ကမ်ပိမ်းကို ပြည်တွင်းမှာ ပြုလုပ်ရန်အမြဲလိုအပ် နေပါ သည်။ လမ်းဘေးမှ ဖိနပ်စုတ်များကို ကြံ့ဖွံ့ပါတီရုံးများသို့ နေ့စဉ်ပို့ပေးရန်လိုပါသည်။ ဗိုလ်ချုပ်မှူးကြီးသန်းရွှေအား ထမီစုတ်များကို စာတိုက်မှတဆင့် နေပြည်တော်သို့ အမြဲလက်ဆောင်ပေးပို့နေရန် လိုပါသည်။
ပြည်ပတွင် နိုင်ငံတကာအစိုးရများမှ ပုဂ္ဂိုလ်များ ၊ သတင်းစာဆရာများကို တွေ့ဆုံတိုင်း သပိတ်မှောက်ကြောင်း ပြောပြကြရန်လိုလာပါပြီ။၁၉၉၀ ခုနှစ် ရွေးကောက်ပွဲကိုရလဒ်ကိုသာ အလိုရှိကြောင်း ၊စင်ပြိုင်အစိုးဖွဲ့စည်းရေးကို သာ လုပ်ဆောင်ရန်ဖြစ်ကြောင်းနှင့် စင်ပြိုင်အစိုးရဖွဲ့စည်းရန် ဖြစ်မြောက်ရေးအဖွဲ့ ဖွဲ့မည်ဖြစ်ကြောင်း ကြေညာချက် ထုတ်ပြန်ရန်လိုပါပြီ။
ယင်းကမှတဆင့် ပြည်တွင်းရှိပြည်သူတရပ်လုံးအား သတင်းကောင်းများပေးရန် ကြိုးစား ပြကြ ရပါတော့မည်။ ဤသည်မှာ ဒေါ်အောင်ဆန်းစုကြည်ကြားချင်သော သတင်းကောင်းလည်း ဖြစ်ပါလိမ့်မည် ။ သည်တော့ ၂၀၁၀ ရွေးကောက်ပွဲဖျက်ဆီးရေးအတွက် ပျက်စီးစေရေးမှာ လူတိုင်းတာဝန်ရှိသည်မဟုတ်လား။ ကျနော့််မှာလည်း တာဝန်ရှိသလို သင့်မှာလည်းတာဝန်ရှိပါပြီ။
Subscribe to:
Post Comments (Atom)
No comments:
Post a Comment